نئی دلی،13 جنوری،2023/

• یہ ٹرین ریلوے کےپی ایس یو-آئی آر سی ٹی سی کے ذریعے چلائی جائے گی۔
• ایس ٹی اے سی1 اور این ڈی اے سی 2 کلاس کے ساتھ جدید ترین  بھارت گورو ڈیلکس اے سی سیاحتی ٹرین 17 فروری 2023 کو دلی سے 7 دن کے تمام شامل سیاحت کے لئے شروع ہوگی۔
• ایودھیا اور جنک پور دھام (نیپال) میں نندی گرام، سیتامڑھی، وارانسی اور پریاگ کے ساتھ یاترا اور ورثے کے مقامات کا دورہ سفر کے پروگرام میں سب سے زیادہ توجہ کا مرکز ہوگا۔
• سیاحتی ٹرین 4 فرسٹ اے سی کوچز، 2 سیکنڈ اے سی کوچز، ایک اچھی طرح سے لیس پینٹری کار اور دو ریل ریستوراں پر مشتمل ہے۔ اس میں 156 سیاح سوار ہو سکتے ہیں۔
• صارفین کو ای ایم آئی ادائیگی کا اختیار فراہم کرنے کے لیے آن لائن ادائیگی کے گیٹ ویز شیل۔

بھارت کے مالا مال  ثقافتی ورثے اور شاندار تاریخی مقامات کو بھارت اور دنیا کے لوگوں کے سامنے دکھانے کے وزیر اعظم جناب نریندر مودی کے ویژن کو پورا کرنے کے لیے، بھارتی ریلویز اپنی بھارت گورو ڈیلکس اے سی سیاحتی ٹرین کو ایک بہت ہی خاص روٹ پر چلانے والا ہے۔ ’’شری رام -جانکی یاترا: ایودھیا سے جنک پور‘‘ پڑوسی ممالک بھارت اور نیپال سے دو اہم ترین یاتری مقامات ایودھیا اور جنک پور کا احاطہ کرتی ہے۔ سیاحتی ٹرین 17 فروری 2023 کو دلی سے شروع ہوگی اور اس اقدام سے دو طرفہ تعلقات مضبوط ہوں گے اور دونوں ممالک کے درمیان ثقافتی تعلقات کو بھی فروغ ملے گا۔

سیاحتی ٹرین میں نندی گرام، سیتامڑھی، کاشی اور پریاگ راج کا دورہ اس دورے میں مزید پرکشش مقامات کے طور پر شامل ہوگا۔ ہوٹلوں میں دو رات کا قیام ہوگا، جنک پور اور وارانسی میں ایک ایک بالترتیب، جبکہ ایودھیا، سیتامڑھی اور پریاگ راج کا دورہ منزل پر دن کے وقفے میں کیا جائے گا۔

جدید ترین  ڈیلکس اے سی سیاحتی ٹرین میں حیرت انگیز خصوصیات ہیں جن میں دو فائن ڈائننگ ریستوراں، ایک جدید کچن، کوچز میں شاور کیوبیکل، سینسر پر مبنی واش روم فنکشنز، فٹ مساج شامل ہیں۔ مکمل طور پر ایئر کنڈیشنڈ ٹرین دو طرح کی رہائش فراہم کرتی ہے۔ ایس ٹی اے سی 1 اور این ڈی اے سی 2۔ ٹرین میں ہر کوچ کے لیے سی سی ٹی وی کیمروں اور سیکیورٹی گارڈز کی حفاظتی خصوصیات میں اضافہ کیا گیا ہے اور پوری ٹرین میں انفوٹینمنٹ سسٹم سے لیس ہے۔

مجوزہ 7 روزہ بھارت گورو سیاحتی ٹرین ٹور کا پہلا اسٹاپ ایودھیا میں ہے، جو بھگوان رام کی جائے پیدائش ہے، جہاں سیاح شری رام جنم بھومی مندر اور ہنومان مندر اور اس کے علاوہ نندی گرام میں بھارت مندر بھی جائیں گے۔ ایودھیا کے بعد، ٹرین بہار کے سیتامڑھی ریلوے اسٹیشن پر جائے گی اور سیاح مزید بسوں کے ذریعے نیپال کے جنک پور جائیں گے جو سیتامڑھی ریلوے اسٹیشن سے 70 کلومیٹر دور ہے۔ جنک پور میں قیام کے دوران سیاح رام جانکی مندر، سیتا رام ویوہ منڈپ اور دھنوش دھام کا دورہ کر سکتے ہیں۔ جنک پور کا دورہ کرنے کے بعد، اگلے دن سیاح سیتامڑھی واپس لوٹیں گے اور سیتامڑھی اور پنورا دھام میں جانکی مندر جائیں گے۔ سیتامڑھی سے، ٹرین وارانسی تک رات بھر کے سفر پر آگے بڑھے گی۔ جبکہ کاشی میں سیاح سارناتھ، کاشی وشوناتھ مندر اور راہداری، تلسی مندر اور سنکٹ موچن ہنومان مندر جائیں گے۔ سیاح وارانسی سے بس کے ذریعے پریاگ راج جائیں گے اور سنگم، شنکر ویمن منڈپم، ہنومان مندر اور بھردواج آشرم جائیں گے۔ پریاگ راج کے بعد، ٹرین اپنے سفر کے 7ویں دن دہلی واپس آئے گی۔ مہمان اس ٹور میں تقریباً 2500 کلومیٹر کا سفر کریں گے۔

اس پیکج کو زیادہ پرکشش اور بڑی آبادی کے لیے کم خرچ بنانے کے لیے، آئی آر سی ٹی سی نے پے ٹی ایم اورریزرپے  ادائیگی کے گیٹ ویز کے ساتھ معاہدہ کیا ہے تاکہ ای ایم آئی ادائیگی کا آپشن فراہم کیا جا سکے تاکہ چھوٹی رقم ای ایم آئیز میں کل ادائیگی کی قسطیں بنائی جا سکے ۔ صارفین 3، 6، 9، 12، 18 یا 24 ماہ کےای ایم آئیز میں ادائیگی کرنے کے لیے ای ایم آئی ادائیگی کا اختیار حاصل کر سکتے ہیں۔ یہ ای ایم آئی ادائیگی کے اختیارات ڈیبٹ/ کریڈٹ کارڈ کے ذریعے کیے جا سکتے ہیں۔ 18 سال یا اس سے زیادہ عمر کے تمام مہمانوں کے لیے کووڈ-19 کی حتمی ویکسینیشن لازمی ہے۔

بھارت گورو سیاحتی ٹرین کا آغاز گھریلو سیاحت کو فروغ دینے کے لیے حکومت ہند کی پہل ’’دیکھو اپنا دیش‘‘ کے مطابق ہے۔ 39,775/- روپے فی شخص سے شروع ہونے والی قیمت کی حد میں، ٹرین 7 دن کا تمام شامل ٹور پیکج ہوگا اور اس کی قیمت متعلقہ کلاس میں ٹرین کے سفر،اے سی ہوٹلوں میں رات کا قیام، تمام کھانے (صرف وی ای جی)، بسوں میں تمام منتقلی اور نظارے، گائیڈ وغیرہ کی انشورنس اور خدمات سفر کا احاطہ کرے گی۔

۔۔۔

 

ش ح۔و ا ۔ ع ا                                                   

U –452

(Release ID: 1891123) Visitor Counter : 112