وزارتِ تعلیم
جناب دھرمیندر پردھان نے کنفیڈریشن آف انڈین انڈسٹری ( سی آئی آئی ) کی قومی کونسل کی میٹنگ سے خطاب کیا ، صنعت پر زور دیا کہ وہ قومی تعلیمی پالیسی - 2020 کے جذبے کے ساتھ ایک فعال ماحولیاتی نظام تشکیل دیں
Posted On:
21 NOV 2022 4:55PM by PIB Delhi
تعلیم اور ہنرمندی کے فروغ اور انٹرپرینیورشپ کے مرکزی وزیر جناب دھرمیندر پردھان نے آج سی آئی آئی کی قومی کونسل کی میٹنگ سے خطاب کیا اور 21ویں صدی اور اقتصادی ترقی اور سماجی بہبود کو فروغ دینے کی خاطر مستقبل کے لئے تیار افرادی قوت بنانے کے لئے صنعت، اکیڈمی اور پالیسی سازوں کو مل کر کام کرنے کی ضرورت پر زور دیا ۔
این ای پی - 2020 کے بارے میں بات کرتے ہوئے، انہوں نے کہا کہ قومی تعلیمی پالیسی – 2020 ، جو وزیر اعظم جناب نریندر مودی کے ویژن کے مطابق ایک فلسفیانہ دستاویز ہے ، وہ زیر نفاذ ہے ۔ انہوں نے مزید کہا کہ بچپن سے لے کر اعلیٰ تعلیم اور ہنر کی نشوونما تک، ہم ہر سطح پر جامع آموزش کو یقینی بنانے کے لئے کام کر رہے ہیں۔
وزیر موصوف نے مزید کہا کہ تعلیمی نظام کو رکاوٹوں کو توڑ کر طلباء کو بااختیار بنانا چاہیے۔ ہم تعلیمی ماحولیاتی نظام کو مزید جامع بنانے کے لئے مادری زبانوں اور مقامی زبانوں میں تعلیم متعارف کروا رہے ہیں۔
وزیر اعظم جناب نریندر مودی نے لال قلعہ کی فصیل سے معاشرے میں دولت پیدا کرنے والوں کی ضرورت کے بارے میں بات کی تھی ۔ انہوں نے مزید کہا کہ حکومت کو کم سے کم حکومت، زیادہ سے زیادہ گورننس کے جذبے کے ساتھ سہولت کار کا کردار ادا کرنا چاہیے۔
جناب پردھان نے کہا کہ ہمارے دولت بنانے والوں کو بھی 21ویں صدی کی افرادی قوت کی ترقی میں اہم کردار ادا کرنا ہے۔ انہوں نے صنعت پر زور دیا کہ وہ قومی تعلیمی پالیسی - 2020 کے جذبے کے مطابق ان خطوط پر ایک قابل عمل ماحولیاتی نظام تشکیل دیں۔
انہوں نے کہا کہ علم کی صحیح طلب پیدا کرکے، آر اینڈ ڈی میں مزید سرمایہ کاری کرکے، موجودہ افرادی قوت کی دوبارہ ہنر مندی، موجودہ افرادی قوت کی ہنر مندی میں اضافے پر توجہ مرکوز کرکے، صنعت کے ارکان ایک زیادہ متحرک افرادی قوت پیدا کرنے اور بھارت کے مستقبل کی تعمیر میں اپنا اہم تعاون فراہم کر سکتے ہیں۔
۔۔۔۔۔۔۔۔۔۔۔۔۔۔۔ ۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔
( ش ح ۔ و ا ۔ ع ا )
U. No. 12771
(Release ID: 1877831)
Visitor Counter : 109