ইলক্ত্রোনিক্স এন্দ ইনফোর্মেসন তেক্নোলোজী অমসুং স্কিল দিভেলপমেন্ত এন্দ ওন্ত্রপ্রিন্যুরসিপকী রাজ্য মন্ত্রী শ্রী রাজীব চন্দ্রসেখরনা ঙসি মফমসিগী প্রগতি মৈদান্দা পাঙথোক্লিবা ইন্দিয়া ইন্তরনেস্নেল ত্রেদ ফ্যারদা নগালেন্দ পেবিলিয়ন্দা চৎখ্রে‍।

স্তেত অদুগী তোঙান তোঙানবা দিপার্তমেন্তশিং, নন-গভর্নমেন্ত ওর্গনাইজেসনশিং অমদি খুৎহৈবশিংনা হাংলিবা তোঙান তোঙানবা স্তোলশিংদা মহাক্না চঙখি‍।

এম.ও.এস. শ্রী রাজীব চন্দ্রসেখরনা ইন্দিয়া ইন্তরনেস্নেল ত্রেদ ফ্যারদা নগালেন্দ পেবিলিয়ন্দা চৎপা

 

মন্ত্রীনা নেস্নেল হেন্দলুম এৱার্দ (অনিরক) ফংলবা অমদি সন্ত কবির এৱার্দ ফংলবা নগালেন্দদগী নৈহুনুও সোরহী উনখি অমদি হেন্দলুম হেরিতেজ হিংহন্দুনা থম্বদা মমল য়াম্লবা থৌদাং য়াবগীদমক থাগৎখি‍।

মন্ত্রীনা দ্রীম দ্রেগন ফ্রুৎ ফার্মগী স্তোলদসু চঙখি অমদি ফার্ম অদুগী মপু ওইরিবা অমদি ওর্গানিক দ্রেগন ফ্রুৎকী য়ু পুথোক্লিবা নহা ওইরিবী নগা নুপী ওন্ত্রপ্রিন্যুর লুসী ঙুলীগা উনখি‍।

শ্রী রাজীব চন্দ্রসেখরনা হৌখিবা চহিদা এস্পিরেস্নেল দিস্ত্রিক্ত অমা ওইরিবা কিফিরে য়াওনা স্তেত অদুদা পায়খৎলিবা চাওখৎ থৌরাংগী থবকশিং য়েংশিন্নবগীদমক নগালেন্দদা অনিরক চৎখ্রে‍। মহাক্কী খোঙচৎ মনুংদা মহাক্না দিমাপুরদা নেস্নেল ইন্সতিত্যুৎ ওফ ইলেক্ত্রোনিক্স এন্দ ইনফোর্মেসন এন্দ তেক্নোলোজী (নীলিত) সেন্তর শঙ্গাখি অমদি ফুরুপকী মীওইশিং, দিস্ত্রিক্ত ওফিসিএলশিং, সোসিএল ৱর্করশিং, বিজিনেস কম্ম্যুনিতী মীহুৎশিং অমদি মহৈরোয়শিংগসু মীফম পাঙথোকখি‍। মহাক্না জুনহেবোতোদসু চত্তুনা চহি নিফুসিদা মফমদুদা চৎপা অহানবা কেন্দ্র মন্ত্রী ওইখি‍। “ঐগী ইপানা অৱাং নোংপোক্তা থবক তারিঙৈ মতম, ঐনা অঙাং ওইরিঙৈদগী হৌরগা ঐ অমদি অৱাং নোংপোক লমদমগা শাংলবা পুৱারী লৈ”, হায়না মন্ত্রীনা মখা তাখি‍।

***

(Release ID: 1877174)