ইনফোর্মেসন অমসুং ব্রোদকাস্তিং মন্ত্রালয়
আই.এফ.এফ.আই.না ‘অনএক্সপ্লোর্দ মনিপুর’বু এক্সপ্লোর তৌনবা মফম পীরি
মনিপুর স্তেত ফিল্ম দিভেলপমেন্ত সোসাইতীনা মনিপুরগী ফিল্ম-মেকিংগী লমথুংফম ওইবগী মতিং উৎলি
#IFFIWood, ২৪ নবেম্বর ২০২২
‘মনিপুর অনএক্সপ্লোর্দ’, ৫৩শুবা আই.এফ.এফ.আই.দা মনিপুর লৈঙাক্কী স্তেত পেবিলিয়ন্না স্তেত অসিদা ফিল্ম নম্নবগীদমক ফিল্ম-মেকরশিং, এক্তরশিং, দাইরেক্তরশিং অমদি প্রদ্যুসরশিংগী পুক্নিং চিংশিল্লি। ফিল্মমেকর কয়ানা স্তেত পেবিলিয়ন অসিদা পুক্নিং হুরবা মফম কয়া লৈরিবা স্তেত অসিনা মখোয়দা পীগদবা ফেসিলিতীশিংগী মরমদা ৱাহং কয়াগী পাউখুমগীদমক চঙলি।
চহি অসিগী আই.এফ.এফ.আই. অসিনা মনিপুরী সিনেমাগী সনা ফুদোংবা চহিগী থৌরমসু পাঙথোক্লি। এপ্রিল ৯, ১৯৭২দা অহানবা মনিপুরী ফীচর ফিল্ম, মতমগী মনিপুর ফোঙখি। ফিল্ম অদু দেবকুমার বোসনা লমজিং লমতাকপনি। মনিপুরী সিনেমাগী দিকেদ মঙাগী খোঙচৎ অসি, মচাক মথুম ৱাৎপা, মথৌ তাবা তেক্নোলোজীগী লমদা শেল থাদবিনবা লৈতবা অমদি ওদিএন্সশিংদা মতিং লৈনা য়ৌশিন্নবা আউতরীচ মেকানিজম লৈতবা কয়ানা থল্লবসু, অঙকপা অমদি থৌনা লিংজেলতনা থনবা ওইদুনা লাক্লি।
আই.এফ.এফ.আই.দা অহানবা ওইনা, স্তেতশিংগী ফিল্ম ইন্দস্ত্রীবু য়োকখৎনবগীদমক, তোঙান তোঙানবা স্তেত লৈঙাকশিংনা ফিল্ম বাজারদা মখোয়গী পেবিলিয়নশিং হাংদোক্লি। বিহার, মনিপুর, পঞ্জাব, উত্তর প্রদেশ, উত্তরাখন্দ, মহারাস্ত্র, তামিল নাদু, ঝার্খন্দ, মধ্য প্রদেশ, গুজরাত, ছত্তিসগর, দিল্লী অমদু পুদুচেরীনচিংবা স্তেতশিংনা মখোয় মখোয়গী পেবিলিয়নশিং হাংদোক্লি।
মনিপুর পেবিলিয়নগী থীমদি ‘মনিপুর অনএক্সপ্লোর্দ’ হায়বসিনি, মসি মরুওইনা মনিপুর স্তেত ফিল্ম দিভেলপমেন্ত সোসাইতীনা শিন-লাঙবনি। মসিনা মচিন তুমখৎলক্লিবা ফিল্মমেকরশিংবু ‘লেন্দ ওফ জুৱল’, মনিপুরগী পুৱারীগী, আর্কিওলোজিগী, নাৎগী অমদি মহৌশাগী ওইবা হেরিতেজশিংবু এক্সপ্লোর তৌনবা কৌরি। মসিগী পান্দমদি ফিল্ম-মেকরশিংগী পুক্নিং চিংশিন্দুনা স্তেত অসিবু মখোয়না পাম্নবা ফিল্ম-মেকিংগী লমথুংফম অমা ওইনা শেমগৎপনি।
পেবিলিয়ন অসিদা লোক্তাক পাৎ অমদি মালেমগী অমত্তা ঙায়রবা অতাউবা নেস্নেল পার্ক ওইরিবা কৈবুল লমজাও নেস্নেল পার্কনচিংবা মহৌশাগী ফজবশিংবু উৎলি। পেবিলিয়ন অসিনা মালেমগী অমত্তা ঙায়রবা নুপীখক্তনা চলাইবা ইমা কৈথেলনচিংবা নাৎকী অঙকপশিংবুসু উৎলি।
মনিপুর স্তেত ফিল্ম দিভেলপমেন্ত সোসাইতীগী সেক্রেতরী সঞ্জু বাচস্পতিময়ুম্না মনিপুরগী নাৎতা ৱারী লীবগী ইনাক খুল্লবা চৎনবী লৈ হায়বা ৱাফম থমখি। মহাক্না চহিচা কয়া লিরবা ঈশৈ শক্তুনা ৱারী লীবগী চৎনবী অমা ওইরিবা ‘খোঙজোম পর্ব’বু খুদম ওইনা পীখি।
২০২০দা, মনিপুর লৈঙাক্না স্তেত ফিল্ম-মেকিং পোলিসী চৎনহনখ্রে। পোলিসী অসিনা, অতৈ হীরম কয়াগা লোয়ননা লমদমসিগী মীয়ামগী অমদি স্তেকহোল্দরশিংগী পুক্নিং ফিল্ম পুথোকপগী লমদা চিংশিন্নবা পান্দম থম্লি।
* * *
(Release ID: 1878708)
Visitor Counter : 156