روزگار میلہ کے تحت، وزیر اعظم جناب نریندر مودی نے تقریباً 71,000 تقرری نامے کی دوسری قسط ویڈیو کانفرنسنگ کے ذریعے نئے بھرتی ہونے والوں کو جاری کیے۔ بندرگاہوں، جہاز رانی اور آبی گزرگاہوں اور سیاحت کے مرکزی وزیر مملکت جناب شریپد نائک نے گوا میں نئے بھرتی ہونے والوں کو 64 تقرری نامے سونپے۔ آفس آف کمانڈنٹ، سی آئی ایس ایف یونٹ، مورموگاو پورٹ اتھارٹی، گوا نے اس پروگرام کا اہتمام کیا۔ اس موقع پر کمانڈنٹ، سی آئی ایس ایف رنجیت کمار ساہنی، وائس چیئرمین ایم پی اے جناب گرو پرساد رائے موجود تھے۔

مرکزی وزیر نے مرکزی مسلح دستے میں نئے بھرتی ہونے والوں کو 64 تقرری نامے سونپے۔

نئے بھرتی ہونے والوں سے خطاب کرتے ہوئے شریپد نائک نے کہا کہ روزگار میلہ حکومت کے اس عہد کی تکمیل کی طرف ایک قدم ہے جس سے روزگار پیدا کرنے کو سب سے زیادہ ترجیح دی جائے گی۔ توقع ہے کہ روزگار میلہ مزید روزگار پیدا کرنے اور نوجوانوں کو بامعنی مواقع فراہم کرنے کے لیے ایک محرک کے طور پر کام کرے گا۔

اس سے قبل اکتوبر میں روزگار میلہ کے تحت 75 ہزار نئے بھرتی کیے گئے افراد کو تقرری نامے سونپے گئے تھے۔ جناب نائک نے مزید کہا کہ مختلف مرکزی مسلح افواج میں وزارت داخلہ کی طرف سے کافی تعداد میں آسامیاں بھری جا رہی ہیں۔

جناب نائک نے مزید کہا کہ مختلف سرکاری محکموں میں سبھی نئے بھرتی ہونے والوں  کے لیے آن لائن اورینٹیشن کورس جو کہ بھرتی مہم کا حصہ ہے، امیدواروں کو ان کی زندگی میں ترقی کرنے میں مدد کرے گا۔ انہیں igotkarmayogi.gov.in پلیٹ فارم پر دوسرے کورسز کو دریافت کرنے کا موقع بھی ملے گا تاکہ وہ اپنے علم، مہارت اور قابلیت کو بڑھا سکیں۔

*****

ش ح – ق ت – ت ع

U: 12809