امور صارفین کے محکمے کے سکریٹری  جناب روہت کمار سنگھ نے آج یہاں ہندوستان میں دالوں کی ایسوسی ایشنوں  کے ساتھ ایک میٹنگ کے دوران   کہا کہ امورصارفین کا محکمہ ہندوستانی کسانوں  کی حمایت اور زیادہ  دالیں  پیدا  کرنے  کے لئے مطلوبہ ضروری اقدامات   کرے گا۔ پورے 2023 میں  صارفین کو سستی قیمت پر دالیں  مہیا کرانے کے لئے  درآمد کنندگان کی دالوں کی درآمد میں   مد د کی جائے گی۔

آنے والے سال میں  عالمی دستیابی کے بارے میں  توقع ہے کہ میانما  میں  متوقع  پروڈکشن میں اضافے کے ساتھ بہتر ہو ، جہاں  آمد شروع ہوچکی ہے  اور افریقی  ممالک میں  دالوں کی بوائی کے ارادے   اشارہ دے رہے ہیں کہ دالوں کے لئے احاطہ کئے گئے علاقوںمیں اضافہ ہوگا اورجو اگست  2023  اور اس کے بعد تک دستیاب رہے گا۔

جناب سنگھ نے گھریلو  پروڈکشن اور دالوں ،خاص طور سے توہر ، اڑد اور مسور کی درآمد کی اہمیت  پر مزید زور دیا ۔

انڈیا پلسز اینڈ گرینس ایسوسی ایشن ( آئی پی جی اے ) ، اوورسیز ایگرو ٹریڈرز ایسوسی ایشن ( او اے ٹی اے میانما) ،  آل انڈیا دال ملز ایسوسی ایشن ، تمل ناڈو پلسز امپورٹرز  اینڈ ایکسپورٹرس ایسوسی ایشن  ،  آئی گرین  وغیرہ  کے نمائندوں نے  میٹنگ میں شرکت کی ۔

شر کت کرنے والی ایسوسی ایشنوں کے نمائندوں نے  اس بات کا اظہار کیا کہ درآمد  کی مستقل  پالیسی  نے ہندوستانی  برصغیر میں درآمدات  کے باقاعدہ  بہاؤ میں مدد کی ہے اور پورے  سال  قیمت کو کنٹرول میں رکھا ہے ۔

میٹنگ میں گھریلو دالوں کے پروڈکشن  کو تیزی سے بڑھانے ،  پورٹ کلئیرنس ،  چند ممالک پر درآمد کے انحصار کو  کم سے کم کرنے کے لئے  نئے جغرافیہ کو دریافت کرنے  اور مستحکم پالیسی  ریجیم کی توسیع سے متعلق   تجاویز  پیش کی گئیں۔

امور صارفین کا محکمہ  ہندوستان میں دالوں کی ایسوسی ایشن   اور اہم برآمد کرنے  والے ممالک  کے ساتھ  دالوں کی صنعت  کی نبض کا اندازہ لگانے کے لئے  اور ضروری پالیسی اقدامات کی پہل کے لئے  باقاعدہ طورپر بات چیت کرتا رہتا ہے۔ میٹنگوں کے سلسلے کے ایک حصے کے طورپر محکمے نے  15دسمبر 2022 کو ہندوستانی صارفین کو  سستی قیمتوں  پر دالوں کی دستیابی  کو یقینی بنانے کے لئے   اور  گھریلو  اور عالمی دالوں سے متعلق  حالات کا اندازہ لگانے  اور اگلے سال کے لئے حکمت عملی کی منصوبہ سازی کے لئے  ایک میٹنگ کا انعقاد کیا۔

*************

ش ح۔اک ۔ رم

U-13896