ইকাইখুম্নজরিবা প্রধান মন্ত্রী শ্রী নরেন্দ্র মোদীনা ময়াই তাংবল লৌখিবা কেন্দ্রগী কেবিনেৎনা নেসনেল গ্রীন মিসন অয়াবা পীখ্রে। মিসন অসিগী অহানবগী আউৎলে অসি সাইৎ প্রোগ্রামগী আউৎলে ওইনা লুপা করোর ১৭,৪৯০, পাইলত প্রোজেক্তশিংগী লুপা করোর ১,৪৬৬, আর & দিগী লুপা করোর ৪০০, অমসুং অতোপ্পা মিসন কম্পোনেন্তশিংগী লুপা করোর ৩৮৮ য়াওনা লুপা করোর ১৯,৭৪৪ ওইগনি। এম.এন.আর.ই.না মরী লৈনবা মচাকশিং থবক্তা ওন্থোক্নবা স্কিম অসিগী চৎন-কাংলোনশিং শেমগনি।

মিসন অসিনা ২০৩০ ফাওবদা পুরকপা য়াবা ফলশিং অদু মখাদা পীরিঃ

• লৈবাক অসিদা রিন্যুএবল এনর্জীগী চাং অহেনবা জি.দব্ল্যু. ১২৫ হাপচিনবগা লোইননা চহি অমদা মেত্রিক তন মিলিয়ন ৫গী গ্রীন হায়দ্রোজেন পুথোকপা ঙম্বগী চাং হেনগৎহল্লগনি।
• অপুনবা ইনভেস্তমেন্ততা লুপা করোর লাখ নিপান হেন্না
• থবক লাখ তরুক পীবা
• অপুনবা ওইনা লুপা করোর লাখ অমা হেনবগী ফোসিল ফ্যুল পুশিল্লকপা হন্থহল্লগনি
• চহিগী ওইনা গ্রীন হাউস গ্যাস থাদোকপগী চাং এম.এম.তি. ৫০ রোম হন্থহল্লগনি

মিসন অসিগী পাক চাউরবা কান্নবা কয়া অমা লৈরি – গ্রীন হায়দ্রোজেন অমসুং মসিগী দিরাইবেতিবশিং মপান্দা থাদোকপা য়াবগী খুদোংচাবা;

ইন্দস্ত্রিএল, মোবিলিতী অমসুং এনর্জি সেক্তরশিংদা দিকারবোনাইজ তৌবা; মপান্দগী পুশিল্লকপা ফোসিল ফ্যুলশিং অমসুং ফীদস্তোক্তা মীপান তাংলম্বা হন্থবা; লমদম অসিদা পুথোকচবা ঙম্বগী পাঙ্গল লৈবা; থবক্কী খুদোংচাবা পীবা; অমসুং খ্বাইদগী নৌবা তেক্নোলোজীশিং শেমগৎপনি। ভারতকী গ্রীন হায়দ্রোজেন পুথোকপগী চাং অসি চহিদা এম.এম.তি. ৫ য়ৌরবা য়ানা লৈরি, মসিগা লোইননা রিন্যুএবল এনর্জীগী চাং অহেনবা জি.দব্ল্যু. ১২৫ হাপচিনলগনি। ২০৩০ ফাওবদা ইনভেস্তমেন্ত করোর ৮ অমসুং থবক লাখ ৬ শেম্লবা য়ারি। সি.ও.২ থাদোকপগী চহিগী চাং এম.এম.তি. ৫০দি ২০৩০ ফাওবদা হন্থরবা য়ারি।

মিসন অসিনা গ্রীন হায়দ্রোজেনগী দিমান্দ শেম্বা, পুথোকপা, শীজন্নবা অমসুং মপান্দা থাদোক্নবা হোৎনগনি। স্ত্রেতেজিন ইন্তর্ভেন্সন ফোর গ্রীন হায়দ্রোজেন ত্রাঞ্জিসন প্রোগ্রাম (সাইৎ)কী মখাদা, শেলগী ইন্সেন্তিব মেকানিজম অনি – ইলেক্ত্রোলাইজর লমদম অসিদা পুথোক্লিবশিংদা পান্দম থম্বা অমসুং গ্রীন হায়দ্রোজেন পুথোকপা- হায়বদি মিসন অসিগী মখাদা পীগনি। মিসন অসিনা এন্দ-য়ুজ সেক্তরশিং অমসুং পুথোকপগী লম্বীশিংদা লৈবা পাইলত প্রোজেক্তশিং শৌগৎকনি। হায়দ্রোজেন পাক চাউনা পুথোকপা ঙম্বা অমসুং শীজিন্নবা ঙম্বা লমদমশিং খঙদোক্কনি অমসুং গ্রীন হায়দ্রোজেন হবশিং ওইনা শেমগৎকনি।

গ্রীন হায়দ্রোজেন ইকোসিস্তেম অমা শেমগৎনবগীদমক শক্তি লৈবা পোলিসী ফ্রেমৱার্ক অমা শেমগৎকনি। শক্তি লৈরবা স্তেন্দার্দ অমসুং রিগুলেসন ফ্রেমৱার্ক অমসু শেমগৎকনি। মখা তানা, আর এন্দ দিগী (স্ত্রেতেজিক হায়দ্রোজেন ইন্নোভেসন পার্তনর্শিপ – সিপ)কী পব্লিক-প্রাইবেৎ পার্তনর্শিপ ফ্রেমৱার্ক অমা মিসনসিগী মখাদা পীগনি; আর এন্দ দি প্রোজেক্তশিংসু পান্দমদা চঙশিনবা ওইহনগনি, মতম চাহনগনি, অমসুং মালেমগী তেক্নোলোজীশিংগা চাংদম্নবা য়াবা মওংদা শেমগৎকনি। মিসন অসিগী মখাদা অপুনবা স্কিল দিবেলপমেন্ত প্রোগ্রাম অমসু লৌখৎকনি।

মরী লৈনবা কেন্দ্র অমসুং রাজ্য সরকারগী মন্ত্রালয়, বিভাগ, এজেন্সীশিং অমসুং ইন্সতিত্যুসনশিংনা মিসন অসিগী পান্দমশিং মায় পাক্না ফংনবা মীৎয়েং চংদুনা অমত্তা ওইনা হোৎনগনি। ন্যু অমসুং রিন্যুএবল এনর্জী মন্ত্রালয়না মপুং ওইবা থৌ অমসুং মিসন অসিবু থবক্তা ওন্থোক্নবগী থৌদাং লৌগনি।

***************