হায়লাইৎশিং

• থৌরম অদুদা প্রধান মন্ত্রীনা বাল কীর্তনি চাহুম রোমনা পাঙথোকপা ‘শবদ কীর্তন’দা য়াওখি।
• প্রধান মন্ত্রীনা অহানবা বীর বাল দিবসকী থৌরমদা দিল্লীদা অঙাং লিশিং অহুমরোমগী মার্চ-পাস্ত অমসু লমথাখি।
• হাউসিং অমসুং অর্বান এফিয়র্সকী কেন্দ্র মন্ত্রী শ্রী হরদীপ সিংহ পুরি; পঞ্জাবকী মুখ্য মন্ত্রী শ্রী ভগৱন্ত মন; মহারাস্ত্রগী মুখ্য মন্ত্রী শ্রী একনাথ শিন্দে; কলচরগী কেন্দ্রগী রাজ্য মন্ত্রী শ্রী অর্জুন রাম মেঘৱল অমসুং শ্রীমতি মীনাক্ষি লেখিনা থৌরম অদুদা শরুক য়াখি।

প্রধান মন্ত্রী, শ্রী নরেন্দ্র মোদীনা ঙসি দিল্লীগী মেজর ধ্যান চন্দ নেস্নেল স্তেদিয়মদা ‘বীর বাল দিবস’ পুৱারী ওইরবা পালন থৌরম অমদা শরুক য়াখ্রে। থৌরম অদুদা প্রধান মন্ত্রীনা বাল কীর্তনি চাহুম রোমনা পাঙথোকপা ‘শবদ কীর্তন’দা য়াওখি। প্রধান মন্ত্রীনা মরু ওইবা থৌরম অসিদা দিল্লীদা অঙাং লিশিং অহুমরোমগী মার্চ-পাস্ত অমসু লমথাখি। মার্চ-পাস্ত অদু মেজর ধ্যান চন্দ স্তেদিয়মদগী ইন্দিয়া গেৎ (কর্তব্য পথ) ফাওবা চৎখি।

জনুৱারী ০৯, ২০২২, শ্রী গুরু গোবিন্দ সিংহজীগী প্রকাশ পুরবকী নুমিৎতা প্রধান মন্ত্রীনা শ্রী গুরু গোবিন্দ সিংহগী মচাশিংনা – শাহিবজাদাশিং বাবা জোরাৱর সিংহজী অমসং বাবা ফতেহ সিংহজীনা থৱায়না পোন্থা পীখিবা অদুবু শ্রদ্ধাঞ্জলি কৎপা ওইনা দিসেম্বর ২৬ অসি ‘বীর বাল দিবস’ হায়না পালন তৌগনি লাউথোকখি।

থৌরম অদুদা ৱা ঙাংলদুনা প্রধান মন্ত্রীনা হায়খি ভারতনা ঙসি অহানবা ওইনা বীর বাল দিবস পালন তৌরি। হৌখিবা মতমদা থৱায়না পোন্থা পীখিবশিংদা ঐখোয়না ইকাই খুম্নবা উৎনবা অমত্তা ওইনা পুম্নমক্না পুনশিনবগী মতম ওইরিবা জাতিগীদমক্তা অনৌবা অহৌবা অমগী নুমিৎনি। প্রধান মন্ত্রীনা হায়, “শহিদি সপ্তাহ অমসুং বীর বাল দিবস অসি শুপ্নগী অৱা নুংঙাইশিংগী খোইরাং-খোইশাওনবা খক্তা নত্তে মসিদি লোইনাইদ্রবা ইথিলগী হৌরকফম অমনি”।

 

প্রধান মন্ত্রীনা হায়খি বীর বাল দিবসনা ঐখোয়দা থৌনা লিংজেল অমদি কত্থোকপগী মতমনা লাক্লবদা চহি হায়বা অসি করিসু ওইদে হায়না নীংশিংহল্লগনি। বীর বাল দিবসনা ঐখোয়দা জাতি অসিগী ইকাই খুম্নবা ঙাকশেন্নবগীদমক সিখ গুরু তরানা চাউনা কত্থোকখিবা অমসুং সিখ চৎনবীগী কত্থোকখিবা অদুবু নীংশিংহল্লগনি। প্রধান মন্ত্রীনা হায়খি, “বীর বাল দিবসনা ঐখোয়দা ভারত অসি করিনো অমসুং মাগী শক্তাক অদু করিনো তাক্লগনি অমসুং চহি খুদিং বীর বাল দিবসনা ঐখোয়গী হৌখ্রবা মতমবু শকখঙনবা অমসুং ঐখোয়গী তুংলমচৎ শেম্নবা ইথিল পীরগনি। মসিনা মীপুম খুদিংমক্তা ঐখোয়গী হৌরক্লিবা মীরোলগী মপাঙ্গলগী মরমদা মীপুম খুদিংমক্তা নীংশিংহল্লগনি। প্রধান মন্ত্রীনা বীর সাহিবজাদাশিং, গুরুশিং অমসুং মাতা গুরজানিদা চাউনা শ্রদ্ধাঞ্জলি কৎখি। মহাক্না হায়, “দিসেম্বর ২৬পু বীর বাল দিবস হায়না লাউথোকপগী খুদোংচাবা ঐখোয়না ফংজবা অসি ঐখোয়গী সরকারগী লাইবক ফবনি হায়না ঐহাক্না লৌজৈ”।

