భారత ప్రభుత్వ ఉచిత టెలిమెడిసిన్‌ సేవ అయిన ఇ-సంజీవని 8 కోట్ల టెలికన్సల్టేషన్‌లను పూర్తి చేయడం ద్వారా మరో అద్భుతమైన మైలురాయిని అధిగమించింది. చివరి  కోటి సంప్రదింపులు సుమారు 5 వారాల వ్యవధిలో నమోదు చేయబడ్డాయి. ప్రజలు టెలిమెడిసిన్‌ను విస్తృతంగా స్వీకరించడాన్ని ఈ సంఖ్య సూచిస్తుంది. కేంద్ర ఆరోగ్య మరియు కుటుంబ సంక్షేమ మంత్రిత్వ శాఖకు చెందిన  ఇ-సంజీవని అనేది డిజిటల్ ప్లాట్‌ఫారమ్ ద్వారా సాంప్రదాయిక శారీరక సంప్రదింపులకు ప్రత్యామ్నాయాన్ని అందించడానికి కృషి చేసే జాతీయ టెలిమెడిసిన్ సేవ.

3 సంవత్సరాల కాలవ్యవధిలోనే ఈ కార్యక్రమం ప్రపంచంలోనే అతిపెద్ద ప్రభుత్వ యాజమాన్యంలోని టెలిమెడిసిన్ ప్లాట్‌ఫారమ్‌గా గుర్తింపు పొందింది. ఇది అన్ని రాష్ట్రాలు మరియు కేంద్రపాలిత ప్రాంతాల్లోని రోగులకు రెండువరుసల్లో సేవలందించడానికి రూపొందించబడింది.  దేశంలోని అత్యంత మారుమూల ప్రాంతాలలో కూడా ఇది తన ఉనికిని విజయవంతంగా చాటుతోంది.

ఏబి-హెచ్‌డబ్ల్యూసి సహాయంతో టెలికన్సల్టేషన్‌లను అందించడం ద్వారా ఇ-సంజీవని గ్రామీణ-పట్టణ డిజిటల్ ఆరోగ్య అంతరాలను  తగ్గించడానికి ప్రయత్నిస్తుంది.అలాగే ఆయుష్మాన్ భారత్ స్కీమ్  లబ్ధిదారులు వారు అర్హులైన ప్రయోజనాలను పొందగలరని నిర్ధారిస్తుంది. ఈ వర్టికల్ హబ్-అండ్-స్పోక్ మోడల్‌లో పనిచేస్తుంది. ఇందులో 'ఆయుష్మాన్ భారత్-హెల్త్ అండ్ వెల్‌నెస్ సెంటర్‌లు' (హెచ్‌డబ్ల్యూసిలు) రాష్ట్ర స్థాయిలో ఏర్పాటు చేయబడ్డాయి. ఇవి జోనల్ స్థాయిలో హబ్‌తో  (ఎంబిబిఎస్‌/ స్పెషాలిటీ/సూపర్ స్పెషాలిటీ వైద్యులు)  మ్యాప్ చేయబడతాయి. గ్రామీణ ప్రాంతాల్లో నివసించే రోగికి నాణ్యమైన ఆరోగ్య సేవలను అందించాలనే లక్ష్యంతో ఈ మోడల్ 1,09,748 ఆయుష్మాన్ భారత్ హెల్త్ అండ్ వెల్నెస్ సెంటర్లు (ఎబి-హెచ్‌డబ్ల్యూసిలు) మరియు 14,188 హబ్‌లలో విజయవంతంగా అమలు చేయబడింది. ఇవి మొత్తం 7,11,58,968 టెలికన్సల్టేషన్లు సాధించింది.

ఇ-సంజీవనిఓపిడి అనేది గ్రామీణ మరియు పట్టణ పౌరులకు ఒకే విధంగా అందించే తరువాతి నిలువువరుస సేవ. ఇది స్మార్ట్‌ఫోన్‌లు, టాబ్లెట్‌లు, ల్యాప్‌టాప్‌ల ద్వారా సాంకేతికతను ప్రభావితం చేస్తుంది. ఇది స్థానంతో సంబంధం లేకుండా రోగి నివాసం నుండి డాక్టర్ సంప్రదింపులను యాక్సెస్ చేయడానికి వీలు కల్పిస్తుంది. ఇసంజీవనిఓపిడి 2,22,026 మంది నిపుణులు, వైద్యులు మరియు ఆరోగ్య కార్యకర్తలతో 1,144 ఆన్‌లైన్ ఓపిడిలను సాధించింది. వారు శిక్షణ పొందిన మరియు ఆన్‌బోర్డ్‌లో ఉన్నారు. ఈ ప్లాట్‌ఫారమ్ ఒక రోజులో 4.34 లక్షల మంది రోగులకు సేవలందించిన రికార్డును కలిగి ఉంది. సెంటర్ ఫర్ డెవలప్‌మెంట్ ఆఫ్ అడ్వాన్స్‌డ్ కంప్యూటింగ్ (సి-డాక్) మొహాలి, వినియోగదారులకు సంపూర్ణ సాంకేతిక శిక్షణ మరియు మద్దతును అందిస్తోంది. రోజుకు 1 మిలియన్ మంది రోగులకు సేవలందించేలా ఈ వర్టికల్ ఫ్యాకల్టీలను పెంచుతోంది.

ఇ-సంజీవని అనేది ఆయుష్మాన్ భారత్ డిజిటల్ హెల్త్ మిషన్ (ఏబిడిఎం)లో ఓ భాగం. ఇ-సంజీవని అప్లికేషన్ ద్వారా 45,000 కంటే ఎక్కువ ఏబిహెచ్‌ఏ ఐడీలు రూపొందించబడ్డాయి.

ఈ ప్లాట్‌ఫారమ్‌ను ఉపయోగించడంలో మొదటి పది రాష్ట్రాలు: ఆంధ్రప్రదేశ్ (28242880), పశ్చిమ బెంగాల్ (10005725), కర్ణాటక (9446699), తమిళనాడు (8723333), మహారాష్ట్ర (4070430), ఉత్తరప్రదేశ్ (3763092), మధ్యప్రదేశ్ (3283607), బీహార్ (2624482), తెలంగాణ (2452529), గుజరాత్ (1673888).

 

***