হৌখিবা চহি অহুমদগী মসিগা মরী লৈননা সরকারগী দেতা লৈতে। অদুমওইনমক, সেন্সস ২০১১গী মতুং ইন্না, নোর্থ ইস্ত রিজন (এন.ই.আর.) স্তেতশিংদা মাইগ্রেন্ত ১,৫২,০৫,২১৪ লৈরি। মসিদী মনুংদা চাদা ৯৩.৮০ (১,৪২,৬২,৪৯০)দি ইন্ত্রা-স্তেত মাইগ্রেন্তশিংনি অমদি চাদা ৬.২০ (৯,৪৪,০৫০) খক্তমক ইন্তর-স্তেত মাইগ্রেন্তশিংনি। ভারত পুম্বগী ওইনা ইন্তর-স্তেত মাইগ্রেসনগী ফিগর অসি চাদা ১১.৯০নি অমসুং ইন্ত্রা-স্তেত মাইগ্রেসন্না চাদা ৮৮.১০নি। এন.ই.আর. রাজ্যশিংদগী ইন্তর-স্তেত মাইগ্রেসন তৌবা মকোক থোংবা রাজ্যশিংদি ৱেস্ত বেঙ্গল (চাদা ৩৯.৫৬), দিল্লী (চাদা ৭.৬৬) অমসুং মহারাস্ত্র (চাদা ৭.৪)নি।

সরকারনা এন.ই.আর.দা লৈরিবশিং য়াওনা নহাশিংগীদমক থবক ফংনবগী খুদোংচাবশিং হেনগৎহন্নবা তোঙান তোঙানবা খোংথাংশিং পায়খৎলি। মসিদা ‘উদ্যাম’, ‘ই-শ্রম’গী ইন্তরলিঙ্কিং, নেস্নেল কেরিয়র সর্বিস (এন.সি.এস.) অমসুং আত্মনির্ভর স্কিল এমপ্লোয়ী-এমপ্লোয়র মেপ্পিং (অসীম) মনুং চল্লি। মসিগী মথক্তা লেবর অমসুং এমপ্লোইমেন্ত মন্ত্রালয়গী এন.সি.এস. পোর্তেল অসি এন.ই.আর.গী অয়াম্বা রাজ্য য়াওনা স্তেত পোর্তেলশিংগা ইন্তিগ্রেত তৌরি। সেদুল কাস্ত অমসুং সেদুল ত্রাইবকীদমক এন.সি.এস. সেন্তর ২৫ ইস্তাব্লিস তৌখ্রে, মদুগী মনুংদা মীমান্নদ্রবশিংগী সেন্তর ০২গী মথক্তা ০৬তি এন.ই.আর.দা লৈরি। এন.সি.এস.না মাইক্রোসোফতকা খুৎশম্নদুনা দিজিতেল স্কিলসকী খুত্থাংদা এমপ্লোয়েবিলিতীগীদমক অপুনবা দিজিতেল স্কিলস অমা ওইরিবা ‘দিজিসকশম’সু হৌদোক্লে।

স্কিল ইন্দিয়া মিসনগী মখাদা, মিনিস্ত্রি ওফ স্কিল দিবলপমেন্ত এন্দ ওন্ত্রেপ্রিন্যুরশিপ (এম.এস.দি.ই.)না স্কিল এক্বিজিসন এন্দ নোলেজ এৱারনেস ফোর লাইবলিহুদ প্রমোসন (সানকালপ) ইমপ্লিমেন্ত তৌদুনা মদুগী মখাদা এন.ই.আর. য়াওনা স্তেতশিংদা তোঙান তোঙানবা ইন্তরভেন্সনশিং পীরি। মসিদা রাজ্য অমসুং জিলাগী থাক্তা ইন্সতিত্যুস্নেল মপাঙ্গল কনখৎহনবা; স্কিল দিবলপমেন্ত প্রোগ্রামশিংগী ক্বালিতী এসুরেন্স; অমসুং স্কিল দিবলপমেন্ত প্রোগ্রামশিংদা মর্জিনেলাইজ পোপুলেসনগী ইনক্লুজন য়াওরি। মিনিস্ত্রি ওফ স্কিল দিবলপমেন্ত এন্দ ওন্ত্রেপ্রিন্যুরশিপ (এম.এস.দি.ই.)না এসিলরেতেদ মিসন ফোর বেত্তর এমপ্লোইমেন্ত এন্দ রিতেনসন (অম্বর) প্রোজেক্তসু ইমপ্লিমেন্ত তৌরি। মিনিস্ত্রি ওফ স্কিল দিবলপমেন্ত এন্দ ওন্ত্রেপ্রিন্যুরশিপ (এম.এস.দি.ই.)গী মখাদা ইন্দিয়ন ইন্সতিত্যুত ওফ ওন্ত্রেপ্রিন্যুরশিপ (আই.আই.ই.) গুৱাহাতিনা ওন্ত্রেপ্রিন্যুরশিপ দিবলপমেন্ত প্রোগ্রাম (ই.দি.পি.), স্কিল দিবলপমেন্ত প্রোগ্রাম (এস.পি.দি.), ওন্ত্রেপ্রিন্যুরশিপ এন্দ স্কিল দিবলপমেন্ত প্রোগ্রাম (ই.এস.পি.দি.) অসিনচিংবা ত্রেনিং প্রোগ্রাম ৩৮৮ পাংথোক্লি। শেনবা চহি ২০২১-২২গী মনুংদা, তোঙান তোঙানবা প্রোগ্রামশিংগী মখাদা পার্তিসিপেন্ত ১০,১১৬ ইমপার্ত তৌখি।

