প্রধান মন্ত্রী, শ্রী নরেন্দ্র মোদীনা নাগপুর অমসুং বিলাস্পুর শম্নহনগদবা ভন্দে ভারত এক্সপ্রেসপু নাগপুর রেলৱে স্তেসনগী প্লেতফোর্ম নম্বর ১দগী ঙসি লম্থাখ্রে। মহাক্না লুপা করোর ১৫০০ হেনবগী নেস্নেল রেলৱে প্রোজেক্তশিং য়াওনা লুপা করোর ৭৫,০০০ হেনবগী তোঙান-তোঙানবা প্রোজেক্ত কয়া ঙসি মহারাস্ত্রদা উরেপ উয়ুং তমখিবগা লোয়ননা লৈবাক মীয়ামদসু খুৎশিন্নখি। 

বন্দে ভারত

ইন্দিয়ন রেলৱেজনা হৌজিক হৌজিক বন্দে ভারত এক্সপ্রেস ত্রেন ৫ চলায়রি। মসিনা ৬শুবা বন্দে ভারত এক্সপ্রেস ওইরগনি অমসুং নাগপুর অমসুং বিলাস্পুরগী মরক্তা লৈরিবা কিমি. ৪১২গী অথাপ্পবু কে.এম.পি.ঐচ. ৭৭.২৫গী এভরেজ স্পীদকা লোয়ননা পুং ৫গা মিনিত ২০দা চেনবা ঙমগনি। মসিনা নাগপুর অমসুং বিলাস্পুরগী মরক্তা রাইপুরদা খামগনি অমসুং নোংমাইজিং নুমিৎ নত্তনা চয়োলদা নুমিৎ ৬নি চেনগনি। মহারাস্ত্রা রাজ্যগী নিংথম্থাগী কোনুং, নাগপুরগা ছতিসগরগী কোনুং রাইপুর অমসুং ছতিসগরগী মরু ওইবা শরহ, বিলাস্পুরবু বন্দে ভারত এক্সপ্রেস ত্রেন অসিনা শম্নহল্লগনি।

রেলগী অতোপ্পা প্রোজেক্তশিং

প্রধান মন্ত্রীনা ঙসি নাগপুরদা পাংথোকপা মীয়ামগী থৌরমদা নাগপুর রেলৱে স্তেসন অমসুং অজনি রেলৱে স্তেসন নৌহৌননা শেমগৎপগী উরেপ উয়ুং তমখ্রে। প্রধান মন্ত্রীনা অজনি (নাগপুর)গী গবর্নমেন্ত মেন্তেনেন্স দীপো অমসুং নাগপুর-ইতারসি থর্দ লাইন প্রোজেক্তকী কোহলি-নার্খের সেক্সনবুসু লৈবাক মীয়ামদা খুৎশিন্নখি। প্রোজেক্তশিং অসি চাউরাকপা লুপা করোর ১১০ অমসুং করোর ৪৫০ মথংশিৎনা চঙনা শেমগৎখিবনি।

নাগপুর রেলৱে স্তেসনবু নৌনা শেমগৎপগী প্রোজেক্ত

নাগপুর রেলৱে স্তেসনবু নৌনা শেমগৎপগী প্রোজেক্ত অসিদা লুপা করোর ৫৮৯.২২ চগনি হায়না পানরি। প্রোজেক্ত অসি থা ৩৬তা লোইশিনগনি। প্রোজেক্ত অসিগী মনুংদা নোংচুপ থংবদা লৈরিবা হেরিতেজ স্তেসন বিলদিংবু হান্নগী মতৌদা নৌনা শেমগৎপগী থবক য়াওরি। নৌনা শেমগৎলবা স্তেসন অসিদা পেসেঞ্জরশিংগী খুদোংচাবা পুম্নমক্কা লোয়নবা মতিক চানা পাক চাউরবা রুফ প্লাজা; এরাইবেল অমসুং দিপার্চরগী তোঙানবা মফম; মেত্রো স্তেসন, সিতী বস অমসুং অতোপ্পা ত্রান্সপোর্তকা মলতিমোদেল ইন্তিগ্রেসনগী লৈহনবগী থৌওং কয়া লৈগনি।

