হৌখিবা চহি মঙাদা অৱাং-নোংপোক লমদমদা খুন্নাইগী খুদোংচাদবশিং হায়বদি হুমেন ত্রাফিকিং, দ্রগ লান্না শীজিন্নবা, ঐচ.আই.ভি লাকশিন্নবা অমসুং লাইরিক ময়েক চৎপা হেনগৎহন্নবা সরকারনা পায়খৎলিবা থবকশিং মখাদা পীরে:

 (১) ভারত সংবিধানগী ৭শুবা সেদুলগী মতুংইন্না “পুলিস” অমসুং “পব্লিক ওর্দর” অসি স্তেৎ সবজেক ওইবা মরম্না হুমেন ত্রাফিকিং ঙাকথোক্নবা অমসুং লাকশিন্নবা দরকার ওইবা থবকশিং পায়খৎপা হায়বসি রাজ্য সরকারশিং অমসুং য়ু.তি লৈঙাকশিংগী মরুওইবা থৌদাংনি। হিরম অসিগী মতাংদা তোঙান-তোঙানবা থবকশিং পায়খৎতুনা হোম এফেয়ার্স মিনিস্ত্রিনা রাজ্য সরকারশিংগী থবকশিংদা মতেং পাংলি।

শেনবা চহি ২০১৯-২০ অমসুং ২০২০-২১ মনুংদা হৌজিক লৈরিবা এন্তি হুমেন ত্রাফিকিং য়ুনিতশিং অমসুং অনৌবা এন্তি হুমেন ত্রাফিকিং য়ুনিতশিং লিংখৎনবা “নিরভ্যা ফন্দ”গী মখাদা রাজ্যশিং অমসুং য়ু.তিশিংদা হোম এফেয়ার্স মিনিস্ত্রিনা লুপা করোর ৯৮.৮৬গী শেন্থং পীখ্রে। রাজ্যশিংগী জুদিসিএল অমসুং পুলিস ওফিসিএলশিং হুমেন ত্রাফিকিংগা মরী লৈনবা অনৌবা লোশিংগী মতাংদা খঙহন্নবা “জুদিসিএল কোল্লোকুইমস” অমসুং “রাজ্য থাক্কী কনফরেসন্সশিং” পাংথোক্নবা হোম এফেয়ার্স মিনিস্ত্রিনা রাজ্যশিং অমসুং য়ু.তিশিংদা শেন্থং পীখ্রে। হুমেন ত্রাফিকিং ঙাকথোক্নবা হোম এফেয়ার্স মিনিস্ত্রিনা রাজ্যশিংদা পাউতাকশিং অমসুং চৎন-কাংলোনশিং পীখ্রে। ইন্দিয়ান পেনাল কোদ সেক্সন ৩৭০ অমসুং ৩৭০এগী মখাদা নেসনেল ইনভেস্তিকেসন এজেন্সিনা হুমেন ত্রাফিকিং কেসশিং থিজিনবা য়ানবা ২০১৯দা নেসনেল ইনভেস্তিকেসন এজেন্সি এক্ত, ২০০৮ শেমদোক্লে।

(২)সোসিএল জজতিস অমসুং ইমপ্বারমেন্ত মিনিস্ত্রিনা অৱাং-নোংপোক লমদম য়াওনা লৈবাক অসিদা নেসনেল এক্সন প্লান ফোর দ্রগ দিমান্দ রিদক্সন(এন এ পি দি দি আর) থবক ওইনা পায়খৎলে অমসুং হান্না দ্রগ শীজিন্নরম্বশিং ভোকেসনেল ত্রেনিং পীনবা অমসুং হিংনবা লম্বী পীনবা রাজ্যশিং অমসুং য়ু.তিশিংদা শেন্থং পীরি। এন.জি.ওশিংনা ইন্তেগ্রেতেদ রিহেবিলিতেসন সেন্তরস ফোর এদিক্স(আই আর সি এ), কম্মুনিতি বেজ পীয়ার লিদ ইন্তরভেসন(সি পি এল আই) অমসুং সরকারগী হোস্পিতালশিংদা এদিক্সন ত্রিৎমেন্তগী খুদোংচাবশিং লিংখৎনবা শেন্থং পীরি।

