’زمین‘ اور ’کالونائزیشن‘ ریاستی موضوعات ہیں۔ مختلف شہروں اور یہاں تک کہ چھوٹے قصبوں میں رہنے والی جھونپڑپٹیوں سمیت شہری غریبوں کے لیے رہائش سے متعلق اسکیمیں ریاستوں/ مرکز کے زیر انتظام علاقوں (یو ٹی) کے ذریعے نافذ کی جاتی ہیں۔ تاہم، ہاؤسنگ اور شہری امور کی وزارت (ایم او ایچ یو اے)، ’سب کے لیے مکان‘ کے وژن کے تحت، 25.06.2015 سے پردھان منتری آواس یوجنا - شہری (پی ایم اے وائی – یو) کے تحت کچی آبادیوں سمیت تمام اہل مستحقین کے لیے مکانات کی تعمیر کے لیے مرکزی مدد فراہم کر کے ریاستوں/مرکز کے زیر انتظام علاقوں کی کوششوں کو تقویت دے رہی ہے۔  اس اسکیم کو چار عمودی شکلوں یعنی بینیفشری لیڈ کنسٹرکشن (بی ایل سی)، پارٹنرشپ میں سستی رہائش (اے ایچ پی)، اِن- سیٹو سلم ری ڈیولپمنٹ (آئی ایس ایس آر) اور کریڈٹ لنکڈ سبسڈی اسکیم (سی ایل ایس ایس) کے ذریعے نافذ کیا گیا ہے۔ 28.11.2022 تک، 2.03 لاکھ کروڑ روپے کی مرکزی امداد کے ساتھ شہری علاقوں کی جھونپڑپٹیوں سمیت اہل گھرانوں کے لیے 1.20 کروڑ مکانات کی منظوری دی گئی ہے۔

اس میں سے 64 لاکھ سے زیادہ مکانات کی تکمیل کرکے استفادہ کنندگان کے حوالے کردیے گئے ہیں اور باقی تعمیرات/گراؤنڈنگ کے مختلف مراحل میں ہیں۔ 1.20 کروڑ میں سے، پی ایم اے وائی – یو کے بی ایل سی / اے ایچ پی / آئی ایس ایس آر ورٹیکل کے تحت 17.77 لاکھ مکانات ان جھونپڑپٹیوں  کے لیے منظور کیے گئے ہیں جو مختلف شہروں اور یہاں تک کہ چھوٹے قصبوں میں آباد ہیں جن میں 24,895 کروڑ روپے کی مرکزی امداد شامل ہے۔

یہ معلومات ہاؤسنگ اور شہری امور کے وزیر مملکت جناب کوشل کشور نے آج لوک سبھا میں ایک سوال کے تحریری جواب میں دی۔

 

******

شح۔ مم۔ م ر

U-NO. 13490

 

(Release ID: 1881916) Visitor Counter : 67