মহৌশানা, মশক-মমিং ফোঙদোক্তনা প্লেতফোর্মশিং শীজিন্নবা অসি শীজিন্নরিবা মীওই অদুগী লনাইগী ওইবা ৱাফমশিং ঙাক-শেন্দুনা থম্বনি হায়না লৌনরি। অদুবু, মরম চানা থবক তৌনবা, ইনফোর্মেসন তেক্নোলোজি(ইন্তরমেদিয়ারি গাইদলাইন্স এন্দ দিজিতেল মেদিয়া ইথিক্স কোদ) রুলস, ২০২১(আই.তি রুলস)না সোসিএল মেদিয়া ইন্তরমেদিয়ারিশিং য়াওনা ইন্তরমেদিয়ারিশিংনা ঙাক্না চৎকদবা নিয়মশিং পীরে অমসুং অসিগুম্বা আইন ঙাক্না চৎতবশিং, মখোয়না শেন্নরিবা থার্দ-পার্তি ইনফোর্মেসন নত্ত্রগা দেতা নত্ত্রগা কম্মুনিকেসন লিঙ্ক, লোগী মখাদা মখোয়না ফংফম থোকপা চৈরাক কোমথোকপা লৈরোই।

ইন্তরনেত শীজিন্নরিবশিংনা মনিং তম্বা, অশোই-অঙাম লৈতবা অমসুং থাজবা অমসুং মরম চানা থবক তৌবা ইন্তরনেত ফংহন্নবা সরকারগী থৌশিলশিংনা পান্দম থম্লি। ইন্তরনেত পাকথোক-চাউথোরকপা অমসুং ভারতমচা কয়া ওনলাইন্দা লৈরকপগা লোয়ন্না, সাইবরস্পেস নিংথিনা শীজিন্নদবদগী ইন্তরনেত শীজিন্নবা মীওই কয়া খুদোংথিবা মায়োক্নবা হেনগৎলক্লি।

মনিং তম্বা, অশোই-অঙাম লৈতবা অমসুং থাজবা অমসুং মরম চানা থবক তৌবা ইন্তরনেত ফংহন্নবা সরকারগী পান্দম অদু ফংহনবদা মতেং পাংনবা, কেন্দ্র সরকারনা ইনফোর্মেসন তেক্নোলোজি এক্ত, ২০০০(আই তি এক্ত)কী মখাদা ইনফোর্মেসন তেক্নোলোজি(ইন্তরমেদিয়ারি গাইদলাইন্স এন্দ দিজিতেল মেদিয়া ইথিক্স কোদ) রুলস, ২০২১ শেম্লে।

সোসিএল মেদিয়া একাউন্তশিং ভেরিফিকেসন পাংথোকপা অমসুং মখোয়না শেন লৌরিবা পীরিবা খুদোংচাবশিং শীজিন্নবগী তার্মশিংগা মরী লৈনবা ৱাফমগী মতাংদা, আই.তি রুলকী মখাদা সোসিএল মেদিয়া ইন্তরমেদিয়ারি অমনা অরানবা তৌদনা আইনগী মখাদা কোনশিনবা দরকার ওইরে, মনুং-মপান নাইদনা থবক তৌনবা, সোসিএল মেদিয়াগী ৱেবসাইদ অমসুং মোবাইল এপ্পতা ইংলিস নত্ত্রগা সংবিধানগী আইত সেদুলদা য়াওবা লোন অমদা হেক্ত, সোসিএল মেদিয়া শীজিন্নরিবা মীওই অমগী অপাম্বা লোন্দা য়ুজর এগ্রিমেন্ত ময়েক শেংনা ফোঙদোক্লি। ভারত্তা রেজিস্তার তৌবা য়ুজর লাখ ৫০ হেন্না লৈবা সোসিএল মেদিয়া ইন্তরমেদিয়ারি অমগী ওইনা, সোসিএল মেদিয়া শীজিন্নরিবা মীওই অদুনা মশানা মখোয়গী একাউন্তশিং ভেরিফাই তৌগদবনি অমসুং অসিগুম্বা একাউন্তশিং অদু ভেরিফিকেসন পাংথোকখ্রে হায়বা খঙনবা ইরাই লাইনা উবা ফংবা মার্কশিং থমগদবনি।