নৌনা শেমগৎলবা স্তেসন বিলদিং অসিদা লিফ ২৮ অমসুং এস্কেলেতর ৩১ লৈগনি। মসিদা মলতিলেবেল পার্কিং ফেসিলিতী, স্মুথ ত্রাফিক ফ্লো; দিব্যাংশিংনা খুদোংচাগদবা মওং-মতৌ; লম্বী তাকপগী ইল্ল্যুমিনেত তৌরবা সাইন, চত্থোক চৎশিন তৌবদা হেন্না নুংঙাইহনবা, পাক চাউরবা মী ঙাইফম অমসুং অতোপ্পা খুদোংচাবশিং, সি.সি.তি.ভি., এক্সেস কন্ত্রোলগী খুদোংচাবা কয়া লৈগনি। নৌনা শেমগৎলবা বিলদিং অসি গ্রীন বিলদিং ওইগনি, মসিদা সোলর ইনর্জী, ৱাতর কঞ্জর্বেসন অমসুং রেনৱাতর হার্বেস্তিংগী খুদোংচাবশিং য়াওগনি।

অজনি রেলৱে স্তেসন নৌনা শেমগৎপগী প্রোজেক্ত

অজনি রেলৱে স্তেসন নৌনা শেমগৎপগী প্রোজেক্ত অসিদা চাউরাক্না লুপা করোর ৩৫৯.৮২ চঙগনি পানরি। প্রোজেক্ত অসি থা ৪০দা লোইশিনগনি। প্রোজেক্ত অসিদা নাকল অনিমক্তা আইকোনিক ওইরবা স্তেসন বিলদিং শাবগী মওং-মতৌ য়াওরি। নৌনা শেমগৎলবা স্তেসন অসিদা পেসেঞ্জরশিংগী খুদোংচাবা পুম্নমক্কা লোয়নবা মতিক চানা পাক চাউরবা রুফ প্লাজা; এরাইবেল অমসুং দিপার্চরগী তোঙানবা মফম; মেত্রো স্তেসন, সিতী বস অমসুং অতোপ্পা ত্রান্সপোর্তকা মলতিমোদেল ইন্তিগ্রেসনগী লৈহনবগী থৌওং কয়া লৈগনি।

নৌনা শেমগৎলবা স্তেসন বিলদিং অসিদা লিফ ২১ অমসুং এস্কেলেতর ১৭ অমসুং ত্রাভেলেতর ৬ লৈগনি। মসিদা মলতিলেবেল পার্কিং ফেসিলিতী, স্মুথ ত্রাফিক ফ্লো; দিব্যাংশিংনা খুদোংচাগদবা মওং-মতৌ; লম্বী তাকপগী ইল্ল্যুমিনেত তৌরবা সাইন, চত্থোক চৎশিন তৌবদা হেন্না নুংঙাইহনবা, পাক চাউরবা মী ঙাইফম অমসুং অতোপ্পা খুদোংচাবশিং, সি.সি.তি.ভি., এক্সেস কন্ত্রোলগী খুদোংচাবা কয়া লৈগনি। নৌনা শেমগৎলবা বিলদিং অসি গ্রীন বিলদিং ওইগনি, মসিদা সোলর ইনর্জী, ৱাতর কঞ্জর্বেসন অমসুং রেনৱাতর হার্বেস্তিংগী খুদোংচাবশিং য়াওগনি।

১২০০০ ঐচ.পি. দবল্যু.এ.জি.-১২ ফ্রৈত লোকোমোতিবশিংগী গবর্নমেন্ত মেন্তেনেন্স দীপো, অজনি

মসিগী অজনিগী গবর্নমেন্ত মেন্তেনেন্স দীপো অসি মধেপুরা ইলেক্ত্রিক লোকো প্রোজেক্তকী শরুক অমনি। মসিদি ইন্দিয়ন রেলৱেজগী ওগস্ত ২০২২দা লোইশিনখিবা পি.পি.পি. প্রোজেক্তশিংগী খ্বাইদগী চাউবা প্রোজেক্তশিংগী মনুংদা অমনি অমসুং দীপো অসিদা চঙখিবা শেনফম অসি চাউরাক্না লুপ করোর ১১০ হায়না পানরি। প্রোজেক্ত অসি রেলৱে মন্ত্রালয় অমসুং এম./এস. এলস্তোমগী জোইন্ত প্রোজেক্ত ওইরিবা মধেপুরা ইলেক্ত্রিক লোকোমোতিব প্রাইভেত লিমিতেদ (এম.ই.এল.পি.এল.)না পায়খৎপনি।

