৬শুবা ইন্দো-কজাখস্তান জোইন্ত মিলিতরি এক্সরসাইজ “কাজিন্দ”-২০২২ দিশেম্বর ১৫-দিশেম্বর ২৮, ২০২২ ফাওবা মেঘলয়গী উমরোইদা পাংথোক্লগনি। কজাখস্থানগী লান্মীগা লোয়ন্না চহি খুদিংগী পাংথোকপা অপুনবা ত্রেনিং এক্সরসাইজ অসি এক্সরসাইজ প্রাবাল দোস্তিক হায়না ২০১৬দগী হৌদোকখিবনি। তুংদা মসি কম্পেনি থাক্কী এক্সরসাইজ ওইনা ওনখৎখি অমসুং ২০১৮দা এক্স কাজিন্দ হায়না অমুক হন্না মমিং থোনখি।

এক্সরসাইজ অদুদা রিজনেল কমান্দ, সাউথকী লান্মীশিংনা শেম্বা কাজখস্তান লান্মীশিং অমসুং ১১ গোর্খা রাইফলসকী ভারত লান্মীশিং শরুক য়াগনি। এক্সরসাইজ অসিগী পান্দমদি অফবা মিলিতরিগী মরীশিং শেমগৎপা, খ্বাইদগী ফবা থবকশিং অমনা অমদগী তম্নবা অমসুং য়ু.এনগী শান্তি থম্নবা থৌরাংগী মখাদা, সেমি অর্বান/উমংগী মফমশিংদা তেরোরিস্তশিং মায়োক্নবা ঙম্নবা পুন্না থবক তৌমিন্নবা ঙম্নবা লান্মীশিংগী তৌবা ঙম্বা হেনগৎহনবনি। য়ু.এনগী শান্তি থম্নবা ওপরেসনশিংদা থেংনবা য়াবা খুদোংথিবশিং মায়োক্ননবা লৈবাক অনিগী লান্মীশিং ত্রেনিং পীবা, থৌরাং তৌবা অমসুং তেক্তিকেল দ্রিলশিং মসিগী এক্সরসাইজ অসিনা পাংথোকপা ঙমহনগনি।

এক্সরসাইজ অসিগী কোনশিল্লিবা থবকশিংগী মনুংদা বত্তলিয়নগী থাক্তা কমান্দ পোস্ত এক্সরসাইজ(সি পি এক্স) লৈহনবা অমসুং সব-কনভেন্সনেল ওপরেসনশিংদা কম্পেনি লেভেল ফিল্দ ত্রেনিং এক্সরসাইজ(এফ তি এক্স) য়াওহনবনি। এক্সরসাইজ মনুংদা শরুক য়ারিবশিংনা পুন্না থৌরাং তৌবা, অপুনবা তেক্তিকেল দ্রিলশিং, খুৎলায় শীজিন্নবা, ঐচ.এ.দি.আর অমসুং শাথিবা মফম অমদা রেদ চৎথবগী মতাং য়াওনা তোঙান-তোঙানবা মিসনশিং পাংথোক্কনি।

 “এক্সরসাইজ কাজিন্দ”না ভারত লান্মী অমসুং কজাখস্তান লান্মীগী মরক্তা ঙাক-শেনগী মতেং পীনবা হেনগৎহন্দুনা লৈবাক অনিগী মরক্তা লৈনরিবা মরীশিং মখা তানা ফগৎহনগনি।

*****

(Release ID: 1883679) Visitor Counter : 112