শাশিন্নবা একাউন্তশিংনা থোকহনবা খুদোংথিবশিং মায়োক্ননবা পায়খৎলকপা থবকশিংগী মতাংদা, কম্মুনিকেসনগী দিভাইস অমা নত্ত্রগা কম্পুতর শীজিন্নদুনা মীওই অমগী মশক শাশিন্নদুনা নমথাক তৌবা মীওইশিং আই.তি এক্তক সেক্সন ৬৬দিগী মখাদা চহি অহুম জেলদা থম্বা অমসুং লুপা লাখ ১ ফাওবা ফাইন লৌবগী চৈরাক পীবা য়াই। ওফেন্স অদু কোকনিজেবল ওফেন্স ওইবা মরম্না, রাজ্যগী পুলিস দিপার্তমেন্তনা মাঙজৌন্না ঙাকথোক্নবা থবক লৌখৎকদবনি অমসুং লোগী মতুংইন্না চৈরাক পীগদবনি।

শাশিন্নবা একাউন্তশিংনা থোকহনবা খুদোংচাদবশিং থেংনদুনা মনিং তম্বা, অশোই-অঙাম লৈতবা অমসুং থাজবা অমসুং মরম চানা থবক তৌবা ইন্তরনেত ফংহন্নবা সরকারগী পান্দম অদু ফংহনবদা মতেং পাংনবা, আই.তি রুলশিংগী মখাদা ইন্তরমেদিয়ারি অমনা ঙাক্না চৎকদবা নিয়মশিং মখাদা পীরি:

(১) সোসিএল মেদিয়া শীজিন্নরিবশিংনা অরানবা পাউশিং নত্ত্রগা অরানবা নত্ত্রগা লান্না লমজিংগদবা পাউ নত্ত্রগা অতোপ্পা মীওই অমা শারগা খঙনা অমসুং থওইনা হোস্ত ওইদনবা, উৎতনবা, অপলোদ তৌদনবা, শেমদোক্তনবা, ত্রান্সমিৎ তৌনদনবা, থমজিন্দনবা, অনৌনা থাগৎতনবা, অতোপ্পশিংদা পীদনবা মরম চাবা থবকশিং পায়খৎপা;

(২) সরকারগী মরী লৈনবা এজেন্সিদগী নোতিস ফংলবা নত্ত্রগা কোর্তকী ওর্দর নত্ত্রগা গ্রিভান্স অমা ফংবা মতমদা, মিংচৎ থিবা য়াবা লোগী মখাদা অথিংবা থম্লিবা লোনা য়াদবা ই-পাউ, মীয়ামগী ময়োক্তা লৈবা, লৈবাকমচা তাদবা নত্ত্রগা ইরাং থোকহনবা য়াবা ই-পাউ থাগৎতনবা, থমজিন্দনবা নত্ত্রগা ফোঙদনবা মথক্তা পনখিবা নিয়মশিং অদু ঙাক্তবা মতমদা;

(৩) মাঙজৌন্না ঙাকথোক্নবা, মশক খঙদোক্নবা, থিজিন্নবা নত্ত্রগা লোগী মখাদা ৱায়েল চৎথনবা মতেং পাংনবা নত্ত্রগা ই-পাউ পীরক্নবা লোগী মখাদা লৈবা সরকারগী এজেন্সি অমদগী ওর্দর অমা ফংবা অমদা, পীফম থোকপশিং পীবা; অমসুং

(৪) পাউ পীরকপগা পুং ৭২গী মনুংদা রুলশিং থুগাইবগী ৱাকৎশিং ৱারোইশিন পুরক্নবা অমসুং খুদোংচাবশিং কোকহন্নবা মেছিন্নরি অমা থম্বা।

ঙসি রাজ্য সভাদা হংলকপা ৱাহং অমগী পাউখুম অইবা ওইনা পীবদা ৱাফম অসি ইলেকত্রোনিক্স অমসুং ইনফোর্মেসন তেক্নোলোজিগী রাজ্য মন্ত্রী শ্রী রজিব চন্দ্রসেখরনা ফোঙদোকখিবনি।

***