ভারত সরকারগী রোদ ত্রান্সপোর্ত অমসুং হায়ৱেজগী মখাদা লৈবা সি.পি.এস.ই অমা ওইরিবা নেসনেল হায়ৱেজ এন্দ ইনফ্রাস্ত্রকচর দিবলপমেন্ত কোর্পোরেসন লিমিতেৎ(এন ঐচ আই দি সি এল)না হায়ৱেজশিং শেমগৎপদা থেংনরিবা শাথিরবা নোংচু-নুংশাগী ফিবমশিংদগী তুংকোইনা ঙাকথোক্নবা অনৌবা তেক্নোলোজিশিং থিরি। মসিগী থৌরাং অসিদা এন.ঐচ.আই.দি.সি.এলনা মরুওইবা ইন্সতিতুৎশিং হায়বদি আই.আই.তি রুরকি, আই.আই.তি কানপুর, সি.এস.আই.আর-সি.আর.আর.আই, এন.এস.দি.সি, আই.আই.তি পাতনা, আই.আই.তি শ্রীনগর, এন.আই.তি অগরতালা, এন.আই.তি শিলচর, এন.আই.তি উত্তরখান্দ, এন.আই.তি নাগালেন্দ, এন.আই.তি সিক্কিম, আই.আই.তি খারাগপুর, আই.আই.তি মন্দি অমসুং এন.আই.তি জোতে, অরুনাচল প্রদেসকা চৎলিবা চহি ২০২২-২৩ মনুংদা এম.ও.য়ুশিং খুৎয়েক পীনখ্রে। এন.ঐচ.আই.দি.সি.এলনা মমাঙদা আই.আই.তি বোম্বে অমসুং আই.আই.তি গুৱাহাতিগা এম.ও.য়ুশিং খুৎয়েক পীনখ্রে অমসুং অতোপ্পা আই.আই.তিশিং অমসুং এন.আই.তিশিংগা অসিগুম্বা এম.ও.য়ুশিং খুৎয়েক পীন্নবা মখা তানা ৱারি শানরি।

ইকোন কোনবা এম.ও.য়ু দিশেম্বর ১৪, ২০২২দা ভিদিও কনফরেন্সকী খুৎথাংদা এন.আই.তি মনিপুরগা খুৎয়েক পীনখ্রে। এম.ও.য়ু অদু এন.আই.তি মনিপুরগী দিরেক্তর প্রোফেসার (দোক্তর) গৌতম সুত্রাধার অমসুং এন.ঐচ.আই.দি.সি.এলগী মেনেজিং দিরেক্তর এস.ঐচ চনচাল কুমার অনিগী মরক্তা খুৎয়েক পীনখি।

*****