হ্যুমেন রিসোর্স চাউখৎ-থৌরাংগী মন্ত্রালয়

প্রধান মন্ত্রীনা উত্তর প্রদেশকী ভরানসীদা ‘কাশি তমিল সঙ্গমম’ হৌদোকখ্রে


“কাশিনা ভারত পুম্ববু কোন্দুনা ভারতকী নাৎকী কোনুং ওইরি, অদুগা তমিল নাদু অমসুং তমিল নাৎনা ভারতকী এন্তিক্বিতী অমসুং নীংথিবা শক্তাক্কী মফম ওইরি”

“কাশি অমসুং তমিল নাদুনা ঐখোয়গী কলচর অমসুং সিভিলাইজেসনগী মতম নাইদ্রবা ময়োল ওইরি”

“অমৃত কাল অসিদা ঐখোয়গী ৱারেপ পুম্বসি লৈবাক্না অমত্তা ওইদুনা ফংগনি”

“তমিলগী পুৱারী ঙাক শেন্দুনা হেন্না নীংথিজহনবা হায়বসি ভারত মচা করোর ১৩০গী থৌদাংনি”

Posted On: 19 NOV 2022 7:43PM by PIB Imphal

প্রধান মন্ত্রী, শ্রী নরেন্দ্র মোদীনা উত্তর প্রদেশকী ভরানসীদা থা অমা চুপ্না চত্থগদবা ‘কাশি তমিল সঙ্গমম’ হৌদোকখ্রে। থৌরম অসিগী পান্দমদি লৈবাক্কী লৌশিং অমসুং মহৈ তম্বগী খ্বাইদগী মরু ওইবা অমসুং অরিবা মফম অনি – তমিল নাদু অমসুং কাশিগী মরক্তা চহি কয়াদগী লৈরক্লিবা মরীবু নৌহৌননা তাকপা অমসুং নুংঙাইবা ফোংদোকপনি। তমিল নাদুগী দেলিগেত ২৫০০ হেনবনা কাশিদা লাক্কনি। প্রধান মন্ত্রীনা থৌরম মনুংদা ‘তিরুক্কুরাল’ লাইরিক অমসুং মসিবু লোল ১৩দা ৱাহন্থোক হল্লবা লাইরিকশিংসু ফোঙখি। কলচরেল প্রোগ্রাম কয়াগী মতুংদা আর্তি পাংথোকপগী থৌরমসু প্রধান মন্ত্রীনা মিৎয়েং তাখি।

কেন্দ্রগী এজুকেসন অমসুং স্কিল দিভেলপমেন্ত মন্ত্রী, শ্রী ধর্মেন্দ্র প্রধান, উত্তর প্রদেশকী মুখ্য মন্ত্রী, য়োগি অদিত্যনাথ, উত্তর প্রদেশকী রাজ্যপাল, শ্রীমতি অনন্দিবেন পতেল, রাজ্য মন্ত্রী, দাঃ এল. মুরুগন, এম.পি., শ্রী ইল্লায়ারাজাসু অতোপ্পা মীথুংলেন কয়াগা লোয়ননা থৌরমসিদা শরুক য়াখি।

প্রধান মন্ত্রীনা ঙসি তিনখিবা মীয়ামদা ৱা ঙাংবদা মালেমগী খ্বাইদগী লিরবা অমসুং হৌজিক হৌজিকসু মতিক মগুনগা লোয়ননা হিংলিবা শহরসিদা মীয়াম মশিং য়াম্না তিনবদা নুংঙাইবা ফোংদোকখি। লৈবাক অসিগী তুরেল, ৱাখল্লোন, সাইন্স নত্ত্রগা লৌশিং ওইরো, মখোয়গী সঙ্গমগী মরু ওইবগী মতাংদা ঙাংলদুনা, প্রধান মন্ত্রীনা নাৎ অমসুং লৌশিংগী ইথিল খুদিংবু ভারত্তা নুংঙাইবা ফোংদোক্নৈ হায়খি। থৌরম অসি তসেংবদি ভারতকী তৌবা ঙম্বগী মতিক, লিচৎ-শাজৎকী নুংঙাইবা ফোংদোকপনি অমসুং মসিনা কাশি-তম্লি সঙ্গম্বু তোপ-তোপ্পা থৌওং অমা ওইহল্লি হায়না মহাক্না ফোংদোকখি।

