وزیرمملکت جناب راجیوچندر شیکھر

الیکٹرانکس اور اطلاعاتی ٹکنالوجی کی وزارت نے آج آن لائن گیمنگ کے تعلق سے آئی ٹی ثالثی ضابطہ 2021 میں ترامیم  کے لئے مسودہ جاری کیا ہے تاکہ عوام سے صلاح ومشورہ کیا جاسکے۔

مسودہ اس بات کو یقینی بنانے کے لئے تیار کیا گیا ہے کہ  آن لائن گیمس بھارتی قوانین  کی مطابقت  کے ساتھ پیش کئے جاسکیں اور ان گیمس کو  استعمال کرنے والوں کا ممکنہ نقصان سے تحفظ کیا جاسکے ۔

پچھلے ہفتہ 26دسمبر کو حکومت نے ایک گزٹ نوٹی فکیشن کے ذریعہ  کام کاج کو مختص کرنے سے متعلق ضابطوں  میں ایک تبدیلی کو مشتہر کیا تھا اور  الیکٹرانکس اور اطلاعاتی ٹکنالوجی کی وزارت کو آن لائن گیمنگ سے متعلق  معاملات کے لئے  مجاز وزارت قرار دیا تھا۔ آج دو جنوری کو ، محض ایک ہفتہ بعد وزارت نے  عوامی صلاح ومشورے کے لئے  ضابطوں کا مسودہ جاری کردیا ہے۔

مجوزہ مسودے  سے متعلق نامہ نگاروں کو تفصیل بتاتے ہوئے الیکٹرانکس اور آئی ٹی کے وزیر مملکت جناب راجیو چندرشیکھر  نے  زور دے کر کہا کہ یہ ضابطے بہت آسان ہیں ۔ ہم چاہتے ہیں کہ آن لائن گیمنگ کا ماحول   وسیع ہو اور فروغ  پائے اور  26-2025 تک بھارت کی ڈجیٹل معیشت کو ایک ٹریلین  ڈاکر تک پہنچانے کے ہدف میں اہم حصہ دار بنے ۔ہمارا یہ بھی وژن ہے کہ آن لائن گیمنگ کی صنعت   میں اسٹارٹ اپس زیادہ بڑا رول ادا کریں ۔

وزیر موصوف نے کہا کہ وزارت نے پالیسی مرتب  کرنے میں  تیزی  سے کام کیا ہے اور یہ  پالیسی کا مسودہ تیار کرنے سے  پہلے   الیکٹرانکس اور اطلاعاتی ٹکنالوجی کی وزارت کے ذریعہ  متعلقہ فریقوں کے ساتھ  پہلے سلسلے وار  میٹنگوں /مشاورتوں  کے بعد ممکن ہوا ہے۔انہو ں نے مزید کہا کہ وزارت  پالیسی کو جلد از جلد حتمی شکل دینے کے لئے عوامی صلاح  ومشورے کا ایک اور راؤنڈ کرے گی۔

انہوں نے کہا کہ مسودہ میں  خودانضباطی نظام  تجویز کیا گیا ہے جو مستقبل میں آن لائن گیمنگ کے مواد   کو منضبط کرے گا اور اس بات کو یقینی بنائے گا کہ ان گیمس میں  تشدد ، نشہ  یا جنسی مفاد  شامل نہ ہوں ۔

سردست   گیمنگ کے لئے  عمر کی حد 18سال ہے  اور ہم چاہتے ہیں کہ اسے برقرار رکھیں  اور موجودہ فریم ورک   گیم کھیلنے والوں کے لئے محفوظ  اور بھروسے مند ہو تو  آن لائن گیمنگ  کے لئے اختراعی  ماحول  پید ا کرکے اس کو وسیع کیا جائے ۔

تحفظاتی معاملات کے بارے میں اظہار خیال کرتے ہوئے  وزیر موصو ف نے کہا کہ  بھارت میں تقریباََ 40سے  45فیصد   گیم کھیلنے والو ں میں  خواتین شامل ہیں اس لئے  گیمنگ کے ماحول کو محفوظ رکھنا بہت اہم ہے۔

انہوں نے کہا کہ ضابطے کے مسودے میں  شرط اور سٹہ  لگانے کے خلاف سخت ضابطے موجود ہیں۔  انہوں نے زور دے کر کہا کہ آن لائن گیمس میں  نتیجے کے بارے میں جو سٹہ لگایا جاتا ہے وہ ممنوعہ  ہے۔

*************

ش ح۔وا ۔ رم

U-50

(Release ID: 1888205) Visitor Counter : 299