માર્ગ પરિવહન અને ધોરીમાર્ગ મંત્રાલય (MoRTH) એ 22 ડિસેમ્બર 2022ના રોજ એક નોટિફિકેશન G.S.R 901(E) બહાર પાડ્યું છે જેથી વેપાર કરવામાં સરળતા અને ડીલરો દ્વારા નોંધાયેલા વાહનોના વેચાણ અને ખરીદીમાં પારદર્શિતાને પ્રોત્સાહન મળે.

ભારતમાં પૂર્વ-માલિકીનું કાર બજાર ધીમે ધીમે વિસ્તરી રહ્યું છે. તાજેતરના વર્ષોમાં, ઓનલાઈન માર્કેટપ્લેસના આગમન, જે પૂર્વ-માલિકીના વાહનોની ખરીદી અને વેચાણ સાથે સંકળાયેલા છે, તેણે આ બજારને વધુ પ્રોત્સાહન આપ્યું છે.

વર્તમાન ઇકોસિસ્ટમમાં, ઘણી સમસ્યાઓનો સામનો કરવો પડી રહ્યો હતો જેમ કે. અનુગામી ટ્રાન્સફર કરનારને વાહનના ટ્રાન્સફર દરમિયાન, તૃતીય પક્ષના નુકસાનની જવાબદારીઓ અંગેના વિવાદો, ડિફોલ્ટરના નિર્ધારણમાં મુશ્કેલી વગેરે.

MoRTH એ હવે પૂર્વ-માલિકીની કાર બજાર માટે વ્યાપક નિયમનકારી ઇકોસિસ્ટમ બનાવવા માટે સેન્ટ્રલ મોટર વ્હીકલ નિયમો, 1989ના પ્રકરણ IIIમાં સુધારો કર્યો છે.

સૂચિત નિયમોની મુખ્ય જોગવાઈઓ નીચે મુજબ છે:

1. ડીલરની અધિકૃતતા ઓળખવા માટે નોંધાયેલા વાહનોના ડીલરો માટે અધિકૃતતા પ્રમાણપત્ર રજૂ કરવામાં આવ્યું છે.

2. વધુમાં, રજિસ્ટર્ડ માલિક અને ડીલર વચ્ચે વાહનની ડિલિવરીની સૂચના માટેની પ્રક્રિયા વિગતવાર આપવામાં આવી છે.

3. નોંધાયેલા વાહનોના કબજામાં ડીલરની સત્તાઓ અને જવાબદારીઓ પણ સ્પષ્ટ કરવામાં આવી છે.

4. ડીલરોને તેમના કબજામાં રહેલા મોટર વાહનોના નોંધણી પ્રમાણપત્ર/ ફિટનેસના પ્રમાણપત્રના નવીકરણ, ડુપ્લિકેટ નોંધણી પ્રમાણપત્ર, એનઓસી, માલિકીના સ્થાનાંતરણ માટે અરજી કરવાની સત્તા આપવામાં આવી છે.

5. નિયમનકારી પગલા તરીકે, ઇલેક્ટ્રોનિક વાહન ટ્રિપ રજિસ્ટરની જાળવણી ફરજિયાત કરવામાં આવી છે જેમાં હાથ ધરવામાં આવેલી ટ્રિપની પ્રવાસનો હેતુ, ડ્રાઈવર, સમય, માઈલેજ વગેરે વિગતો હશે..

આ નિયમો રજિસ્ટર્ડ વાહનોના વચેટિયા/ડીલરોને ઓળખવામાં અને સશક્તિકરણ કરવામાં મદદ કરશે તેમજ આવા વાહનોના વેચાણ અથવા ખરીદીને છેતરતી પ્રવૃત્તિઓ સામે પર્યાપ્ત સુરક્ષા પ્રદાન કરશે.

ગેઝેટ નોટિફિકેશન જોવા માટે અહીં ક્લિક કરો

YP/GP/NP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com