লেবর অমসুং ইম্প্লোইমেন্ত মন্ত্রালয়
লেবর অমসুং ইমপ্লোইমেন্তগী য়ুনিয়ন মিনিস্তর শ্রী ভুপেন্দ্র যাদবনা ত্রিপুরাগী অগরতালাদা ফমুং ১০০ লৈগদবা ই.এস.আই.সি হোস্পিতালগী উরেপ-উয়ুং তমখ্রে
অৱাংবা থাক্কী হোস্পিতাল অসিনা অগরতালা অমসুং মসিগা নক্নবা মফমশিংগী বেনিফিসরি ৬০,০০০ হেনবদা অনা-লায়য়েংগী খুদোংচাবশিং ফংহনগনি
অৱাং-নোংপোক রাজ্যশিং চাউখৎনবা প্রধান মন্ত্রী শ্রী নরেন্দ্র মোদীনা থৱায় য়াওনা হোৎনরি অমসুং লমদম অসি চাউখৎনবা প্রধান মন্ত্রীগী মঙলান অসি মঙফাওনবদা ই.এস.আই.সি হোস্পিতালনা মতেং পাংগনি: শ্রী ভুপেন্দ্র যাদব
Posted On:
15 JAN 2023 3:26PM by PIB Imphal
ঙসি ভর্চুএল ওইনা পাংথোকপা থৌরম অমদা নিউ দিল্লিদগী লেবর অমসুং ইমপ্লোইমেন্ত, ইনভাইরোনমেন্ত, ফোরেস্ত অমসুং ক্লাইমেত চেঞ্জগী য়ুনিয়ন মিনিস্তর শ্রী ভুপেন্দ্র যাদবনা ত্রিপুরাদা ফমুং ১০০ লৈগদবা ইমপ্লোইয়িস স্তেৎ ইন্সুরেন্স কোরপোরেসন(ই এস আই সি)হোস্পিতাল শানবা উরেপ-উয়ুং তমখ্রে।
থৌরম অদুদা ত্রিপুরাগী চীফ মিনিস্তর প্রোফেসার(দোক্তর) মনিক সাহনা চীফ গেস্ত অমসুং লেবর অমসুং ইমপ্লোইমেন্ত, পেত্রোলিয়ম অমসুং নেচরেল গ্যাসকী রাজ্য মন্ত্রী শ্রী রামেশ্বর তেলি অমসুং সোসিএল জস্তিস অমসুং ইমপ্বারমেন্তগী রাজ্য মন্ত্রী কুমারি প্রতিমা ভৌমিক্না গেস্ত ওফ ওনরশিং ওইনা শরুক য়াখি।
অগরতালদা শাগদবা ফমুং ১০০ লৈগদবা হোস্পিতাল অসি লম একর ৫দা শাগনি। মসি ই.এস.আই.সিনা হকথেংন্না শেন্নগনি। লায়য়েংশঙ অসি শাবদা চাউরাক্না লুপা করোর ১০০রোম চংগনি অমসুং চহি ৩ রোম চংগনি। হোস্পিতাল অসিদা মতমগা চুনরবা খুদোংচাবশিং হায়বদি মোদুলার ও.তি, অনৌবা মেদিকেলগী খুৎলায়শিং, লেবশিং লৈগনি। মসিদা ও.পি.দি অমসুং আই.পি.দি লৈগনি। হোস্পিতাল অসিনা অগরতালা অমসুং মসিগা নক্নবা মফমশিংগী বেনিফিসরি ৬০,০০০ হেনবদা অনা-লায়য়েংগী খুদোংচাবশিং ফংহনগনি।
থৌরম অদুদা শ্রী ভুপেন্দ্র যাদবনা হায়খি অৱাং-নোংপোক রাজ্যশিং চাউখৎনবা প্রধান মন্ত্রী শ্রী নরেন্দ্র মোদীন থৱায় য়াওনা হোৎনরি অমসুং লমদম অসি চাউখৎনবা প্রধান মন্ত্রীগী মঙলান মঙফাওন্নবা অসি ই.এস.আই.সি হোস্পিতালনা মতেং পাংগনি। অৱাং-নোংপোক রাজ্যশিং য়াংনা চাউখৎনবা কেন্দ্র সরকারনা থবক কয়া পায়খৎলে অমসুং অনওর্গনাইজ সেক্তরগী শিন্মীশিং য়াওনা শিন্মী পুম্নমক খুন্নাইগী ঙাক্লৌ পীনবা থবক পায়খৎলে।
শ্রী যাদবনা হায়খি অনওর্গনাইজ সেক্তরগী শিন্মীশিং ই-শ্রামদা মিংচন্নবা লেবর অমসুং ইমপ্লোইমেন্ত মিনিস্ত্রিনা ত্রিপুরা সরকারগা থবক পায়খৎকনি। ফমুং ১০০ লৈগদবা হোস্পিতাল অসি চহি ৩গী মনুংদা শাবা লোইশিনগনি।
ত্রিপুরাগী চীফ মিনিস্তর প্রোফেসার(দোক্তর) মনিক সাহনা হায়খি শাগদৌরিবা হোস্পিতাল অসিনা ত্রিপুরদা শিন্মীশিং অমসুং মখোয়গী ইমুং-মনুংগী মীওইশিং কান্নবা পীগনি। মসিনা ত্রিপুরাদা থবক ফংনবা খুদোংচাবা কয়া পীগনি। হোস্পিতাল অসি শানবা ই.এস.আই.সিদা লম একর ৫ ত্রিপুরা সরকারনা লেম্না পীরে।
রাজ্য মন্ত্রী রামেশ্বর তেলিনা হায়খি তোঙান-তোঙানবা স্কিমশিংগী মখাদা শিন্মীশিং য়াইফনবা কেন্দ্র সরকারনা থবক পায়খৎলি। লেবর অমসুং ইমপ্লোইমেন্ত মিনিস্ত্রিনা পায়খৎলিবা তোঙান-তোঙানবা থবকশিং মহাক্না মীয়ামদা খঙহনখি।
থৌরম অদুদা শরুক য়াখিবা অতোপ্পা শক্নাইরবা মীওইশিংদি ত্রিপুরা লেজিসলেতিপ এশেমব্লিগী স্পিকর শ্রী রতন চক্রবর্তি, ত্রিপুরা সরকারগী লেবর, এনিমেল রিসোর্স দিবলপমেন্ত অমসুং সেদুল কাস্ত ৱেলফিসয়ারগী মিনিস্তর শ্রী ভাগবান সি.ঐচ দাস, ভারত সরকারগী লেবর অমসুং ইমপ্লোইমেন্ত মিনিস্ত্রিগী সেক্রেতরি আর্তি অহুজা, ই.এস.আই.সিগী দিরেক্তর দোক্তর রাজেন্দ্র কুমার, ত্রিপুরা সরকারগী চীফ সেক্রেতরি শ্রী জিতেন্দ্র কুমার সিনহা, পঞ্চায়ত সমিতিগী চিয়ারমেন শ্রী বিশ্বজিত সিল অমসুং ত্রিপুরাগী লেবর সেক্রেতরি শ্রী অভিশেক সিংহনি।
*****
(Release ID: 1891458)
Visitor Counter : 151