কাশি অমসুং তমিল নাদুগী মরক্কী মরীগী মতাংদা তম্লদুনা, প্রধান মন্ত্রীনা কাশিনা নাকল অমরোমদা ভারতকী নাৎকী কোনুং ওইরি, অদুগা তমিল নাদু অমসুং তমিল নাৎনা ভারতকী এন্তিক্বিতী অমসুং নীংথিবা শক্তাক্কী মফম ওইরি হায়খি। গঙ্গা অমসুং য়মুনা তুরেলনা উন্নবগী খুদম পীরদুনা প্রধান মন্ত্রীনা কাশি-তমিল সঙ্গম অসিমক্না লোইনাইদ্রবা খুদোংচাবা অমসুং মপাঙ্গল লৈজদুনা মান্ননা অশেংবা মতৌসু চেল্লি হায়খি। ঙসিগী পুৱারী ওইরবা মীতিন অসিগীদমক্তা এজুকেসন মন্ত্রালয় অমসুং উত্তর প্রদেশ সরকারবু প্রধান মন্ত্রীনা থাগৎপগা লোয়ননা আই.আই.তি., মদ্রাজ অমসুং বি.ঐচ.য়ু.গুম্বা সেন্ত্রেল য়ুনিভর্সিতীশিংবুসু থৌরম অসিদা তেংবাংলকপগীদমক্তা থাগৎখি। প্রধান মন্ত্রীনা কাশি অমসুং তমিল নাদুগী মহৈরোই অমসুং স্কোলরশিংবুসু অখন্ননা থাগৎখি।

প্রধান মন্ত্রীনা কাশি অমসুং তমিল নাদুনা ঐখোয়গী কলচর অমসুং সিভিলাইজেসনগী মতম নাইদ্রবা ময়োল ওইরি হায়খি। সংস্কৃত অমসুং তমিল অসিদি মালেমগী খ্বাইদগী লিরবা লোলশিংগী মনুংদা অমনি হায়না মহাক্না হায়খি। “কাশিদা, ঐখোয়গী বাবা বিস্বানাথ লৈরি, অদুগা তমিল নাদুদনা ভগ্বান রামেস্বরমগী থৌজাল ফংলি। কাশি অমসুং তমিল নাদু অনিমক্না শিব নিংজৈ”। ঈশৈ নোংমাই, লিতরেচর নত্ত্রগা আর্ত ওইরো, কাশি অমসুং তমিল নাদুনা মতম পুম্বদা আর্তকী হৌরকফম ওইদুনা লাক্লি হায়না প্রধান মন্ত্রীনা হায়খি।

 

https://static.pib.gov.in/WriteReadData/Gallery/PhotoGallery/2022/Nov/H20221119121690.JPG

প্রধান মন্ত্রীনা ভারতকী ইনাক খুল্লবা চৎনবী অমসুং নাৎকী মতাংদা মীয়ামগী পুক্নিং চিংশিল্লদুনা লমদম অনিমক অসি ভারতকী খ্বাইদগী মশক নাইবা অচার্য়শিংগী পোক্নফম অমসুং থবক তৌফম্নি হায়না খঙনরি হায়খি। কাশি অমসুং তমিল নাদুদা মীওই অয়াম্বনা মান্নবা ইথিল ফংবা ঙম্মি হায়না মহাক্না মখা তাখি। মহাক্না হায়খি, “তমিলগী লুহোংবগী চৎনবীদা কাশি য়াত্রাগী মরু ওইবা ঙসিসু উবা ফংই”। তমিল নাদুনা কাশিবু লোইবা নাইদবা মওংদা নুংশিবগী মতৌনা ঐখোয়গী অহল লমনশিংগী নোংমগী পুন্সিগী শরুক ওইরম্বা এক ভারত শ্রেস্থ ভারতকী মতৌ তাক্লি হায়না মহাক্না পাউদমখি।

