ইলেক্ত্রোনিক্স অমসুং আই.তি. মন্ত্রালয়

রুপে দেবিৎ কার্দ অমদি শেল য়ামদবা ভিম-য়ু.পি.আই. ত্রাঞ্জেক্সন (পি.২.এম.) য়োকখৎনবা ইন্সেন্তিব স্কীম মন্ত্রী মন্দলনা অয়াবা পীখ্রে

Posted On: 11 JAN 2023 3:35PM by PIB Imphal

ইকায়খুম্নরবা প্রধান মন্ত্রী শ্রী নরেন্দ্র মোদীনা থৌরম মপু ওইদুনা পাঙথোকখিবা কেন্দ্রগী মন্ত্রী মন্দলনা রুপে দেবিৎ কার্দ অমদি শেল য়ামদবা ভিম-য়ু.প.আই. ত্রাঞ্জেক্সনশিং (পর্সন-তু-মর্চেন্ত) য়োকখৎনবগীদমক এপ্রিল ২০২২দগী হৌরগা চহি অমগী ওইনা অয়াবা পীখ্রে‍।

১. শেনবা চহি ২০২২-২৩দা রুপে দেবিৎ কার্দ অমদি শেল য়ামদবা ভিম-য়ু.পি.আই. ত্রাঞ্জেক্সনশিং (পি২এম) য়োকখৎনবগী অয়াবা পীরবা ইন্সেন্তিব স্কীম অসিদা লুপা করোর ২,৬০০গী শেনফম য়াওরি‍। হায়রিবা স্কীম অসিগী মখাদা, এক্বাইরিং বেঙ্কশিংদা চৎলিবা শেন্বা চহি ২০২২-২৩ মনুংসিগী ওইনা রুপে দেবিৎ কার্দ অমদি শেল য়ামদবা ভিম-য়ু.পি.আই. ত্রাঞ্জেক্সনশিং (পি২এম.) শীজিন্নদুনা পোইন্ত-ওফ-সেল (পি.ও.এস.) অমদি ই-কম্মর্স ত্রাঞ্জেক্সন তৌবা য়োকখৎনবগীদমক শেলগী ইন্সেন্তিব পীগনি‍।

২. শেলথুম মন্ত্রীনা শেন্বা চহি ২০২২-২৩গী বজেৎ ৱারোলদা, ইকনমিকেল অমদি য়ুজর-ফ্রেন্দলী ওইবা পেমেন্ত প্লেৎফোর্মশিং শীজিন্নবা য়োকখৎপদা মীৎয়েঙ চঙদুনা মমাঙদা বজেত্তা লাউথোকখিবা পিজিতেল পেমেন্ততা শেলগী তেংবাং পীবা মখা চত্থনবগী লৈঙাক্কী অপাম্বা ফোঙদোকখি‍। স্কীম অসি হায়রিবা বজেত্তা লাউথোকখিবা অসি ইন্দুনা শেম্বনি‍।

৩. শেনবা চহি ২০২১-২২দা, লৈঙাক্না দিজিতেল ত্রাঞ্জেক্সনশিংদা মখা তানা ইনোৎ হাপ্নবা শেনবা চহি ২০২১-২২গী বজেত্তা লাউথোকখিবা ইন্দুনা ইন্সেন্তিব স্কীম অমা অয়াবা পীখি‍। মদুগী মহৈনা, অপুনবা দিজিতেল পেমেন্ত ত্রাঞ্জেক্সন শেনবা চহি ২০২০-২১দা করোর ৫,৫৫৪ ওইরম্বদগী শেনবা চহি ২০২১-২২দা করোর ৮,৮৪০দা হেনগৎলক্তুনা চহি চহিগী ওইনা ৫৯% হেনগৎলকপা উরি‍। ভিম-য়ু.পি.আই. ত্রাঞ্জেক্সনশিংদসু শেনবা চহি ২০২০-২১দা করোর ২,২৩৩ ওইরম্বদগী শেনবা চহি ২০২১-২২দা করোর ৪,৫৯৭দা হেনগৎলক্তুনা চহি চহিগী ওইনা ১০৬% হেনগৎলকপা উরি‍।

৪. দিজিতেল পেমেন্ত সিস্তেমদা লৈরিবা তোঙান তোঙানবা স্তেকহোল্দরশিং অমদি রিজর্ব বেঙ্ক ওফ ইন্দিয়া (আর.বি.আই.)না দিজিতেল পেমেন্ত ইকোসিস্তেম চাউখৎলকপদা জিরো এম.দি.আর. রেজিমগী তায়ওন্নবা শাফু লৈবা য়াই হায়না নুংনাংবা ৱাফম ফোঙদোকখি‍। মখা তানা, নেস্নেল পেমেন্ত কোর্পোরেসন ওফ ইন্দিয়া (এন.পি.সি.আই.)না অতৈ ৱাফম কয়াগা লোয়ননা ইকোসিস্তেম স্তেকহোল্দরশিংগী কোস্ত-ইফেক্তিব ভেল্যু প্রপোজিসন অমা শেম্নবা, মর্চেন্ত এক্সেপ্তেন্স ফুৎপ্রিন্ত হেনগৎহন্নবা, অমদি কেস পেমেন্ততগী দিজিতেল পেমেন্ততা থুনা হোংলক্নবগীদমক ভিম-য়ু.পি.আই. অমদি রুপে দেবিৎ কার্দ ত্রাঞ্জেক্সন্দা ইন্সেন্তিব পীনবা ৱাফম থম্লকখি‍।

৫. ভারত লৈঙাক্না লৈবাক শিনবা থুংনা দিজিতেল পেমেন্ত য়োকখৎনবা তোঙান তোঙানবা থৌরাংশিং পায়খৎলি‍। হৌখিবা চহিশিংসিদা, দিজিতেল পেমেন্ত ত্রাঞ্জেক্সন মশিং য়াম্না হেনগৎলে‍। কোবিদ-১৯গী লাংফম মতমদা, দিজিতেল পেমেন্তনা অপীকপা মর্চেন্তশিং য়াওনা বিজিনেসশিং মথৌ তৌহনবদা অমদি সোসিএল দিস্তেন্সিং ঙাকপদা মতেং পাংখি‍। দিসেম্বর ২০২২দা য়ু.পি.আই.দা লুপা করোর লাখ ১২.৮২গী ওইগদবা রেকোর্দ ওইবা দিজিতেল পেমেন্ত ত্রাঞ্জেক্সন করোর ৭৮২.৯ তৌখি‍।

ইন্সেন্তিব স্কীম অসিনা অচৌবা দিজিতেল পেমেন্ত ইকোসিস্তেম অমা শেমগৎপদা অমদি রুপে দেবিৎ কার্দ অমসুং ভিম-য়ু.পি.আই. দিজিতেল ত্রাঞ্জেক্সন য়োকখৎপদা মতেং ওইগনি‍। ‘সবকা সাথ, সবকা বিকাস’কী পান্দম তুংইন্না, স্কীম অসিনা য়ু.পি.আই. লাইত অমদি য়ু.পি.আই. ১২৩পেবু শেল চঙদবা অমদি য়ুজর ফ্রেন্দলী ওইবা দিজিতেল পেমেন্ত সোলুসনশিং ওইনা য়োকখৎকনি অমদি লৈবাকসিদা সেক্তর অমদি মীশিংগী শরুক পুম্নমক্তা দিজিতেল পেমেন্ত হেন্না শীজিন্নহনবা ঙমহনগনি‍।

****



(Release ID: 1891324) Visitor Counter : 132