হোম এফেয়ার্স মিনিস্ত্রিগী ইন্তিলিজেন্স বিউরো অমসুং ত্রিপুরা পুলিসনা পুন্না শীন্দুনা নবেম্বর ২২-২৩,২০২২দা অৱাং-নোংপোক্কী দি.জি.পিশিং অমসুং সি.পি.ওশিংগী লুচিংবশিংগী ২৭শুবা মীফম অগরতালাদা পাংথোকখ্রে। অৱাং-নোংপোক রাজ্যশিংগী দি.জি.পিশিং অমসুং সেন্ত্রেল এজেন্সি ১২গী রিজনেল হেদশিং অমসুং ভারত সরকারগী হোম এফেয়ার্স মিনিস্ত্রিগী ওফিসিএলশিং মীফম অদুদা শরুক য়াখি।

মীফম অদু ত্রিপুরাগী চীফ মিনিস্তর দোক্তর(প্রোফেসার)মনিক সাহানা হৌদোকখি অমসুং হৌজিক মায়োক্নরিবা সেকুরিতিগী খুদোংচাদবশিং থেংন্নবা অৱাং-নোংপোক রাজ্যশিংগী মরক্তা হেন্না পুন্না থবক তৌমিন্ননবা ৱাফম থমখি। অৱাং-নোংপোক চাউখৎনবা ভারত সরকারনা পায়খৎলিবা থবকশিংগী মতাংদা চীফ মিনিস্তরনা হায়খি চাউখৎপা পুরক্নবগীদমক শান্তি অমসুং সেকুরিতি অসি য়াম্না মরুওই। মীফম লোইশিনবগী থৌরম অদুদা ত্রিপুরাগী রাজ্যপাল শ্রী সত্যদিও নরেন অর্য়ানা প্রসিদেন্দ ওইনা শরুক য়াখি অমসুং লৈবাক্কী য়াইফনবা এজেন্সি খুদিংমক পুন্না থবক তৌমিন্ননবা তকশিনখি।

অকক্নবা মতম অমগী মনুংদা হৌজিক মায়োক্নরিবা খুদোংচাদবশিং কোকহন্নবা পান্দম অমগা লোয়ন্না থবক তৌবগা লোয়ন্না লালহৌবগী ইরাং, পুলিসকী মপাঙ্গল কনখৎহনবা, দ্রগ পুবশিংগী নেতৱার্ক থুগাইবা, ম্যাম্নারদা ওইরিবা ফিবম অসিদা পীরিবা চৈথেং, ঙমখৈগী ৱাফমশিং অমসুং ভারত সরকারগী এক্ত ইস্ত পোলিসিগী দরকার ওইবা সেকুরিতিগী মতাংদা শরুক য়ারিবশিংনা খন্নখি।

রাজ্যশিংগী মতেং পাংনবা হেনগৎহন্নবা অমসুং সেন্ত্রেল এজেন্সিশিংগা থবক তৌমিন্নবা হেনগৎহন্নবা মীফম অদুদা মরুওইনা খন্নখি। হায়রিবা মরুওইবা ৱাফমশিং অসিগী মতাংদা অকক্নবা ৱারেপশিং লৌনবা মীফম অদুদা খন্নখি। শরুক য়ারিবশিংনা মীফম অদুদা লৌখিবা ৱারেপশিং মখোয়গী রাজ্যশিংদা থবক ওইনা পাংথোক্নবা ৱাফম থমখি।

******