কাশিগী চাউখৎ থৌরাংদা তমিল নাদুনা লৌবা থৌদাংশিংবু প্রধান মন্ত্রীনা নৌহৌননা নিংশিংদুনা তমিল নাদুদা পোকখিবা দাঃ সর্বপালি রাধাকৃষ্ণন্না বি.ঐচ.য়ু.গী ভাইস চান্সেল্লর ওইরম্মি হায়খি। কাশিদা লৈরম্বা বেদিক স্কোলর রাজেশ্বর শাস্ত্রীগী হৌরকফমদি তমিল নাদুনি হায়না মহাক্না পনখি। কাশিগী হনুমান ঘাত্তিদা লৈরম্বা পত্তাবিরম শাস্ত্রীবু কাশিগী মীয়াম্না নুংশিনা নিংশিংলি হায়না প্রধান মন্ত্রীনা হায়খি। হরিশচন্দ্র ঘাত্তা লৈবা তমিল লাইশঙ, কাশি কাম কোতেস্বর পঞ্চয়ত্তম মন্দির অমসুং কেদার ঘাত্তা লৈবা চহি চনি হেল্লবা কুমারস্বামী মত অমসুং মার্কন্দে আশ্রমগী মতাংদসু প্রধান মন্ত্রীনা তমখি। তমিল নাদুদগী লাকপা মীয়াম কয়ানা কেদার ঘাত অমসুং হনুমান ঘাত্তিদা লৈরি অমসুং কাশিগী চাউখৎ থৌরাংদা চারোন শুরোন কয়াদগী মশক নাইনা তেংবাংদুনা লাক্লি হায়না মহাক্না ফোংদোকখি। তমিল নাদুদগী হৌরকখিবা শক্নাইরবা কবি অমসুং য়াওল্লোই, শ্রী সুব্রমনিয়ম ভারতীনা কাশিদা চহি কয়া লৈরম্মি হায়না মহাক্না হায়খি। সুব্রমনিয়ম ভারতীদা কত্থোকপা চেয়র লিংখৎপদা বি.ঐচ.য়ু.না চাউথোকচবা ফাওবগী মতৌসু প্রধান মন্ত্রীনা পনখি।

কাশি তমিল সঙ্গমম অসি নিংতম্বগী অমৃত মহোৎসবকী মতমদা পাংথোক্লি হায়না প্রধান মন্ত্রীনা অখন্ননা ফোংদোকখি। মহাক্না হায়খিবদা, “অমৃত কাল অসিদা ঐখোয়গী ৱারেপ পুম্বসি লৈবাক্না অমত্তা ওইদুনা ফংগনি”। ভারত অসি চহি লিশিং কয়াদগী নাৎকী অপুনবনা মহৌশাগী মতৌ ওইদুনা চহি লিশিং কয়াদগী লৈদুনা লাক্লবা লৈবাক অমনি হায়না মহাক্না হায়খি। অয়ুক্তা য়াহৌরবা তুংদা জ্যোতির্লিঙ্গা ১২ নিংশিংবগী চৎনবীগী মতাংদা প্রধান মন্ত্রীনা পল্লদুনা, ঐখোয়না লৈবাক্কী স্পিরিচুএল য়ুনিতী নিংশিংদুনা নোংমগী নুমিৎ হৌই হায়খি। প্রধান মন্ত্রীনা মসিগুম্বা চৎনবীবু নৌহৌননা হিংগৎহন্নবা ঐখোয়না চহি লিশিং কয়াদগী হোৎনদনা লাকপগী থৌওংদা নুংঙাইতবা ফোংদোকখি। ঙসিদি, মসিগী ৱারেপ অসিগী প্লেতফোর্ম্না কাশি তমিল সঙ্গমম্না ওইরগনি অমসুং মসিনা ঐখোয় ইশাগী থৌদাং নৌহৌননা খঙহনগনি অমসুং লৈবাক্কী অমত্তা ওইবা মতৌবু অমুক হন্না মপাঙ্গল কনখৎহন্নবা মসিনা ইথিল পীগনি হায়না প্রধান মন্ত্রীনা মখা তাখি। 

