టెలికాం రెగ్యులేటరీ అథారిటీ ఆఫ్ ఇండియా (ట్రాయ్) " రేటింగ్ ఆఫ్ బిల్డింగ్స్ లేదా ఏరియాస్ ఫర్ డిజిటల్ కనెక్టివిటీ" అనే అంశంపై ఈ రోజు ఇక్కడ ఒక కాన్ఫరెన్స్ ను నిర్వహించింది. 2022 లో, దేశం ఆజాదీ కా అమృత్ మహోత్సవ్ ను జరుపుకుంటున్న సమయం లో ట్రాయ్ కూడా 25 వసంతాలు పూర్తి చేసుకుంది. ఏడాది పాటు జరిగే సిల్వర్ జూబ్లీ వేడుకల్లో భాగంగా ఈ సదస్సును నిర్వహించారు.

 

(సదస్సును ప్రారంభిస్తున్న ట్రాయ్ చైర్మన్ డాక్టర్ పీడీ వాఘేలా)

 

ఈ సదస్సును ట్రాయ్ చైర్మన్ డాక్టర్ పిడి వాఘేలా ప్రారంభించారు. ఈ సదస్సు లో మెంబర్ టెక్నాలజీ డిసిసి డాట్, మెంబర్ ట్రాయ్ , హౌసింగ్ అండ్ అర్బన్ అఫైర్స్ మినిస్ట్రీ, డిపార్ట్ మెంట్ ఆఫ్ టెలికమ్యూనికేషన్స్, టౌన్ అండ్ కంట్రీ ప్లానింగ్ ఆర్గనైజేషన్, వివిధ రాష్ట్ర ప్రభుత్వాలు, డెవలప్ మెంట్ అథారిటీస్, ఎన్ ఎ ఆర్ ఇ డి సి ఓ , బిఐఎస్, బిఇఇ, టెలికం ,రియల్ ఎస్టేట్ ఇండస్ట్రీ

ప్రతినిధులు పాల్గొన్నారు.

 

పరిశ్రమ, ఇతర భాగస్వాములతో కలిసి పనిచేయడానికి, కొత్త , అభివృద్ధి చెందుతున్న సాంకేతిక పరిజ్ఞానాలకు అనుగుణంగా వినియోగదారులకు నాణ్యమైన టెలికాం సేవలను అందించేలా చూడటానికి ట్రాయ్ క్రియాశీల పాత్ర స్ఫూర్తితో ఈ సదస్సు ను నిర్వహించారు. దీనికి సంబంధించి, ట్రాయ్ 2022 మార్చి 25న బిల్డింగ్స్ రేటింగ్ లేదా ఏరియాస్ ఫర్ డిజిటల్ కనెక్టివిటీపై ఒక కన్సల్టేషన్ పేపర్ ను జారీ చేసింది, దీనిలో వివిధ భాగస్వాముల నుండి విస్తృతమైన స్పందన ఉంది. వాటాదారులు లేవనెత్తిన సమస్యలపై ఇన్ పుట్ లు , వ్యాఖ్యలను సమర్పించారు. ఓపెన్ హౌస్ సెషన్ లో తమ ఆలోచనలను పంచుకున్నారు.

 

(ప్రధానోపన్యాసం చేస్తున్న ట్రాయ్ చైర్మన్ డాక్టర్ పి.డి. వాఘేలా )

 

ట్రాయ్ ఛైర్మన్ డా. పి.డి. వాఘేలా తన ప్రారంభ ప్రదానోపన్యాసంలో, సదస్సు ఉద్దేశాన్ని వివరించారు.  ప్రస్తుత యుగంలో మంచి డిజిటల్ కనెక్టివిటీ ప్రాముఖ్యతను నొక్కి చెప్పారు. మనమందరం ఆన్ లైన్ ద్వారా మన రోజువారీ పనులను నిర్వర్తించే కొత్త జీవిత ప్రమాణాన్ని స్వీకరించాము దీని కోసం అపార్ట్ మెంట్ నలుమూల లలో మంచి డిజిటల్ కనెక్టివిటీ అవసరం. ఇన్ డోర్