গ্রোস এনরোলমেন্ত রেসিও (জি.ই.আর.) হেনগৎহন্নবগীদমক হায়র এজুকেসন প্রমোত তৌরি অমদি এন.ই. রিজনগী শেল থুমগী ফিভম ফত্তবা সেকসনগী মনুং চনবা অঙাংশিংবু পুক্নিং থৌগৎনবগীদমক এজুকেসন মন্ত্রালয়গী মখাদা য়ুনিভর্সিতী গ্রান্তস কম্মিসন (য়ু.জি.সি.)না এন.ই.আর.গীদমক “ইশান উদয়” স্কোলরশিপ স্কিম হৌদোক্লে। ইন্দিরা গান্ধী নেস্নেল ওপন য়ুনিভর্সিতী (ইগনৌ)না এন.ই.আর.দা মসিগী রিজনেল সেন্তর ০৯ অমসুং লনর্স সপোর্ত সেন্তর ৫৩৫গী নেতৱার্ক্কী খুত্থাংদা হায়র এজুকেসন, ত্রেনিং, স্কিল দিবলপমেন্ত অমসুং অতোপ্পা ইনিসিএতিবশিংগী খুদোংচাবা ফংহন্দুনা এন.ই.আর.দা এজুকেস্নেল দিবলপমেন্ত পাকথোক চাউথোকহল্লে। পব্লিক প্রাইভেত পার্তনরশিপ (পি.পি.পি.) মোদতা ইন্দিয়ন ইন্সতিত্যুত ওফ ইনফোর্মেশন (আই.আই.আই.তি.) ২০ লিংখৎপগী স্কিমগী মখাদা, অসিগুম্লবা আই.আই.আই.তি. ০৩ এন.ই.আর.দা লিংখৎলে। য়ু.জি.সিগী নোর্থ ইস্তর্ন রিজনেল ওফিসনা এস.সি./এস.তি. নম্না লৈবা জিলাশিংদা নুপামচাশিংগী হোস্তেলশিং শানবগীদমক শেলগী তেংবাং ফংহল্লি। স্পোর্তস দিপার্তমেন্তনা স্পোর্তস এজুকেসনদা মীৎয়েং থম্নবা অমদি রিজন অসিগী স্পোর্তিং তেলেন্ততা সপোর্ত ফংহন্নবা ইম্ফালদা নেস্নেল স্পোর্তস য়ুনিভর্সিতী অমা লিংখৎলে।

রুরেল দিবলপমেন্ত মন্ত্রালয়না এমপ্লোইমেন্ত ক্রিয়েত তৌনবা অমসুং লাইবলিহুদ সপোর্ত তৌনবগীদমক অৱাং নোংপোক লমদমশিংদা য়াওনা স্কিমশিং ইমপ্লিমেন্ত তৌরে। মখোয়শিং অদুদি মহাত্ম গান্ধী নেস্নেল রুরেল এমপ্লোইমেন্ত গরেন্তী স্কিম (এম.জি.এন.আর.ই.জি.এস.), দীনদয়াল অন্ত্যোদয়া য়োজনা – নেস্নেল রুরেল লাইবলিহুদস মিসন (দি.এ.ৱাই. – এন.আর.এল.এম.), দীনদয়াল উপাধ্যায়া গ্রামিন কৌশল্যায়োজনা (দি.দি.য়ু. – জি.কে.ৱাই.), রুরেল সেল্ফ এমপ্লোইমেন্ত ত্রেনিং ইন্সতিত্যুতস, নেস্নেল সোসিএল এসিসতেন্স প্রোগ্রাম (এন.এস.এ.পি.), অমসুং শ্যামা প্রসাদ মুখর্জী রুরবান মিসন (এস.পি.এম.আর.এম.)নি।