লোলগী পনখৈ থুগাইবা অমসুং লৌশিংগী অরাপ্পবু তেনসিনবগী ৱাখল্লোন অসিনা ইথিল পীদুনা স্বামী কুমারগুরুপারনা কাশিদা লাকখিবনি অমসুং লমদমসিবু মহাক্কী কর্মভুমী ওইহন্দুনা কাশিদা কেদারেস্বর মন্দির শাহনখিবনি হায়না প্রধান মন্ত্রীনা ফোংদোকখি। মতুং তারকপদা, মহাক্কী তুং ইনবশিংনা থাঞ্জাবুরগী কাবেরী তোর্বান্দা কাশি বিস্বানাথ লাইশঙ শাখি। তমিলগী রাজ্য ঈশৈ ইখিবা মনোনমনিয়ম সুন্দরানার অমসুং মহাক্কী গুরুগা কাশিগা মরী লৈনবগী ৱাফম পল্লদুনা প্রধান মন্ত্রীনা তমিল স্কোলর অমসুং কাশিগী মরক্তা লৈবা মরীবু মীয়ামদা অমুক্কা হন্না পাউদমখি। খা অমসুং অৱাংবু অমত্তা ওইহনবদা রাজাজীনা ইখিবা মহাভারত অমসুং রামায়ন্না লৌখিবা থৌদাংবুসু প্রধান মন্ত্রীনা নিংশিংখি। “রামানুজাচার্য়, শঙ্করাচার্য়, রাজাজীদগী সর্বপালী রাধাকৃষ্ণনগুম্বা খা ভারতকী স্কোলরশিং নীংথিনা খঙদনা ঐখোয়না ভারতকী ফিলোসোফী নীংথিনা খঙবা ঙম্লোই হায়বসি ঐহাক্না থেংনদুনা খঙলবা ৱাফম অমনি”, শ্রী মোদীনা হায়খি।

প্রধান মন্ত্রীনা ‘পাঞ্চ প্রান’গী মতাংদা পল্লদুনা, নীংথিনা হেরিতেজ লৈবা লৈবাক অমনা মশাগী পুৱারীদা চাউথোকচগদবনি হায়খি। মালেমগী খ্বাইদগী অরিবা লোল (তমিল) লৈজরবসু, ঐখোয়না মসিবু মপুং ফানা ইকায় খুম্নবদি ৱাৎলি হায়না মহাক্না হায়খি। “তমিলগী পুৱারী ঙাক শেন্দুনা হেন্না নীংথিজহনবা হায়বসি ভারত মচা করোর ১৩০গী থৌদাংনি। ঐখোয়না তমিলবু মীরায়বা মতমদা ঐখোয়না লৈবাক্কী মফমদা য়াম্না অরানবা থবক অমা পাংথোক্লবনি অমসুং ঐখোয়না তমিলবু অকক্নবশিংগী মনুংদা অদুমক লৈহল্লবদি, ঐখোয়না মসিদা অকায়বা য়াম্না তৌগনি। ঐখোয়না লিঙ্গুইস্তিক্স দিফরেন্স লৌথোকপা অমসুং ইমোস্নেল য়ুনিতী লৈহনবা হায়বসি নিংশিংফম থোকই”, প্রধান মন্ত্রীনা হায়খি।

