திரைப்பட ஆர்வலர்களின்  இதயங்களில் நீடித்த பதிவை உருவாக்கிய நம் காலத்தின் புகழ்பெற்ற ஒளிப்பதிவாளர்களான ஆர். ரத்னவேலு, மனோஜ் பரமஹன்சா மற்றும் சுப்ரதிம் போல் ஆகியோர் 53வது இந்திய திரைப்பட விழாவில்  'ஒளிப்பதிவில்  நுணுக்கங்கள்' என்ற தலைப்பில் நடந்த உரையாடல் அமர்வில் கலந்து கொண்டனர்.

ஒரு ஒளிப்பதிவாளராக இருப்பதற்கு என்ன தேவை என்பதைப் பற்றிய தங்கள் கருத்துக்களைப் பகிர்ந்து கொண்ட மூவரும், கடின உழைப்பு, காலத்திற்கு ஏற்ப தன்னைப் புதுப்பித்துக்கொள்வது  ஆகியவை இந்தத் துறையில் இவ்வளவு முக்கியம் என்பதை எடுத்துரைத்தனர்.

இயக்குனர் கற்பனை செய்தபடி ஒளிப்பதிவாளர்கள் கதையை காட்சிப்படுத்துவதாக ஒளிப்பதிவாளர் ரத்னவேலு தெரிவித்தார். "நாங்கள் தொழில்நுட்ப வல்லுநர்கள் அல்ல, ஆனால் திரைப்பட மேஜிக்கை உருவாக்க எங்கள் திறமைகளைப் பயன்படுத்தும் படைப்பாளிகள். பெரும் அழுத்தத்தின் கீழ் செயல்படும் முக்கிய வீரர்களாக, எங்களது பங்களிப்பு அதிகமாக உள்ளது. நாங்கள் திரையுலகின் பிரபலமற்ற ஹீரோக்கள், நாங்கள்  முதலில் செட்டுக்கு வந்து கடைசியாக வெளியேறுபவர்கள். என்று அவர் கூறினார்.

வாரணம் ஆயிரம், எந்திரன் (ரோபோ) போன்ற திரைப்படங்களில்  கேமரா மூலம் மேஜிக் செய்து  பெயர் பெற்ற ரத்னவேலு  தனது நுட்பங்களை விவரித்தார். ஒளிப்பதிவு கலை மற்றும் அறிவியலின் கலவையாகும், கலை மட்டுமல்ல. ஒருவர் தக்கவைக்க விரும்பினால், அவர்கள் தொழில்நுட்பத்தை அதிகம் தழுவ வேண்டும். இதுவரை தனது பயணத்தை விவரித்த ரத்னவேலு, சினிமா அல்லாத பின்னணியில் இருந்து வந்தும் வெற்றி பெற்றதாக கூறினார். “25 ஆண்டுகளுக்குப் பிறகும் நான் வலுவாக இருக்கிறேன். உங்களுக்கு பின்னணி தேவையில்லை, உங்கள் அர்ப்பணிப்பு மற்றும் நேர்மையை நீங்கள் செலுத்தினால், நீங்கள் விரும்பும் வழியில் நீங்கள் வளரலாம். நான் தொடர்ந்து என்னை மேம்படுத்திக் கொண்டே இருக்கிறேன்”, என்று அவர் கூறினார்.

2008 இல் ரஜினிகாந்த் நடித்த ரோபோ திரைப்படத்தின் தயாரிப்பின் போது டிஜிட்டலுக்கு மாறிய காலத்தை நினைவு கூர்ந்த அவர், ரோபோ விஎப்எக்ஸ்- இன் திறனை அதிகபட்சமாக பயன்படுத்தியதாக கூறினார். “சவால் பெரியதாக இருந்தாலும். நான் அதை செய்ய முடிவு செய்து தொழில்நுட்பத்தை ஆழமாக ஆராய ஆரம்பித்தேன். இந்த போட்டியில் நிலைத்து இருக்க நாம் தொடர்ந்து நம்மை மேம்படுத்த வேண்டும், ”என்று அவர் மேலும் கூறினார்.

தமிழ், தெலுங்கு மற்றும் மலையாளத் திரைப்படத் துறைகளில் பணியாற்றிய மனோஜ் பரமஹன்சா கூறுகையில், ஒரு திரைப்பட இயக்குநராக  வேண்டும் என்பது ஒரு முடிவற்ற கனவு, அதற்கு தொடர்ந்து புதுப்பித்தல் தேவைப்படுகிறது. "நாங்கள் உலகின் சிறந்த கதைசொல்லிகள், ஆனால் தொழில்நுட்ப ரீதியாக நாம் மேம்படுத்த வேண்டும்." கடின உழைப்பே வெற்றிக்கு முக்கியமாகும் என்பதை வலியுறுத்திய புகழ்பெற்ற ஒளிப்பதிவாளர், மக்கள் தொழில்நுட்பத்துடன் தங்களைக் கற்றுக்கொள்ள முடியும் என்று கூறினார்.

இயக்குநர்களின் தொலைநோக்குப் பார்வையை நிறைவேற்ற அவர்கள் எடுக்கும் வலியைப் பற்றிய ஒரு கதையை விவரிக்கும் அவர், ஒருமுறை 200 கிலோமீட்டர் தூரம் உறைபனியுடன் லடாக்-சீனா எல்லையில் பயணிக்க வேண்டியிருந்தது, இயற்கையான வசந்தத்தை நாம் காணக்கூடிய ஒரே இடம்.

அபராஜிதோ மற்றும் அவிஜாத்ரிக் படங்களுக்கு ஒளிப்பதிவாளராக அறியப்பட்ட சுப்ரதிம் போலுக்கு, துல்லியமான ஷாட்டைப் பெற சில ஆசிகள் தேவை. "நாங்கள் அடிக்கடி தயாராக இருந்தாலும், படம் பார்க்கும்போது, அந்த கண்ணுக்கு தெரியாத ஆசீர்வாதம் இல்லாததால் அது இதயத்துடன் இணைவதில்லை."என்று அவர் கூறினார்.

இந்த அமர்வை திரைப்பட பத்திரிக்கையாளர், விமர்சகர் மற்றும் பத்மஸ்ரீ விருது பெற்ற பாவானா சோமயா நெறிப்படுத்தினார்.

**************

SRI / PKV / DL