য়ুমলৈ-কৈরৈ মন্ত্রালয়

নই দিল্লীদা নবেম্বর ১৮ অমসুং ১৯দা তেরোরিজমদা শেল থাদবা লাকশিন্নবা ৩শুবা মিনিস্ত্রিএল কনফরেন্স – নো মনী ফোর তেরর পাঙথোক্লগনি


কনফরেন্স অসি পাঙথোকপনা মোদী সরকারনা ইন্তর্নেস্নেল তেরোরিজমগী সমস্যা লোয়ননা মসিগী খুদোংথিবা অসিগী মায়োক্তা লৈরিবা জিরো তোলরেসন্স পোলিসীদা মরু ওইবা মীৎয়েং চংলি তাক্লি

গৃহ অমসুং কোওপরেসনগী কেন্দ্র মন্ত্রী, শ্রী অমিত শাহনা কনফরেন্স অসিদা শরুক য়াগনি অমসুং তেরোরিজমগী মায়োক্তা লান্থেংননবা লৈরিবা ভারতকী ফিরেপ অদু ফোঙদোক্কনি

কনফরেন্স অসিনা তেরোরিস্ততা শেল থাদবা লাকশিন্নবগী মতাংদা খন্ন-নৈনবা খোঙজেল য়াংশিন্নবা পান্দম থম্মি

নো মনী ফোর তেরর কনফরেন্সনা হীরম অসিদা লৈবাকশিংগী মরক্তা ৱাখল তাহন্নবা অমসুং তেংবাং পীননবা ভারতকী খোঙথাংশিং অসি হেনগৎহল্লগনি

Posted On: 12 NOV 2022 10:57AM by PIB Imphal

ভারত সরকারগী গৃহ মন্ত্রালয়না নই দিল্লীদা নবেম্বর ১৮ অমসুং ১৯দা ৩শুবা মিনিস্ত্রিএল ‘নো মনী ফোর তেরর’ কনফরেন্স পাঙথোক্কনি।

https://static.pib.gov.in/WriteReadData/userfiles/image/image001QKQR.jpg

কনফরেন্স অসি পাঙথোকপনা মোদী সরকারনা ইন্তর্নেস্নেল তেরোরিজমগী সমস্যা লোয়ননা মসিগী খুদোংথিবা অসিগী মায়োক্তা লৈরিবা জিরো তোলরেসন্স পোলিসীদা মরু ওইবা মীৎয়েং চংলি অমসুং হীরম অসিদা ইন্তর্নেস্নেল কম্ম্যুনিতীদা খন্ন-নৈনবশিং পাঙথোক্লি তাক্লি।

গৃহ অমসুং কোওপরেসনগী কেন্দ্র মন্ত্রী, শ্রী অমিত শাহনা কনফরেন্স অসিদা শরুক য়াগনি অমসুং তেরোরিজমগী মায়োক্তা লান্থেংননবা লৈরিবা ভারতকী ফিরেপ লোয়ননা মসিদা মাইপাক্নবগীদমক পীরিবা মাগী সপ্পোর্ত সিস্তেমগী মতাংদা ফোঙদোক্কনি।

কনফরেন্স অসিনা পেরিস (২০১৮) অমসুং মেলবোর্ন (২০১৯)দা পাঙথোকখিবা মমাংগী কনফরেন্স অনিদা ইন্তর্নেস্নেল কম্ম্যুনিতীনা তেরোরিস্ততা শেল থাদবা লাকশিন্নবা খন্ন-নৈনখিবশিং অদু খুমাং চাউশিনহন্নবা পান্দম থম্মি। মসিদা তেক্নিকেল, লিগেল, রিগ্যুলেতরী, অমসুং কোওপরেসন অসিগুম্বা তেরোরিজম ফাইনান্সিংগী লম পুম্নমক্তা খন্ন-নৈনবা য়াওহন্নবা থৌরাংসু তৌরি। মসিনা তেরোরিস্ত ফাইনান্সিং লাকশিনবদা মীৎয়েং থম্বা অতোপ্পা অৱাংবা থাক্কী ওফিসিএল অমসুং পোলিতিকেল দেলিবরেসনশিং খুমাং চাউশিন্নবসু হোৎনরি।