ప్రాంతాల్లో డిజిటల్ కనెక్టివిటీని అందించడానికి, టిఎస్ పి చర్యలు మాత్రమే సరిపోవు, టెలికాం వైపు బహుళ ఏజెన్సీలు/ భాగస్వాములతో పాటు రియల్ ఎస్టేట్ రంగం, అనుమతులు మంజూరు చేసే అధికారులు మధ్య సన్నిహిత సహకారం ,సమన్వయం ఈ కొత్త పర్యావరణ వ్యవస్థ సమర్థవంతంగా పనిచేయడానికి అవసరం. బిల్డింగ్ ప్లాన్ తో పాటుగా డిజిటల్ కనెక్టివిటీ ఇన్ ఫ్రాస్ట్రక్చర్ కో-డిజైన్ , సహ-సృష్టిని ధృవీకరించడం కోసం వివిధ భాగస్వాముల మధ్య సన్నిహిత సమన్వయం అవసరమని ఛైర్మన్ ట్రాయ్ సూచించారు. డిసిఐ సహ-సృష్టి,  నేషనల్ బిల్డింగ్ కోడ్ ఆఫ్ ఇండియా లో ప్రమాణాల కోసం బిల్డింగ్ బై-లాస్ లో అవసరమైన నిబంధనలు ఉండాలని,

అన్నారు. అంతిమ వినియోగదారుల నిజమైన ఆహ్లాదకరమైన అనుభవం కోసం దృఢమైన, సమర్థవంతమైన, ప్రభావవంతమైన డిజిటల్ కనెక్టివిటీ మౌలిక సదుపాయాలను కల్పించడానికి వీలుగా కేంద్ర, రాష్ట్ర , స్థానిక ప్రభుత్వాలు తమ ఉప-చట్టాలు/ గృహనిర్మాణ చట్టాలను నవీకరించాలని ఆయన కోరారు.

 

డిజిటల్ కనెక్టివిటీ అనుభవ రేటింగ్ పరంగా భవనాల బెంచ్ మార్కింగ్ కోసం ఒక యంత్రాంగాన్ని సృష్టించడం ద్వారా బిల్డర్, టెలికాం సర్వీస్ ప్రొవైడర్లు అంతిమ వినియోగదారుల అనుభవానికి విన్- విన్ పరిస్థితిని సృష్టించాలని ట్రాయ్ చైర్మన్ సూచించారు. విస్తృతంగా ప్రచురించబడిన రేటింగ్ కొనుగోలుదారులను ఆకర్షిస్తుంది.  తద్వారా సర్వీస్ ప్రొవైడర్లు , బిల్డర్లు వారి సేవలు లేదా ఆస్తులకు విలువలను జోడించడానికి వీలు కల్పిస్తుంది.

 

సదస్సులో మూడు సెషన్లలో చర్చలు జరిగాయి. మొదటి సెషన్ మంచి డిజిటల్ కనెక్టివిటీ పై దృష్టి సారించింది

డాట్, టిసిపిఒ, బిఇఇ, యుఎల్ స్టాండర్డ్స్ అండ్ ఎంగేజ్ మెంట్స్ ఇంక్, డిఐపిఎ నుండి వక్తలు తమ అభిప్రాయాలను పంచుకున్నారు. రెండవ సెషన్ డి సి ఐ ప్లేయర్ ల కోసం డిజిటల్ టూల్స్ , ప్లాట్ ఫారమ్ లపై జరిగింది, దీనిలో టెలికాం ఇండస్ట్రీ, ఐబ్వేవ్, ఎరిక్సన్ , డెలాయిట్ లకు చెందిన వక్తలు విభిన్న అంశాలపై తమ ఆలోచనలను సమర్పించారు. మూడవ సెషన్ ను ప్యానెల్ చర్చకు పరిమితం చేశారు. దీనిలో ట్రాయ్ అధికారులు, నారెడ్కో, టెక్, ఎన్ టి ఐపిఆర్ఐటి, టిసిపిఒ, సిఒఎఐ, యుఎల్ స్టాండర్డ్స్, ఐఎస్ పిఎఐ నుంచి నిపుణులు పాల్గొని సమస్యలపై చర్చించారు.

 

(కాన్ఫరెన్స్ లో పాల్గొన్న వివిధ సంస్థల ప్రతినిధులు)

 

వివిధ సంస్థల వాటాదారుల నుండి నాణ్యమైన సమాచారాన్ని పొందడంలో ఈ సదస్సు విజయవంతమైంది.  ఈ అంశంపై తన సిఫారసులను ఖరారు చేసేటప్పుడు ట్రాయ్ వీటిని పరిగణనలోకి తీసుకుంటుంది.

 

ఈ కాన్ఫరెన్స్ కు సంబంధించిన మరింత సమాచారం కోసం శ్రీ ఆనంద్ కుమార్ సింగ్, అడ్వైజర్ (క్యు ఓ ఎస్), టెలికాం రెగ్యులేటరీ అథారిటీ ఆఫ్ ఇండియా ను ఇమెయిల్ ద్వారా సంప్రదించండి:

advqos[at]trai[dot]gov[dot]in. or may be contacted at Tel. No: +91-11-2323-0404, Fax: +91-11-2321-3036.

 

 

***

(Release ID: 1876686) Visitor Counter : 123