হায়লাইতশিং:

• নুমিৎ নিনি চত্থগদবা কুমহৈ অসিনা আর্ম্দ ফোর্সেসকী মপাঙ্গল অমদি ভারতকী ত্রাইবেল কল্চরগী ফুরুপকী ফজবশিং উৎকনি‍।
• থৌরম অসিদা লৈবাক শিনবা থুংবদগী ত্রাইবেল আর্তিস্তশিংনা পুং অমা শাংবা ত্রেদিস্নেল দান্স পর্ফোর্মেন্সশিং (খুখ্রি দান্জ, গত্কা, মল্লখম্ব, কলারিপেতু, থাঙ-তা) উৎকনি‍।

রিপব্লিক দে সেলেব্রেসন ২০২৩গী শরুক ওইনা অমদি নেতাজী সুভাস চন্দ্র মোসকী ১২৬শুবা মপোক কুমওন (পরাক্রম দিবস হায়না পাঙথোক্লিবা) পাঙথোকপা ওইনা, জনুৱারী ২৩ অমদি ২৪, ২০২৩দা নই দিল্লীগী জৱাহরলাল নেহরু স্তেদিয়মদা মিলিতরী তেতু এন্দ ত্রাইবেল দান্স ফেস্তিবেল ‘আদি সৌর্য় – পর্ব পরাক্রম কা’ পাঙথোক্কদৌরি‍। নুমিৎ নিনি চত্থগদবা কুমহৈ অসিনা আর্ম্দ ফোর্সেসকী মপাঙ্গল অমদি ভারতকী ত্রাইবেল কল্চরগী ফুরুপকী ফজবশিং উৎকনি‍। মমল তিংদবা তিকেৎ www.bookmyshow.com গী খুত্থাঙদা ফংগনি‍।

                        

ত্রাইবেল এফ্যার্সকী কেন্দ্র মন্ত্রী শ্রী অর্জুন মুন্দানা হায়খিবদা, “সুভাস চন্দ্র বোসকী মপোক কুমওন থৌরমদা পরাক্রম দিবস পাঙথোক্নবা লৌখৎলিবা থৌরাং অসি তোপ তোপ্পা থৌরাং অমনি”

শ্রী অর্জুন মুন্দানা থৌরম অসি মিলিতরী তেতু অমদি ত্রাবেল দান্স পুন্না উত্তুনা আদি সৌর্য়গী মতৌ উৎলিবা মওং অমনি হায়না মখা তাখি‍। কেন্দ্র মন্ত্রীনা ত্রাইবেলশিং অসিনা ঈশিং, উমং অমদি লম হায়রিবা লৈবাকসিগী লনশিং ঙাক্তুনা লাক্লি হায়খি‍। ত্রাইবেলশিংনা নীংতম ইহৌগী মতমদা লোইলম লৈঙাক্কী মায়োক্তা থৌনা ফনা লান্থেংনখি অমদি লৈবাক্কীদমক মপুন্সি কত্থোকখি হায়নসু মহাক্না মখা তাখি‍।

আদি সৌর্য় নৎত্রগা পর্ব পরাক্রম কা অসিনা ইথিল পীগদবা মওংদা নাৎ অমসুং থৌনা লিংজেলপু পুনশিল্লি হায়নসু শ্রী অর্জুন মুন্দানা মখা তাখি‍। কেন্দ্র মন্ত্রীনা পুম্নমক্কী মফমদা ২৩ অমসুং ২৪দা জে.এল.এন. স্তেদিয়মদা থোরক্তুনা লৈবাক্কী তোঙান তোঙানবা মফমশিংদগী লাক্লিবা ত্রাইবেল দান্সশিং এক ভারত শ্রেস্থ ভারতকী ৱাখল্লোন্দা উৎকদৌরিবা অসিবু মীৎয়েঙ তারনবা ৱাফম থমখি‍।

মিদিয়াগী মফমদা ৱা ঙাঙলদুনা, ত্রাইবেল এফ্যার্সকী এদিস্নেল সেক্রেতরী, মিস আর. জয়ানা হায়খি, “লান্মীগী জৱানশিংনা থৌরম কয়া পাঙথোক্কদবা অমদি ত্রাইবেল গ্রুপ ২০না দান্স পর্ফোর্মেন্স পীগদবা অচৌবা থৌরম অমা ঐখোয়না উগনি হায়না থাজরি‍। অহানবা ওইনা অসিগুম্বা মখলগী থৌরম অসি পাঙথোক্লি অমদি থৌরম অসি অমৃৎ কালগী মতমদা পাঙথোক্লিবা ওইবনা ঐখোয় য়াম্না মথুম মরাং হৌই”‍।

থৌরম অসিদা মিলিতরী তেতু অমা (পেরামোতোর গ্লাইদিং, হোৎ এয়র বেলুন, হোর্স সো, মোতোর সাইকল দিস্প্লে, এয়র ৱারিয়র দ্রিল, নেভী বেন্দ) অমদি লৈবাক শিনবা থুংবদগী লাক্কদবা ত্রাইবেল আর্তিস্তশিংগী পুং অমা শাংবা ত্রেদিস্নেল দান্স পর্ফোর্মেন্সশিং (খুখ্রি দান্জ, গত্কা, মল্লখম্ব, কলারিপেতু, থাঙ-তা) য়াওরি‍। গ্রান্দ ফিনালিদা মমিং লৈরবা শৈশকপা শ্রী কৈলাস খেরগী পর্ফোর্মেন্স অমা য়াওরি‍।

 

কুমহৈ অসিগী পান্দমদি লৈবাকসিগী মথৌনা ফবশিংনা কত্থোকখিবশিং নীংশিংবা অমদি ভারতপু তোপ তোপ্পা অমদি খেন্নবা কয়ানা থনবা লৈবাক অমা ওইহল্লিবা ইনাক খুল্লবা নাৎকী লনশিংবু সেলেব্রেৎ তৌবনি‍। থম্লিবা পান্দমদি নেতাজী সুভাস চন্দ্র বোসকী থৌনাবু পুন্না সেলেব্রেৎ তৌমিন্নবা; ভারতকী অশেংবা ৱাখল্লোনবু থাগোন্নদুনা মপাঙ্গল কনবা অমদি নুংঙাই য়াইফবা ‘অনৌবা ভারত’ অমা শেম্নবা ফিরেপ নৌহৌননা লৌমিন্নবনি‍। ইন্দিয়ন কোস্ত গার্দনা কোওর্দিনেতিং এজেন্সী ওইদুনা, দিফেন্স মন্ত্রালয় অমদি ত্রাইবেল এফ্যার্স মন্ত্রালয়না থৌরম অসি পুন্না শিনবনি‍।

অতোপ্পা মরী লৈনবা লিঙ্কশিং

******

(Release ID: 1892020) Visitor Counter : 90