تعلیم کے وزیر مملکت ڈاکٹر سبھاش سرکار نے آج راجیہ سبھا میں ایک تحریری جواب میں بتایا کہ  خواتین طالبات کو اعلیٰ تعلیم اور تحقیق کو جاری رکھنے کو فروغ دینے کے لئے  یونیورسٹی گرانٹس کمیشن (یوجی سی) ملک بھر کی طالبات کے لیے خصوصی پوسٹ گریجویٹ اسکالرشپ فراہم کرتا ہے۔

اسی طرح آل انڈیا کونسل فار ٹیکنیکل ایجوکیشن (اے آئی سی ٹی ای) تکنیکی تعلیم میں داخل ہونے والی لڑکیوں کو 10000 اسکالرشپ (پراگتی) بھی دے رہی ہے۔

آئی آئی ٹیز میں انڈرگریجویٹ پروگراموں میں خواتین کے اندراج کو بہتر بنانے کے لیے، غیر معمولی نشستیں تخلیق کی گئیں، جس نے خواتین کے اندراج کو 2016 میں 8 فیصد سے بڑھا کر 22-2021 میں 20 فیصد کر دیا۔ اسی طرح، این آئی ٹیز میں لڑکیوں کے اندراج میں 22-2021 میں تقریباً 22.1 فیصد اضافہ ہوا ہے۔

ایس ٹی ای ایم  کورسز میں طالبات کے اندراج میں مسلسل بہتری آئی ہے۔ اے آئی ایس ایچ ای  کی رپورٹ کے مطابق، ایس ٹی ای ایم  کورسز میں داخلہ لینے والی طالبات کی تعداد 17-2016 میں 4197186 سے بڑھ کر 21-2020 میں 4387248 ہو گئی ہے۔

********** ***

(ش ح ۔ا ک ق ر)

13834U.No. :

(Release ID: 1883636) Visitor Counter : 107