بھاری صنعتوں کے مرکزی وزیر ڈاکٹر مہندر ناتھ پانڈے نے کہا کہ بھاری صنعت کی وزارت کی فیم انڈیا فیز 2 اسکیم کے تحت، شہر/ایس ٹی یو/ریاستی حکومتوں نے 3,538 الیکٹرک بسوں کے لیے سپلائی آرڈر جاری کیے ہیں۔ ان 3,538 الیکٹرک بسوں میں سے 2 جنوری 2023 تک کل 1,716 الیکٹرک بسیں تعینات کی جا چکی ہیں۔

انہوں نے یہ بھی بتایا کہ مرکز کے زیر انتظام علاقے دہلی کے لیے 400 الیکٹرک بسیں، 300 الیکٹرک بسیں دہلی ٹرانسپورٹ کارپوریشن (ڈی ٹی سی) کو انٹر سٹی آپریشنز کے لیے اور 100 الیکٹرک بسیں دہلی میٹرو ریل کارپوریشن (ڈی ایم آر سی) کو آخری میل کنیکٹیویٹی کے لیے اگست 2019 میں منظور کیا گیا تھا۔

سپلائی آرڈرز 15 جنوری 2020 تک جاری کیے جانے تھے۔ ڈی ایم آر سی نے دسمبر 2019 میں کامیاب بولی دہندگان کو سپلائی آرڈر جاری کیے جبکہ دہلی ٹرانسپورٹ کارپوریشن (ڈی ٹی سی) مارچ 2019 میں ہی سپلائی آرڈر جاری کرنے میں کامیاب رہی۔ ڈی ٹی سی کی سہولت کے لیے، بھاری صنعت کی وزارت نے ایک خصوصی معاملے کے تحت ڈی ٹی سی کے ذریعہ سپلائی آرڈر کی آخری تاریخ 31 مارچ 2021 تک بڑھا دی تھی تاکہ دہلی کو آلودگی سے پاک عالمی معیار کا ٹرانزٹ سسٹم فراہم کیا جا سکے۔

ڈی ٹی سی کی طرف سے کل 250 بسیں پہلے ہی تعینات کی جا چکی ہیں اور اب بقیہ 50 الیکٹرک بسیں ڈی ٹی سی کو فراہم کی جا رہی ہیں جو وزارت ہیوی انڈسٹری کے 300 الیکٹرک بسیں فراہم کرنے کے وعدے کو پورا کرتی ہے۔ مرکزی حکومت ان 300 الیکٹرک بسوں کے لیے ڈی ٹی سی کو 165 کروڑ روپے کی ترغیب دے گی۔

****

ش ح۔   ش ت۔ج

Uno-29