প্রধান মন্ত্রীনা ৱা ঙাংখিবগী মপুং ফাবা ৱারোল য়েংনবগীদমক মসিদা নম্বীয়ু

https://www.pib.gov.in/PressReleseDetailm.aspx?PRID=1886675

হাউসিং অমসুং অর্বান এফিয়র্সকী কেন্দ্র মন্ত্রী শ্রী হরদীপ সিংহ পুরি; পঞ্জাবকী মুখ্য মন্ত্রী শ্রী ভগৱন্ত মন; মহারাস্ত্রগী মুখ্য মন্ত্রী শ্রী একনাথ শিন্দে; কলচরগী কেন্দ্রগী রাজ্য মন্ত্রী শ্রী অর্জুন রাম মেঘৱল অমসুং শ্রীমতি মীনাক্ষি লেখিনা থৌরম অদুদা শরুক য়াখি।

থৌরম অদুদা ৱা ঙাংলদুনা মহারাস্ত্রগী মুখ্য মন্ত্রী শ্রী একনাথ শিন্দেনা হায়খি মদুদি ঐখোয়গী লৈবাক অসি মখোয়গী লৈবাক, ধর্ম অমসুং মশানা মশাবু ইকাই খুম্নবা ঙাকশেন্নবগীদমক মখোয়গী থৱায় থাখিবা অথৌবশিংগী লমদমনি অমসুং অসিগুম্বা অথৌবশিংনা তৌরমখিবশিং অদুবু নীংশিংবা অমদি মখোয়দা ইকাই খুম্নবা উৎপা হায়বা অসি ঐখোয়গী থৌদাংনি। নীংতম লান্মী রাজগুরুবু খুদম ওইনা পীরদুনা শ্রী শিন্দে হায়খি মহারাস্ত্রগী রাজ্য অসিনসু মখোয়গী মমা লৈবাক্কীদমক মখোয়গী থৱায় থাখিবা অথৌবা কয়া পুথোকখি। অমসুং মখোয়না কত্থোকখিবা অদু হৌজিক খক্তা শকখঙবীরি অমসুং মালেমগী মাংদা পুথোকখি।

পঞ্জাবকী মুখ্য মন্ত্রী শ্রী ভগৱন্ত মননা থৌরম অদুদা হায়খি প্রধান মন্ত্রীনা ঙসি মালেমদা শাহিবজাদাশিং বাবা জোরাৱর সিংহজী অমসুং বাবা ফতেহ সিংহজীনা চাউনা কত্থোকখিবা অদু খঙহল্লি। মহাক্না প্রধান মন্ত্রীনা অমৃতসরগী শেংলবা সহরদা পঞ্জাবতা জি২০ কনফরেন্স অনি পাঙথোক্নবা খুদোংচাবা অমা পীবিরিবা অসিগীদমক থাগৎপসু ফোঙদোকখি। মহাক্না মখা তারদুনা হায় “মালেম শিনবা থুংবদগী মীয়াম লাক্কনি অমসুং ঐখোয়না মখোয়দা দরবার সাহেব, জলিয়ানৱালা বাগ অমসুং ৱাঘা বোর্দরগী পরেদ উৎলগনি”।

বেকগ্রাউন্দ

মীয়ামদা, মরুওইনা অঙাংশিংদা, শাহিবজাদেশিংগী ফীদমনীংঙাই ওইরবা থৌনা ফবগী ৱারীশিং পাউদম্নবা অমদি খঙহন্নবা লৈবাক শিনবা থুংনা ইন্তরেক্তিব অমদি মীয়াম শরুক য়াগদবা থৌরমশিং পাঙথোক্লি‍। থৌরাং অসিগী মনুং চন্না, লৈবাক শিনবা থুংনা স্কুল অমদি কলেজশিংদা ৱারেং ইবা, ৱাহং পাউহং চাংদম্নবা অমদি অতৈ থবক থৌরমশিং পাঙথোক্কনি‍। রেলৱে স্তেসন, পেত্রোল পম্প, এয়রপোর্তনচিংবা মীয়াম তিনবা মফমশিংদা দিজিতেল একজিবিসনশিং খিনগনি‍। লৈবাক শিনবা থুংনা, পাঙথোক্কদবা থৌরমশিংদা শরুক য়াগদবা মীথুংশিংনা সাহিবজাদেশিংগী পুন্সি অমদি মখোয়গী কত্থোকপগী মরমদা ৱারী কয়া লীগনি‍।

****

(Release ID: 1886808) Visitor Counter : 134