مکانات اور شہری امور کے مرکزی وزیر (ایم او ایچ یو اے)، جناب ہردیپ سنگھ پوری نے آج بنگلورو، کرناٹک میں بیت الخلا کے عالمی دن 2022 کے موقع پر منعقدہ ایک قومی تقریب میں ٹوائلٹ 2.0 مہم کا آغاز کیا۔ اس مہم کا مقصد شہری ہندوستان میں اجتماعی کارروائی کے ذریعے جس میں شہریوں اور شہری بلدیاتی اداروں کو شامل کیا جائے۔ عوامی اور کمیونٹی بیت الخلا کی تصویر بدلنی ہے۔

ٹوائلٹ 2.0 مہم کا آغاز کرتے ہوئے مرکزی وزیر نے کہا کہ ‘‘ہندوستان کھلے میں رفع حاجت سے پاک (او ڈی ایف) بیانیہ سے آگے بڑھنے کے لیے تیار ہے۔ صاف ستھرے اور محفوظ عوامی بیت الخلاء اور عوامی جگہیں عوامی زندگی کے تجربے اور معیار کو بہتر بنائیں گی اور اسی وجہ سے مجھے ٹوائلٹس 2.0 مہم 2 شروع کرتے ہوئے خوشی ہو رہی ہے۔’’ انہوں نے اس اعتماد کا اظہار کیا کہ تمام اسٹیک ہولڈرز مل کر مہم کو کامیاب بنانے کے لیے کام کریں گے۔

مکانات اور شہری امور کی وزارت کے سکریٹری جناب منوج جوشی اور دیگر ٹوائلٹ 2.0 مہم شروع کرنے کی ایک تقریب کے دوران

 

افتتاحی اجلاس سے خطاب کرتے ہوئے مکانات اور شہری امور کی وزارت کے سکریٹری جناب منوج جوشی نے شرکاء کو یاد دلایا کہ صفائی کا سفر ایک مسلسل عمل ہے اور اس کے لیے ادارہ جاتی حل کی ضرورت ہے۔ شہروں کے لیے او ڈی ایف پلس پلس ضوابط اور سرٹیفیکیشن اس بات کو یقینی بنانے کے لیے دیا جاتا ہے کہ انسانی فضلہ کو محفوظ طریقے سے نمٹایا جائے۔ ہمارے 25 فیصد شہر پہلے ہی یہ درجہ حاصل کر چکے ہیں۔ واٹر پلس سرٹیفیکیشن ان شہروں کو دیا جاتا ہے جو غیر صاف شدہ مستعمل پانی کو ماحولیات میں خارج نہیں کرتے ہیں۔ یہ اقدامات ڈبلیو ٹی ڈی 2022 کے مرکزی خیال ‘زیر زمین پانی اور صفائی - پوشیدہ کو مرئی بنانا’ کے ساتھ بالکل ہم آہنگ ہیں۔ مشن کے اختتام تک یہ امید کی جاتی ہے کہ ہمارے 100 فیصد شہروں کواو ڈی ایف ++ کی سند مل جائے گی اور کم از کم 50 فیصد شہر واٹر پلس کا درجہ حاصل کر لیں گے۔

 مکانات اور شہری امور کی وزارت کے جوائنٹ سکریٹری محترمہ روپا مشرا نے کہا کہ یہ مہم ریاستوں کے شہروں اور شہریوں کو جوش و جذبے سے ہمکنار کرے گی اور صفائی ستھرائی کی ہماری بھرپور وراثت کو آگے لے کر آئے گی جو ہندوستان کے ٹوائلٹس 2.0 کے سفر کو تحریر کرے گی۔

کرناٹک حکومت کے معززین نے بھی ٹوائلٹس 2.0 مہم کی ستائش کی اور اس میں فعال حصہ لینے کا عہد کیا۔

بیت الخلا کے عالمی دن کی تقریب سے پہلے گہری صلاحیتوں کی نشوونما کے لئے تین روزہ ورکشاپس منعقد کی گئیں۔ مکانات اور شہری امور کی وزارت (ایم او ایچ یو اے) نے نالج پارٹنرڈبلیو اے ایس ایچ انسٹی ٹیوٹ کے تعاون سے 16 سے 18 نومبر 2022 کے درمیان بنگلورو، کرناٹک میں 3 روزہ صلاحیت سازی ورکشاپ کا انعقاد کیا تاکہ ریاستوں کو مقررہ وقت میں استعمال شدہ پانی کے مربوط انتظام کی سہولت فراہم کی جا سکے۔

