নেস্নেল কম্মিসন ফোর ৱুমেন (এন.সি.দব্লিউ.)না কৈশুমশঙদা লৈরিবা নুপী ইনমেৎশিংগী য়াইফ-থৌরাংগী ৱাফমশিং খন্ননবগীদমক ‘পুলিস এদমিনিস্ত্রেসন ইন লাইৎ ওফ দি রাইতস ওফ ৱুমেন প্রিজনর্স’ হায়বা হীরমদা দাইরেক্তর জেনেরেল (দি.জি.) অমদি ইন্সপেক্তর জেনেরেল (আই.জি.) ওফ প্রিজন্সশিংগা ভারত পুম্বগী ওইবা মীফম পাঙথোকখ্রে‍। মীফম অদুদা দি.এল.এস.এ., এন.জি.ও. অমদি একাদমিয়াশিংগা লোয়ননা দি.জি./আই.জি. ওফ প্রিজন্স ১৬ অমদি ভারত পুম্বগী স্তেতশিংদগী মীহুৎশিংনা শরুক য়াখি‍।

মীফম অদু এন.সি.দব্লিউ.গী চেয়রপর্সন, মিস রেখা শর্মনা থৌরম মপু ওইনা শরুক য়াখি, অমদি এন.সি.দব্লিউ.গী জোইন্ত সেক্রেতরী শ্রী অসোলী চলাই অমসুং এন.সি.দব্লিউ.গী দিপুতী সেক্রেতরী শ্রী জেম্স মিয়াহলুংসু শরুক য়াখি‍। মহাক্কী হৌদোক ৱারোলদা, মিস শর্মনা নুপী ফাদোকশিংদা মথৌ তাবা খুদোংচাবা পুম্নমক ফংহনবগী মরুওইবা ৱাফমশিং থমখি‍। মহাক্না দাইরেক্তর জেনেরেল (দি.জি.) ওফ প্রিজনশিংদা হায়রিবা নুপীশিং অসিবু কৈশুমশঙদগী থাদোরকপা মতমদা মখোয়গী হান্নগী শেন্মিৎলোন্দা অমুক হঞ্জিল্লক্নবা অমদি মখোয়গী ইমুং মনুংশিং অমদি খুন্নাইদা অমুক হন্না তিলহন্নবগী থৌরাংশিং পায়খৎনবা ৱাফম থমখি‍।

মাগী মেন্দেৎকী শরুক অমা ওইনা, এন.সি.দব্লিউ.না নুপী ইনমেৎশিংগী হক ফংহন্নবগী ৱাফমদা মীৎয়েঙ চঙদুনা ভারত পুম্বদা লৈরিবা কৈশুমশঙশিং য়েংশিনখি।

দি.জি. অমসুং ইন্সপেক্তর জেনেরেল (আই.জি.)শিংনা ইনমেৎশিংদা পীরিবা এমেনিতীশিং, নুপী ইনমেৎশিংগী কাউন্সেলিং সর্ভিস, স্কিল দিভেলপমেন্ত ত্রেনিং, অমসুং হায়রিবা নুপীশিং অসিবু খুন্নাইদা অমুক হন্না তিলহন্নবগী থৌরাংশিংগী মতাঙদা স্তেতশিংদা চৎনরিবা খ্বায়দগী ফবা থৌওংশিং পুথোক্তুনা থমখি‍।

মীফম অদুদা, নুপী ইনমেৎশিংগী ফীভম ফগৎহন্নবা সজেসন কয়া পুখৎনরকখি‍। হায়রিবা সজেসনশিং অসিগী মনুংদা প্রিজন স্তাফ হেন্না লৌবা, ইনমেৎশিংনা থেংনরিবা পুক্নিং ৱাখলগী ফীভমশিংদা মীৎয়েঙ চঙবা, কৈশুমশঙশিংগী ইনফ্রাস্ত্রকচরগী প্রোব্লেমশিং কোকহন্বা, ইনমেৎশিংদা মতিং লৈবা লিগেল এদ অমদি মতেং ফংহনবা, অমসুং মখোয়দা ভোকেস্নেল ত্রেনিংশিং ফংহনবনচিংবা ৱাফমশিং য়াওরি‍।

রিকম্মেন্দেসনশিংগী মরক্তা ইনমেৎশিংবু মখোয়গী ইমুং মনুংগা উনহনবগী চাং হেনগৎহনবা, ইনমেৎশিংদা রিক্রিএস্নেল ফেসিলিতীশিং ফংহনবা, ওপন প্রিজন অমদি হাল্ফ-ৱে হোম হেন্না লৈহন্নবগী ওইথোকপা য়াবশিং য়েংশিনবা, ইনমেৎশিংগী য়াইফনবগীদমক কোর্পোরেৎ সোসিএল রেস্পোঞ্জিবিলিতী (সি.এস.আর.) ফন্দশিংদা মীৎয়েঙ থম্বা, অমদি প্রিজন এদমিনিস্ত্রেসন অমদি দিস্ত্রিক্ত লিগেল সর্ভিসেস ওথোরিতীগী মরক্তা মরী শেমগৎপা য়াওরি‍।

মীফম অদুনা কৈশুমশঙশিংদা মীশিং হেন্না থমজিনবা, নুপী ফাদোকশিংগী মতিক চাবা সেনিতেসন অমদি হায়জিন ফেসিলিতীশিং ফংহনবা, অমদি ত্রেন তৌরবা অমদি সেন্সিতিব ওইবা স্তাফ, মরুওইনা কৈশুমশঙশিংদা নুপী ওফিসর অমদি গার্দশিং হাপ্পা য়াওনা য়াম্লবা হীরমশিং কোনশিনখি‍।

মীফম অদুনা অনৌবা স্কিল দিভেলপমেন্ত ত্রেনিং পীবা, অন্দর ত্রাইএলশিংদা লিগেল তেংবাং ফংহনবা, অমদি ইনমেৎশিংদা থবক্কী খুদোংচাবশিং পীবগী মথৌ তাবশিংসু খন্নখি‍।

কৈশুমশঙশিংদা লৈরিবা নুপী ইনমেৎশিংগী য়াইফ-থৌরাংগী ফীভম ফগৎহন্নবা মথৌ তাবা খোঙথাঙশিং লৌখৎনবগীদমক কম্মিসন্না মীফম অদুদা খন্নখিবা রিকম্মেন্দেসন পুম্নমক মাঙদা পুখত্তুনা চঙশিনগনি‍।

***

(Release ID: 1890244) Visitor Counter : 104