মালেম শিনবা থুংবদা লৈবাকশিং অসি চহি কয়াদগী তেরোরিজম অমসুং মিলিতেন্সীগী চৈথেং নংদুনা লাকখি। হিংশাগী মওং মতৌ অসি অয়াম্বা মফমশিংদা খেন্নৈ অদুবু মতম শাংনা খুৎলাই পাইদুনা চত্থবা সেক্তরিয়ন কনফ্লিক্তশিংগা পুনশিন্দুনা কীনীংঙাই ওইবা জিও-পোলিতিকেল এনভাইর্নমেন্ত অমনা চাউনা খুদোংথিহনগদবা ফীভমদা লৈহল্লি।  অসিগুম্বা কনফ্লিক্তশিংনা অয়াম্বনা লৈঙাক্কী মপাঙ্গল শোনহনবা, রাজনিতীদা তংদু লৈতাদবা, শেন্মীৎলোন শোকহনবা অমসুং অচৌবা অনগর্ভন স্পেস লৈহল্লি। কমপ্লাএন্ত স্তেৎনা য়াওশিনবনা মরু ওইনা ফাইনান্সিং তৌবনা তেরোরিজম হেনগৎহল্লি।

ভারতনা তেরোরিজমগী শক্লোন কয়াগী অমসুং দিকেদ অহুম হেন্না ফাইনান্সিং তৌরম্বগী চৈথেং নংখ্রে মরম অসিনা মসিনা চৈথেং পীবা লৈবাকশিংগী অৱাবা অদু খঙবা ঙম্মি। শান্তি পাম্বা লৈবাকশিংগীদমক লেপ্পা ওইনা অমসুং তেরোরিস্ত ফাইনান্সিং লাকশিন্নবা তুং কোইনা তেংবাং পীননবগীদমক লম্বী অমা য়াৎপদা মতেং পাংনবা ভারতনা ওক্তোবরদা গ্লোবেল ইভেন্ত অনি – দিল্লীদা ইন্তর্পোলগী এন্যুএল জেনরেল এসেমব্লী অমসুং মুম্বাই অমদি দিল্লীদা য়ু.এন. কাউন্তর তেরোরিজম কম্মিতিগী স্পেসিএল সেসন - পাঙথোকখি। পাঙথোক্কদৌরিবা এন.এম.এফ.তি. কনফরেন্স অসিনা লৈবাকশিংগী মরক্তা ৱাখল তাহন্নবা অমসুং তেংবাং পীননবা ঐখোয়গী খোঙথাং শাহৌ পীরগনি।

৩শুবা ‘নো মনী ফোর তেরর’ কনফরেন্সকী খন্ন-নৈনবশিংনা তেরোরিজম অমসুং তেরোরিস্ত ফাইনান্সিংগী গ্লোবেল ত্রেন্দশিং, তেরোরিজমগীদমক ফন্দশিংগী ফোর্মেল অমসুং ইনফোর্মেল চেনেলশিং শীজিন্নবা, অনৌবা তেক্নোলোজীশিং অমসুং তেরোরিস্ত ফাইনান্সিং অমসুং মরী লৈনবা শীংনবশিং কোকহন্নবা মথৌ তাবা ইন্তর্নেস্নেল কো-ওপরেসন্দা মীৎয়েং চংগনি। কনফরেন্স অসিদা লৈবাক ৭৫ অমসুং ইন্তর্নেস্নেল বোদীশিংগী মীহুৎশিং অমত্তা ওইনা পুনশিন্দুনা নুমিৎ নিনি চুপ্না খন্ন-নৈনবা পাঙথোক্কনি।

*****



(Release ID: 1875441) Visitor Counter : 152