انتیس ریاستوں کے سینئر ریاستی افسران، مشن ڈائریکٹرز اور چیف انجینئر اس تین روزہ ورکشاپ کے لیے اکٹھے ہوئے۔ سنٹرل پبلک ہیلتھ اینڈ انوائرنمنٹل انجینئرنگ آرگنائزیشن،ایم او ایچ یو اے ، پریکٹیشنرز، تعلیمی اداروں اور تکنیکی ایجنسیوں کے ماہرین نے سائنسی اصولوں سے لے کر منصوبہ بندی اور ڈیزائننگ سسٹم تک یو ڈبلیو ایم کے نفاذ تک استعمال شدہ پانی کے انتظام کے مختلف پہلوؤں پر اپنی مہارت فراہم کی۔ بین الاقوامی اور قومی بہترین طور طریقوں کا اشتراک کیا گیا۔ ریاستوں نے اپنے سیکھنے اور تجربات کا تبادلہ بھی کیا۔ ورکشاپ کا اختتام استعمال شدہ پانی کے انتظام کو تیز کرنے کے لیے ایک یقینی روڈ میپ کے ساتھ ہوا۔ جامع یو ڈبلیو ایم کی اہمیت پر روشنی ڈالی گئی جو کہ گندے پانی کے علیحدہ انتظام کی ضرورت کو دور کرے گی۔

ریاستوں کے فائدے کے لیے جدید ترین ٹیکنالوجیز کی ایک نمائش بھی لگائی گئی۔ 18 نومبر کوایس بی ایم    یو2.0 کے موثر نفاذ کے لیے ایک اسٹریٹجک ورکشاپ کا انعقاد کیا گیا جس میں 250 سے زیادہ یو ایل بی عہدیداروں اور انجینئروں نے شرکت کی۔سی پی ایچ ای ای او اور  ایم او ایچ یو اے کے ماہرین نے شرکاء کو لیگیسی ویسٹ ڈمپ سائیٹ ریمیڈیشن کے مختلف پہلوؤں کے ذریعے رہنمائی کی، گیلے کچرے کو فضلہ سے کھاد اور فضلہ سے بائیو میتھینیشن، مٹیریل ریکوری فیسیلٹیز کے ذریعے خشک کچرے کا انتظام اور ویسٹ ٹو انرجی پلانٹس کے بارے میں تفصیل سے بات کی گئی۔ استعمال شدہ پانی کے انتظام، علاج کے دوبارہ استعمال کے اختیارات پر بھی توجہ دی گئی۔ ورکشاپ کے دوران ریاست اور شہر کے بہترین طور طریقوں کو بھی پیش کیا گیا۔ مزید برآں ابھرتی ہوئی اور نئی ٹکنالوجیوں کے ساتھ رفتار برقرار رکھنے کے لیے منصوبہ بندی اور ڈیزائن کی صلاحیتوں، پروجیکٹ مینجمنٹ اور ادارہ جاتی خلا کو دور کرنے کے لئے مسلسل تعاون کرنے اور صلاحیت کی ترقی کی ضرورت پر زور دیا گیا۔

ریاستوں اور شہروں کے نمائندوں، ماہرین تعلیم، ماہرین اور پریکٹیشنرز نے ہندوستان کے بیت الخلا کے سفر پر غور کیا۔ اس تقریب کے دوران شہری مقامی بلدیاتی اداروں، ریاستی عہدیداروں، این جی اوز، سیکٹر پارٹنرز وغیرہ کے مندوبین بہترین طور طریقوں اور متاثر کن ماڈلز کے اشتراک سے مستفید ہوئے جو محفوظ، جامع، قابل رسائی اور امنگوں سے بھرپور بیت الخلاء کی ترقی میں حصہ لیا۔

عوامی سہولتوں کے ڈیزائن وغیرہ کے حوالے سے کیا کرنا ہے اور کیا نہیں کرنا ہے،اس سلسلے میں نامور ماہرین نے اہم نکات کو اجاگر کیا۔ کمیونٹی اور عوامی بیت الخلاء کی مختلف قسمیں، یعنی بنڈل سہولیات، اونچے قدم رکھنے والے بیت الخلا وغیرہ کی نمائش کی گئی۔ تقریب کے دوران پبلک پرائیویٹ پارٹنرشپ کے ذریعے فنانسنگ کے جدید ماڈلز، یوزر فیس کے ذریعے پائیدار ریونیو ماڈلز، اشتہار وغیرہ بھی شیئر کیے گئے۔

صفائی کا بھرپور ورثہ جو مشن کے آغاز کے بعد سے بنایا گیا ہے، اس میں رسائی، حفاظت، وقار، خواہش اور شمولیت شامل ہے۔ سوچھ بھارت مشن شہری کی غیر معمولی وراثت سے اجتماعی تجربہ، ذمہ داری کا احساس، ملکیت اور فخر کا اظہار اس تقریب کے دوران منظر عام پر آیا۔ پروگرام نے ٹوائلٹ 2.0 مہم کے ذریعے اس وراثت کو بڑھانے کے لیے تمام اسٹیک ہولڈرز کے عزم کا اعادہ کیا۔

