লাক্লিবা জনুৱারি ৯,২০২৩দা ত্রিপুরাগী অগরতালাদা পাংথোক্কদবা অৱাং-নোংপোক লমদমদা এম.এস.এম.ইশিং তুংকোইনা চাউখৎহন্নবা রিজনেল কনফরেন্স অমদা এম.এস.এম.ইগী য়ুনিয়ন মিনিস্তর শ্রী নরায়ন রানে, ত্রিপুরাগী চীফ মিনিস্তর প্রোফেসার(দোক্তর)মনিক সাহ অমসুং কেন্দ্রগী রাজ্য মন্ত্রী শ্রী ভানু প্রতাপ সিংহ বর্মা শরুক য়াগনি।

এম.এস.এম.ই মিনিস্ত্রিনা শীনবা মীফম অসিদা মিনিস্ত্রিগী তোঙান-তোঙানবা স্কিমশিং মীয়ামদা খঙহনগনি। মীফম অদুদা ভারত সরকারগী এম.এস.এম.ই মিনিস্ত্রি অমসুং ত্রিপুরা সরকারগী তোঙান-তোঙানবা স্কিমশিং হৌদোক্কনি। মীফম অদুদা রাম্প(রাইজিং এন্দ এসেলেরেতিং এম.এস.এম.ই) হৌদোক্কনি, উদ্যাম শক্তিগী মখাদা এন.ই.আর পোর্তেল লিঙ্ক তৌগনি, গোমাতি সিতি গ্যাস প্রোজেক হৌদোক্কনি, সফুরতি স্কিমগী মখাদা ৱেস্ত ত্রিপুরা বেম্বু মেত ক্লস্তর হৌদোক্কনি অমসুং কে.ভি.আই.সি অমসুং তি.কে.ভি.আই.ভিগী অনৌবা বিল্দিং শঙ্গাগনি। নৌনা হৌগৎলক্লিবা অমসুং হৌজিক লৈরিবা ওন্ত্রেপ্রেনিউয়রশিংনা কেন্দ্র অমসুং রাজ্য সরকারশিংগী দিপার্তমেন্তশিং, সি.পি.এস.ইশিং, ইন্দস্ত্রি এসোসিএসনশিংগা উন্নবগী মফম অমা কনফরেন্স অদুদা পীগনি।  

ঙসি অগরতালদা মেদিয়াদা ৱা ঙাংবদা এম.এস.এম.ই মিনিস্ত্রিগী সেনিয়ার ওফিসিএলশিংনা হায়খি খুন্নাইগী তোঙান-তোঙানবা কাংলুপশিং মতেং পাংদুনা এম.এস.এম.ইশিং শৌগৎতুনা ভারত্তা ওন্ত্রেপ্রেনিউয়রশিপ য়োকখৎনবা এম.এস.এম.ই মিনিস্ত্রিনা স্কিম কয়া পায়খৎলি।

অৱাং-নোংপোক লমদমদা এম.এস.এম.ই য়োকখৎনবা সরকারনা থৌরাং কয়া পায়খৎলে। “অৱাং-নোংপোক অমসুং সিক্কিমদা এম.এস.এম.ইশিং য়োকখৎপা” হায়রিবা কৎথোক্লবা স্কিম অসিনা এম.এস.এম.ইশিংগী ইনফ্রাস্ত্রকচর শেমগৎনবা শেন্থং পীরি। হৌজিক ফাওবদা লুপা করোর ১৪০ থাদোকখ্রে। পি.এম.ই.জি.পিগী মখাদা থবক লাখ ৭.৬ পীনবা মাইক্রো য়ুনিত লাখ ১.১৪দা মতেং পীখ্রে। ক্লস্তর দিবলপমেন্ত প্রোগ্রামগী মখাদা প্রোজেক ২০ মপুংফানা লোইশিনখ্রে অমসুং সরকারনা লুপা করোর ১৩৫.৪৫ থাদোকখ্রে। সফুরতিগী মখাদা মফম অমগী খুৎহৈবশিং কান্নবা পীনবা ক্লস্তর ৮৫ অয়াবা পীখ্রে। মীওই লাখ ২৩ রোম থবক পীনবা হৌজিক উদ্যাম পোর্তেলদা অৱাং-নোংপোক্কী ইন্তরপ্রাইজ লাখ ২.৭ রেজিস্তার তৌখ্রে।

এম.এস.এম.ইশিংনা ঐখোয়গী ইকোনোমিদা পীরিবা কান্নবা অসি য়েংদুনা, নহারোলশিংগী মরক্তা ওন্ত্রেপ্রেনিউয়রশিপ য়োকখৎপদা মীৎয়েং থমদুনা ভারতকী য়ু.এস দোল্লর ত্রিল্লিয়ন ৫গী ইকোনোমি অমা মঙফাওন্নবা ভারতকী ইকোনোমি চাউখৎনবা মখোয়না মরুওইবা থৌদাং অমা লৌনবা থবক তৌবা নুংঙাইনবা ফিবম অমা শেমগৎপা হায়বসি তঙাইফদবনি।

এম.এস.এম.ই সেক্তর য়োকখৎপা হায়বসি লৈবাক অসিগী শেন-থুমগী ফিবম ফগৎনবা য়াম্না মরুওইবনি। এম.এস.এম.ই তুংকোইনা চাউখৎনবা এম.এস.এম.ইশিংদা থৌনা পীনবা অমসুং মালেমগী ভেলু চেন্দা শরুক য়াবা ঙম্নবা এম.এস.এম.ই মিনিস্ত্রিনা লেপ্তনা হোৎনরি। মীফম অসিনা ত্রিপুরা অমসুং অতোপ্পা অৱাং-নোংপোক্কী রাজ্যশিংগী এম.এস.এম.ইশিং অনৌবা ৱাখল্লোন অমগা লোয়ন্না মখোয়গী মীৎয়েং পাকথো-চাউথোকপদা মতেং পাংগনি অমসুং সরকারনা পীরিবা তোঙান-তোঙানবা খুদোংচাবশিং খঙবা ঙম্লগনি।

*****