সঙ্গমম হায়বসিদি ৱাহৈদগী হেন্না এক্সপেরিএন তানবগী তাঞ্জানি হায়না প্রধান মন্ত্রীনা হায়রদুনা মীথুংলেনবু সেবা তৌবগী মতম পুম্বদা নিংশিংদুনা লৈহৌরগদবা থৌওং পাংথোক্নবগীদমক্তা কাশিগী মীয়াম্না অঙম্বা থৌদাং খুদিংমক পাংথোক্কনি হায়বগী থাজবা থম্লি হায়না মহাক্না মখা তাখি। মসিগুম্বা থৌরমসু তমিল নাদু অমসুং খা ভারতকী অতোপ্পা রাজ্যশিংদসু পাংথোকহন্নীংবা অমসুং লৈবাক্কী অতোপ্পা শরুক্কী নহাশিংনা লমদমসিগী মফমশিংদা চত্তুনা মখোয়গী নাৎ খঙহনবা পাম্মি হায়না প্রধান মন্ত্রীনা ফোংদোকখি। মসিগী সঙ্গমম অসিগী কান্নবশিংবু রিসর্চকী খুত্থাংদা খুমাং চাউশিলহনফম থোকই অমসুং মসিগুম্বা থৌওংনা মরু হুন্দুনা উজাও অমগী শক্তম লৌরকপা ঙমগনি হায়না প্রধান মন্ত্রীনা হায়খি।

উত্তর প্রদেশকী মুখ্য মন্ত্রী, শ্রী য়োগি অদিত্যনাথনা মহাক্কী ৱারোল থম্বদা প্রধান মন্ত্রী, শ্রী নরেন্দ্র মোদীগী পাউতাক মখাদা অমসুং পাংথোক্লিবা কাশি তমিল সঙ্গমম অসিনা “এক ভারত শ্রেস্থ ভারত”কী ইথিলগা লোয়ননা খা অমসুং অৱাং ভারতকী মশক নাইরবা ফিলোসোফী, কলচর অমসুং লিতরেচরবু য়োকখৎপা অমসুং মখোয়গী পুৱারীবু হেন্না মশক নাইহনবগী পান্দম থম্লি হায়না ফোংদোকখি।

দাঃ এল. মুরুগন্না ঙসিগী থৌরমদা ৱা ঙাংবদা তমিল নাদু অমসুং কাশিগী মরক্তা তৎন-থানবা য়াদ্রবা মরী অমা চহি কয়াদগী লৈদুনা লাক্লি অমসুং তমিল নাদুগী চৎনবীগী মতৌশিং উত্তর প্রদেশতসু উবা ফংই হায়খি। ভরানসীগী শেংলবা মফমদা কাশি তমিল সঙ্গমম পাংথোক্লিবা অসিমক মহাকবী ভারতিয়রগী “এক ভারত শ্রেস্থ ভারত”কী মঙলান মঙফাওনহন্নবগীদমক্তা পাংথোকপনি হায়না মহাক্না হায়খি।

পান্দিয়া নিংথৌ, অথীবিরা রামা পান্দিয়ন্না ভরানসীদা লাইনীংবা চৎলুরবা মতুংদা, তমিল নাদুগী তেঙ্কাসীদা চাউরবা লাইশঙ অমা শারমখি। মান্নবা থৌওং ওইনা, তমিল নাদু অমসুং কাশিগী মরীদি কাসি কন্দমদা উবা ফংগনি হায়না মহাক্না হায়রমখি। কাশি অমসুং রামেস্বরমগী মরক্তা লৈবা সিপিরিচুএল ওইবা মরীদা মিৎয়েং চঙলদুনা, তমিল নাদুগী নাৎ অমসুং চৎনবী অসি উত্তর প্রদেশতা উবা ফংই অমসুং মসিগী থৌরম অসিমক মদুবু মমি তাহন্নবা মওংদা পাংথোক্লিবনি হায়না ফোংদোকখি।