ٹوائلٹس 2.0 مہم 19 نومبر 2022 سے لائیو ہوگی اور لنک /https://sbmurban.org کے ذریعے دستیاب ہوگی۔

مہم کے پانچ موضوعاتی شعبے ہیں:

(i)      بیت الخلا کے لیے لوگ: کمیونٹی اور عوامی بیت الخلاء کی صفائی اور دیکھ بھال

(ii)     بیت الخلاء کے شراکت دار: عوامی بیت الخلاء کو اپنانا

(iii)    ڈیزائن ٹوائلٹ: ڈیزائن چیلنج

(vi)    اپنے ٹوائلٹ کی درجہ بندی کریں: عوامی بیت الخلاء کو بہتر بنانے کے لیے صارف کے تاثرات کو فروغ دینا اور

(v)     میرے خیالات - ہمارے بیت الخلاء: بیت الخلاء کے لیے عوامی رائے جمع کرنا

 

دی پیپل فار ٹوائلٹس کمیونٹی اور پبلک ٹوائلٹس کی صفائی اور دیکھ بھال کے لیے ایک انٹر سٹی مقابلے کا تصور کیا گیا ہے جس میں بہترین کارکردگی والے شہروں کی شناخت کی جائے گی۔ اس کا اندازہ سی ٹیز اور پی ٹیز کی بہتری کے تناسب اور عوامی مشغولیت کے پیمانے کی بنیاد پر کیا جائے گا۔

 پارٹنرز فار ٹوائلٹس تھیم کا مقصد کمیونٹی اور عوامی بیت الخلاء کو اپنانے کے لیے ممکنہ تنظیموں کے ساتھ شراکت داری قائم کرنا ہے تاکہ عبوری صفائی، سالانہ آپریشن اور دیکھ بھال، یک وقتی مالی امداد،آئی ای سی کی سرگرمیاں، خوبصورتی کی سرگرمیاں، اختراعات، فیڈ بیک وغیرہ جیسے امور انجام دیے جاسکیں۔ شراکت داری بشمول پبلک پرائیویٹ پارٹنرشپ ماڈلز، کارپوریٹ اسپانسرشپ وغیرہ کو شہروں میں کمیونٹی اور پبلک ٹوائلٹس کی فعالیت کو برقرار رکھنے اور بیت الخلا استعمال کرنے والوں کے تجربے کو بڑھانے کے لیے تحریک فراہم کرنی چاہیے۔ شراکت داری کے لیے دلچسپی رکھنے والی تنظیمیں / https://www.mygov.in  پر رجسٹر کر سکتی ہیں۔

تیسرا تھیم، ڈیزائن ٹوائلٹس (ڈیزائن چیلنج) کونسل آف آرکیٹیکچر کے تعاون سے منعقد کیا جا رہا ہے جس کے ذریعے آرکیٹیکچر کے طلباء اور پریکٹس کرنے والے آرکیٹیکٹس سے عوامی بیت الخلاء اور کمیونٹی بیت الخلاء کے دو زمروں میں بیت الخلاء کے لیے ڈیزائن کے اندراجات طلب کیے جائیں گے۔ موصول ہونے والی اندراجات کی بنیاد پر سرفہرست ڈیزائنوں کا انتخاب کیا جائے گا اور شہروں کے ڈیزائن کو اپنانے کے لیے غور و فکر کے لیے ایک مجموعہ بنایا جائے گا۔

اپنے ٹوائلٹ کو عوامی اور کمیونٹی ٹوائلٹس کو بہتر بنانے کے لیے صارف کے تاثرات کو فروغ دینے کے لیے ہے اور میرے خیالات - ہمارے ٹوائلٹس ملک بھر میں عوامی بیت الخلاء پر شہریوں کے درمیان ایک عام عوامی سروے ہے۔ بیت الخلا کے لیے شہریوں کی خواہش پر ایک سوالنامہ MyGov پلیٹ فارم پر عوام کے لیے جواب دینے کے لیے دستیاب ہوگا۔ سروے کے نتائج سے توقع کی جاتی ہے کہ ریاستوں اور شہروں کو فرقوں کو سمجھنے اور کورس کے اصلاحی اقدامات فراہم کرنے میں مدد ملے گی۔ سروے کے اختتام پر شرکاء کو چیمپیئن آف چینج سرٹیفکیٹ دیا جائےگا۔

باقاعدہ تازہ جانکاری کے لیے براہ کرم سوچھ بھارت مشن کی آفیشل ویب سائٹ اور سوشل میڈیا پراپرٹیز کو فالو کریں:

ویب سائٹ: www.swachhbharaturban.gov.in

فیس بک: سوچھ بھارت مشن - شہری | ٹویٹر: @SwachhBharatGov

انسٹاگرام: sbm_urban | YouTube: سوچھ بھارت اربن | لنکڈ ان: سوچھ بھارت شہری

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 12715)

(Release ID: 1877332) Visitor Counter : 239