দীপো অসিগী অপুনবা পাক চাউবসি একর ১৭নি অমসুং মসিনা হেভী ফ্রাইত ত্রেন, অখন্ননা কোয়লা, আইরন ওর অমসুং মিনরেল পুনবা ১২০০০ ঐচ.পি. দবল্যু.এ.জি.-১২ ক্লাসকী ফ্রৈত লোকোমোতিব ২৫০ শেন্নবা ঙমগনি। মসিনা ইন্তর্নেত ওফ থিংস (আই.ও.তি.) শিজিন্নদুনা লোকোমোতিবশিংগী হেল্থ মোনিতর তৌবা ঙমগনি। দীপো অসি “মেক ইন ইন্দিয়া”গী মায় পাকপা মোদেল অমা ওইবা অমদি ইন্দিয়ন রেলৱেজগী খ্বাইদগী চাউবা এফ.দি.আই. ইনভেস্তমেন্তকী শরুক ওইবসিনা মসিগী তোপ-তোপ্পা মগুন্নি।

দীপো অসিদা ৱাতর রিসাইক্লিং ফেসিলিতীগা লোয়নবা ওতোমেতেদ লোকো ৱাশিং প্লান্ত, অন্দর ফ্লোর পি হ্বিল লেথ মছিন, হ্বিল প্রেস মছিন, রুফ এক্সেস প্লেতফোর্ম, হোরাইজোন্তেল প্রেস, ভর্তিকেল তররেত লেথ, ইনক্লোজ পেন্ত বুথ, মোদর্ন স্তোরেজ সীস্তেম, ইলেক্ত্রিক সিজর লিফ, ফোর্ক লিফ, গিয়র কেস অমসুং মোতোর মাউন্তিং স্তেসনগুম্বা মোদর্ন ইক্বিপমেন্ত ফেসিলিতীশিং লৈগনি।

দীপো অসিদা রেনৱাতর হার্বেস্তিং, এফ্লুএন্ত ত্রিতমেন্ত প্লান অমসুং সিৱরেজ ত্রিতমেন্ত প্লান শিজিন্নদুনা জিরো দিসচার্জ তৌবা, ১০০% এল.ই.দি. লাইত, দেলাইত সোলর পেনেল, ওক্যুপেন্সী সেন্সর, গ্রীনরীগুম্বা ফেসিলিতী লৈগনি অমসুং এম.দবল্যু. ১ পীবা ঙম্বা রুফতোপ সোলর পাৱর প্লান্ত লৈহনবগী ফেসিলিতী য়াওরি।

নাগপুর-ইতারসি থর্দ লাইন প্রোজেক্তকী কোহলি-নার্খের সেক্সন

নাগপুর-ইতারসি থর্দ লাইন প্রোজেক্তকী কিমি. ৪৯.৭৪গী কোহলি-নার্খের সেক্সন অসিদা লুপা করোর ৪৫৩ চঙগনি। সেক্সন অসি ফেজ অহুম থোক্না, মিং ওইনা পল্লবদা, কতোল-কোহলি (কিমি. ২৪.৬৩) – ১৫/৩/২০২২দা; নার্খের-কালম্বা (কিমি. ১৫.০৬) – ২৪/৬/২০২২দা; অসুং কালম্বা-কতোল (কিমি. ১০.০৫) – ১২/১১/২০২২দা শিজিন্নবা হৌখিবনি। গোলদন দাইগোনেল রুতকী নাগপুর-ইতার্সী সেক্সন্না পেসেঞ্জর অমসুং ফ্রৈত য়াম্না পুই। থর্দ লাইন প্রোজেক্ত অসিনা হান্নগী মতিক হেনগৎহনগনি অমসুং ত্রাফিক চিনবা নাগপুর-ইতার্সী সেক্সনবু কোমহনগনি। মসিনা অতোপ্পা অহেনবা পেসেঞ্জর অমসুং ফ্রৈত ত্রেন চেলহনবসু ঙমগনি।

ইকায় খুম্ননীংঙাই ওইরবা প্রধান মন্ত্রী, শ্রী নরেন্দ্র মোদীগী মফমদা ঙসি দিগনিতরীশিংনা দাইজতা পেন্তিং অমা খুদোল তমখি। পেন্তিং অসি রেলৱেগী রিতাইয়র তৌরবা ইমপ্লোয়ী, শ্রী বিজয় বিস্বালনা য়েকপনি। পেন্তিং অসি ৬শুবা বন্দে ভারত এক্সপ্রেস লম্থাখিবা নাগপুরগী মফম, হায়বদি প্লেতফোর্ম নম্বর ১দগী য়েংবা মিৎয়েংনি। মসিদা প্লেতফোর্ম অসিদা কোম্লা পুদুনা চৎপী নুপী অমা উৎলি।

******