শক্নাইরবা শৈশকপা অমসুং এম.পি., শ্রী ইল্লায়ারাজানা থৌরম হৌদোকপগী ৱারোল থম্বদা কাশি অমসুং তমিল নাদুগী চহি য়াম্লবা মরীগী মতাংদা পনখি।

https://static.pib.gov.in/WriteReadData/Gallery/PhotoGallery/2022/Nov/H20221119121686.JPG

 

বেকগ্রাউন্দ

প্রধান মন্ত্রীগী পান্দমনা লমজিংদুনা, ‘এক ভারত শ্রেস্থা ভারত’কী ৱাখল্লোন য়োকখৎপা অসি সরকারগী মরুওইবা থবকশিংগী মনুংদা অমনি। মসিগী পান্দম অসি মমি তাবা থবক অমা ওইনা, থা অমা চুপ্না চত্থগদবা ‘কাসি তামিল শঙ্গমম’ অসি ভরানসীদা পাংথোক্লিবনি।

থৌরম অসিগী মরুওইবা পান্দমদি, লৈবাক অসিগী খ্বাইদগী মরুওইবা অমসুং লীরবা লাইরিক-লাইশু তমফম অনি- তামিল নাদু অমসুং কাসিগী মরক্তা লৈনবা মরী হরাও-তয়াম্বা ফোঙদোক্নবা, হেন্না চৎশিনহন্নবা অমসুং অমুক হন্না মশক তাক্নবা পান্দম থম্লি। রাজ্য অনি অসিগী অখঙ-অহৈশিং, মহৈরোয়শিং, ফিলোসোফরশিং, ললোনবশিং, খুৎহৈবশিং, কলাকারশিং য়াওনা শীনফম খুদিংমক্কী মীওইশিং পুন্নবা, লৌশিং পীথোক-পীশিন তৌন্নবা, কলচর অমসুং খ্বাইদগী ফবা থবকশিং অমনা অমদগী তম্নবগী খুদোংচাবা অমা পীনবা থৌরম অসিনা পান্দম থম্লি। তামিল নাদুদগী দেলিগেত ২৫০০ হেন্না কাসিদা চৎকনিমখোয়না সেমিনারশিং শরুক য়াগনি, মফম কয়াদা চৎতুনা শীনফম মান্নবা মফম অদুগী মীওইশিংগা উনগনি। রাজ্য অনিগী ইয়োং, হেন্দিক্রাফ, ৱান দিস্ত্রিক ৱান প্রদক, লাইরিকশিং, দোকুমেন্তরিশিং, মথেল-লুকোইশিং, পুৱারি, লমকোয়ফমশিং একজিবিসন অমা থা অমা চুপ্না কাসিদা পাংথোক্কনি।

থৌরম অসি এন.ই.পি ২০২০গা ইরোইন্না চৎমিন্নদুনা ভারতকী লৌশিংগী পুক্কৈ অসি অনৌবা মতমগী লৌশিংগা পুনশিন্নবা মীৎয়েং থম্লি থৌরম অসি আই.আই.তি মদ্রাস অমসুং বি.ঐ.য়ুনা শীন্দুনা পাংথোক্কদবনি

https://static.pib.gov.in/WriteReadData/Gallery/PhotoGallery/2022/Nov/H20221119121682.JPG

কাশি অমসুং তমিল নাদুগী মরক্তা লৈনবা মরী অমসুং মান্নবা ভেল্যু কয়াবু মাঙদা পুথোরকপগী পান্দমগা লোয়ননা থা অমা চুপ্না পাংথোক্কদবা থৌরমসিনা ভারতকী নাৎকী অরিবা লমদম অনিসিগী তোঙানবা মগুন কয়াবু অখঙ-অহৈ অমসুং স্কোলরশিংগী মফমদা একাদমিক এক্সচেঞ্জ, সেমিনার, খন্ন-নৈনবগী থৌরম্নচিংবগী খুত্থাংদা ফোংদোক্নবগী খুদোংচাবা পীগনি।

*****



(Release ID: 1877379) Visitor Counter : 115


Read this release in: English , Urdu , Hindi , Odia