ভারত লৈঙাক্কী কলচর, তুরিজম অমসুং দিভেলপমেন্ত ওফ নোর্থ ইস্তর্ন রিজন (দোনর)গী মন্ত্রী শ্রী জি. কিসন রেদ্দীনা জি-২০ মীফমগী মাঙওইননা মন্ত্রালয় অহুম্মক্কী ওইবা য়েংশিন মীফম অমা দোনর, তুরিজম, কলচরগী মকোক থোংবা ওফিসরশিং অমদি অৱাং নোংপোক স্তেত ৮গী চীফ সেক্রেতরীশিং অমদি মকোক থোংবা ওফিসরশিংগা লোয়ননা পাঙথোকখ্রে‍। জনুৱারী ২৩দগী হৌরগা অৱাং নোংপোক লমদমদা জি-২০গী মখাদা তোঙান তোঙানবা থীমশিংদা পুন্না মীফম ১১ (স্তেত খুদিংদা অমমম অদুগা গুৱাহাতীদা মরি) পাঙথোক্কদৌরি‍। খন্ন-নৈনবা অদুনা অৱাং নোংপোক লমদমদা পাঙথোক্কদৌরিবা থৌরমশিং অসিবু মতিং লৈবা ওইহন্নবগী মরুওইবা ৱাফমশিংদা মীৎয়েঙ থমখি‍। থৌরমশিং অসি পাঙথোক্নবগীদমক মন্ত্রীনা কেন্দ্র অমদি স্তেত অনিমক্তা মপুং ফানা শেম শাদুনা লৈবা পাম্বগী ৱাফম ফোঙদোকখি‍। অৱাং নোংপোক্কী মহৌশাগী ফজরবা কয়া অসিবু মালেমগী মফমদা উত্থোকপা মহাক্না পামখি‍।

ঙসি, দিসেম্বর ১, ২০২২ অসিদা, ঐখোয়গী লৈবাকসিনা অরিবা নাৎ অমদি অমত্তা ওইবগী ৱাখল্লোন অমদি ‘বসুদৈব কুতুম্বকম’গী পাউজেলগা লোয়ননা জি২০ প্রেসিদেন্সীগী থৌদাং ফোর্মেল ওইনা লৌরে‍। জি-২০না অমত্তা ওইবগী মীৎয়েঙবু য়োকখৎলি‍। মরম অসিনা ‘মালেম অমা, ইমুং অমা, তুংলমচৎ অমা’ হায়রিবা থীম অসি লৌখৎলিবনি‍।

জি২০ হেদ্স ওফ স্তেত এন্দ গভর্নমেন্ত সম্মিৎ জম্মু অমসুং কাস্মিরদা সেপ্তেম্বর ৯-১০, ২০২৩দা পাঙথোক্কনি‍। জি২০গী মখাদা মীফম ২০০রোম পাঙথোক্কনি অমদি মখোয়শিং অসি ভারতকী অঙকপা খেন্নবগী মশক, অপুনবা চৎনবী অমদি নাৎকী ইনাক খুনববু মালেম পুম্বদগী ঐখোয়গী মীথুংশিংগী মফমদা নীংথিনা উহন্নবগীদমক লৈবাকসিগী তোঙান তোঙানবা ময়োল্লমশিংদা পাঙথোক্নবা থৌরাং তৌরি‍।

*******