হেপ্ললাইনগী খুৎথাংদা মতেং পাম্বা মীওইশিংদা কাউন্সেল্লিংগী খুদোংচাবা পীনবা মিনিস্ত্রিনা দি-এদিক্সনগী তোল-ফ্রি হেল্পলাইন অমা ১৪৪৪৬ হাংদোক্লে। মিনিস্ত্রিগী ওতোনোমস বোদি নেসনেল ইন্সতিতুৎ ওফ সোসেইল দিফেন্স অমসুং অতোপ্পা এজেন্সিশিং হায়বদি এস.সি.আর.তিশিং, কেন্দ্র বিদ্যলায়া সঙ্গাথানশিংনা মহৈরোয়শিং, ওজাশিং অমসুং মমা-মপাশিং য়াওনা মরী লৈনবশিংদা চাংনাইনা ৱাখল তাহানবা অমসুং খঙহনবগী থবকশিং পাংথোক্লি।

নহারোলশিংদা পোৎলম কয়া নিশা ওইনা লান্না শীজিন্নবগী অমাঙবশিং মতাংদা ৱাখল তাহন্নবা অৱাং-নোংপোক্কী রাজ্যশিংগী জিলা ৬৭ য়াওনা মশক খঙদোক্লবা জিলা ৩৭২দা মিনিস্ত্রিনা নশা মুক্ত ভারত অভিয়ান(এন এম বি এ) হৌদোক্লে অমসুং মসিদা অৱাংবা থাক্কী মহৈলোয়শঙশিং, য়ুনিভর্সিতি কেম্পসশিং, স্কুলশিং অমসুং মীয়াম তিনবা মফমশিংদা মীৎয়েং থমদুনা থৌরম কয়া পাংথোক্লি। নুপী ২৩০২৭, নহারোল ৫৫৪৪১ অমসুং মহৈলোয়শঙ ২১২৬ য়াওনা  হৌজিক ফাওবদা অৱাং-নোংপোক লমদমদা মীওই ১৬,৫০,৩০৯ অভিয়ান অসিনা কোনশিনখ্রে।

 (৩) অৱাং-নোংপোক য়াওনা লৈবাক অসিগী মফম খুদিংমক্তা ঐচ.আই.ভি লাকশিন্নবা ১৯৯২দগী হৌনা হেল্থ অমসুং ফেমিলি ৱেলফিয়ার মিনিস্ত্রিনা নেসনেল এদস কন্ত্রোল প্রোগ্রামগী মখাদা নেসনেল এদস এন্দ এস.তি.দি কন্ত্রোল প্রোগ্রাম(এন এ সি পি) পায়খৎলি। এপ্রিল ১, ২০২১দগী হৌরগা মার্চ ৩১, ২০২৬ ফাওবা স্তেৎ এদস কন্ত্রোল সোসাইতিশিংগী মখাদা হৌজিক এন.এ.সি.পিগী ফেজ-৫ পায়খৎলি। এন.এ.সি.পিগী ফেজ-৫ গী মখাদা ঐচ.আই.ভি ঙাকথোক্নবা, মশক খঙদোক্নবা অমসুং লায়য়েংনবা অৱাং-নোংপোক লমদমদা অকনবা মীৎয়েং থম্লি।

মাংজৌন্না ঙাকথোকপা, মশক খঙদোকপা অমসুং লায়য়েংবা হায়বা মাইকৈ অহুম ফাংবা লাল্লোংগী মখাদা রাজ্যশিংগী এদস কন্ত্রোল সোসাইতিশিংনা ঐচ.আই.ভি থেংন্নবা ইন্তেগ্রেতেদ এক্সন প্লানশিং শেম্লে। এন.এ.সি.পিগী মখাদা অৱাং-নোংপোক্কী রাজ্যশিংগী স্তেৎ এদস কন্ত্রোল সোসাইতিদা গ্রান্ত-ইন-এদ পীখ্রে।

লমদম অসিগী মীয়াম ৱাখল তাহন্নবা অমসুং মীয়াম শরুক য়াদুনা থবক কয়া পাংথোক্নবা চাংনাইনা ৱাখল তাহনবগী থবকশিং পাংথোক্তুনা নৌনা লৌনবা ঙাকথোক্নবা থবকশিং মপাঙ্গল কনখৎহল্লে। অৱাং-নোংপোক রাজ্যশিংদা ঐচ.আই.ভিগী মতাংদা মল্তিমেদিয়া কম্পেন কয়া পাংথোক্লি। সোসিএল প্রোতেক্স স্কিমশিং য়াওনা তোঙান-তোঙানবা মরী লৈনবশিংগা লোয়ন্না নোর্থ-ইস্তর্ন কাউন্সিলনা থবক পায়খৎলি।