নোঅথ ইস্ত হেন্দিক্রাফস এন্দ হেন্দলুমস কোর্পোরেসন লিমিতেদ (এন.ই.ঐচ.ঐচ.দি.সি.)না দোনর মন্ত্রালয়গী মখাদা অৱাং নোংপোক লমদমগী আর্তিসানশিং অমসুং ৱেভরশিংবু স্কিল লৈহন্দুনা অমসুং মখোয়গী ত্রেদিস্নেল স্কিলশিং মখা চত্থহন্নবা অমদি মখোয়দা কানবা এমপ্লোইমেন্ত পীদুনা মার্কেত লিঙ্কেজ শেম্নবা তেংবাং পীরি। দোনর মন্ত্রালয়গী মখাদা নোর্থ ইস্তর্ন কাউন্সিলনা “এদভান্সিং নোর্থ ইস্ত” পোর্তেল হৌদোক্লে – এন.ই.আর.গী নহাশিংগী কেরীয়র অমসুং লাইবলিহুদকীদমক ৱান স্তোপ সোলুসন অমা।

এজুকেসন মন্ত্রালয়না ‘এক ভারত শ্রেশ্থ ভারত’ প্রোগ্রাম হৌদোক্লে, মদুনা অৱাং নোংপোক লমদমগী রাজ্য পুম্নমক য়াওনা তোঙান তোঙানবা রাজ্যশিং/য়ু.তি.শিংগী মীয়ামগী মরক্তা ইন্তরেক্সন হেনগৎন্নবা অমসুং ম্যুচেল অন্দর্সতেন্দিং প্রমোত তৌনবা পান্দম থম্লি। হোম এফিয়ার্স মন্ত্রালয়না অৱাং নোংপোক লমদমগী মীয়ামদা সেক্যুরিতী ফংহন্নবগীদমক এক্সন প্লানগা মরী লৈননা রাজ্য সরকারশিং/য়ু.তি.শিংদা এদভাইজরীশিং/ইন্ত্রক্সনশিং পীবা, অৱাং নোংপোক লমদমগী মীয়ামগী গ্রিভান্সেস এদ্রেস তৌনবা রাজ্যশিং/য়ু.তি.শিংদা নোদেল ওফিসার এপোইন্ত তৌবা অমসুং হেরাসমেন্তকী ওইবা মখল অমা হেক্তগী কেসতা মতিক চাবা এক্সন লৌখৎনবা এনফোর্সমেন্ত এজেন্সীশিংগী সেন্সিতাইজেসনগুম্বা খোংথাং কয়া অমা লৌখৎলে। দিল্লী পুলিসনা স্পিসিএল পুলিস য়ুনিত ফোর নোর্থ ইস্ত রিজন (স্পুনর) অমা লিংখৎলে অমদি অৱাং নোংপোক লমদমগী মীয়াম্না কমপ্লেন্ত/গ্রিভান্সেস লোদজ তৌনবা অখন্নবা হেল্পলাইন নম্বর অমা ১০৯৩ অমসুং দেদিকেতেদ ইমেল ne.complaints@mha.gov.in সু হৌদোক্লে।

মাইগ্রেন্ত ৱার্করশিংগী ইন্তরেস্ত ঙাক্তুনা থম্নবগীদমক কেন্দ্র সরকারনা ইন্তর-স্তেত মাইগ্রেন্ত ৱার্কমেন (রেগুলেসন ওফ এমপ্লোইমেন্ত এন্দ কন্দিসন্স ওফ সর্ভিস) এক্ত, ১৯৭৯ আইন পাস তৌরে মদুনা মাইগ্রেন্ত ৱার্করশিংগী এক্সপ্লোইতেসনগী মায়োক্তা তোঙান তোঙানবা সেফগর্দশিং ফংহল্লে।

ইনফোর্মেসন অসি দোনর মন্ত্রী শ্রী জি. কিশন রেদ্দীনা ঙসি লোক সভাদা অইবা পাউখুম অমদা পীখিবনি।

****