এন্তি-রেত্রোভাইরেল থেরাপী(এ আর তি)সেন্তরশিং অমসুং লিঙ্ক-এ.আর.তি সেন্তরশিংগী মখাদা ঐচ.আই.ভিগা শাগোন্দুনা হিংলিবা মীওইশিংদা লেম্না পুন্সি চুপ্পা এন্তি-রেত্রো ভাইরেল(এ আর ভি) হিদাকশিং পীরি অমসুং ঙল্লিঙৈদা মশক খঙদোক্নবা কাউন্সেল্লিং অমসুং তেস্তকী খুদোংচাবা কয়া পীরি। সেপ্তেম্বর ২০২২ ফাওবদা, অৱাং-নোংপোক রাজ্যশিংদা ঐচ.আই.ভি কাউন্সেল্লিং অমসুং তেস্তিং সেন্তর ১৬৯২, এ.আর.তি সেন্তর ১০৪ মথৌ তৌরি। হায়রিবা রাজ্যশিং অসিদা পায়খৎলিবা থবকশিং হন্না য়েংশিন্নবা স্তেৎ এদস কন্ত্রোল সোসাইতিশিংগা লোয়ন্না সরকারনা ৩৬০ দ্রিগি রিভিয়ু চাংনাইনা পাংথোক্লি।

 (৪)অহলশিং লাইরিক ময়েক চৎপা হেনগৎহন্নবা ইজুকেসন মিনিস্ত্রিনা রাজ্য ২৬ অমসুং য়ু.তি অমদা জিলা ৪০৪ গী খুঙ্গংশিংদা সাক্ষার ভারত স্কিম পায়খৎলে। ২০০৯দগী হৌনা অৱাং-নোংপোক রাজ্যশিং য়াওনা অহল ওইরবী নুপীশিং লাইরিক ময়েক চৎপগী চাং চাদা ৫০ ওইরে। স্কিম অসি মার্চ ৩১, ২০১৯ ফাওবা শাংদোক্লে। সাক্ষার ভারত স্কিমগী মখাদা মাইনোরিতি মিল্লিয়ন ১২ য়াওনা লাইরিক ময়েক চৎতবা মীওই মিল্লিয়ন ৭০ ময়েক চৎহন্নবা পান্দম থম্লি। ওগস্ত ২০১০দগী মার্চ ২০১৮ ফাওবা নেসনেল ইন্সতিতুৎ ওফ ওপন স্কুলিংনা পাংথোকখিবা চহি অনি খুদিংগী পাংথোকপা চাংয়েংদা অহল মিল্লিয়ন ১০০.৮ শরুক য়াখি অমসুং মসিগী মনুংদা অহল মিল্লিয়ন ৭৬.৩৯ মাইপাকখি অমসুং লাইরিক ময়েক চৎলে হায়না সর্তিফিগেদ পীখি।

অহল লাখ ৪৮.১৬ লাইরক ময়েক চৎহন্নবা পান্দমদা, শেনবা চহি ২০২০-২২ মনুংদা, অৱাং-নোংপোক রাজ্যশিং য়াওনা রাজ্যশিং/য়ু.তিশিং ৩৩গী সহর অমসুং খুঙ্গংগী মফমশিংদা কেন্দ্রনা শেন্থং পুথোকপা অহল লাইরিক ময়েক চৎহন্নবা “পারনা লিখানা অভিয়ান” থবক ওইনা পায়খৎলে।  

চহি ১৫ অমসুং মসিগী মথক্তা লৈনবা লাইরিক ময়েক চৎতবা মীওইশিং লাইরিক ময়েক চৎহন্নবা অৱাং-নোংপোক রাজ্যশিং য়াওনা রাজ্যশিং অমসুং য়ু.তিশিং মতেং পাংনবা ভারত সরকারনা অনৌবা সইম “নিউ ইন্দিয়া লিতেরেসি প্রোগ্রাম(এন আই এল পি) হন্দক অয়াবা পীখ্রে। ২০২২দগী হৌরগা ২০২৭ ফাওবা পায়খৎকদৌরিবা স্কিম অসিগীদমকম কেন্দ্রগী চাকথুং লুপা করোর ৭০০ অমসুং রাজ্যগী চাকথুং লুপা কোরোর ৩৩৭.৯০ য়াওনা পুন্না লুপা করোর ১০৩৭.৯০ কাইথোক্নবগী অয়াবা পীখ্রে।

ঙসি রাজ্য সভাদা অইবা ওইনা পীবা পাউখুম অমদা ৱাফম অসি দোনরগী য়ুনিয়ন মিনিস্তর শ্রী জি.কিসন রেদ্দিনা ফোঙদোকখিবনি।

****

(Release ID: 1884959)