ভাৰত চৰকাৰৰ কৃষি আৰু কৃষক কল্যাণ বিভাগৰ সচিব শ্ৰী মনোজ আহুজাৰ অধ্যক্ষতাত কাইলৈ ​​নাগালেণ্ডৰ মেডজিফেমাস্থিত কেন্দ্ৰীয় উদ্যান শস্য প্ৰতিষ্ঠান (চিআইএইচ)ত এখন পৰ্যালোচনা বৈঠক অনুষ্ঠিত হ’ব।

ভাৰত চৰকাৰৰ কৃষি আৰু কৃষক কল্যাণ বিভাগৰ সহযোগত নাগালেণ্ড চৰকাৰৰ উদ্যান শস্য/কৃষি বিভাগৰ সহযোগত অনুষ্ঠিত হ’বলগীয়া বৈঠকত নাগালেণ্ডৰ উত্তৰ-পূব অঞ্চলত ৰূপায়িত হৈ থকা কৃষি আৰু কৃষক কল্যাণ মন্ত্ৰালয়ৰ আঁচনিসমূহৰ ওপৰত যুটীয়াভাৱে পৰ্যালোচনা আৰু আলোচনা কৰা হ’ব, য’ত খাব পৰা তেলৰ ৰাষ্ট্ৰীয় অভিযান– তেলপাম, খাব পৰা তৈলবীজৰ ৰাষ্ট্ৰীয় অভিযান, উদ্যান শস্যৰ সংহত উন্নয়ন অভিযান (এমআইডিএইচ),উত্তৰ-পূৰ্বাঞ্চলৰ বাবে জৈৱিক মূল্য শৃংখল উন্নয়ন, ৰাষ্ট্ৰীয় কৃষি বিকাশ যোজনা (আৰকেভিৱাই), কৃষক উৎপাদক সংস্থা (এফপিঅ’) গঠন আৰু প্ৰসাৰ, ৰাষ্ট্ৰীয় বাঁহ অভিযান আৰু ৰাষ্ট্ৰীয় মৌপালন আৰু মৌ অভিযান (এনবিএইচএম)ৰ বিষয়বোৰে স্থান লাভ কৰিব।

পৰ্যালোচনা বৈঠকত কেন্দ্ৰীয় চৰকাৰে পৃষ্ঠপোষকতা কৰা আঁচনিসমূহৰ উন্নত ৰূপায়ণৰ বাবে আৰু উদ্যান শস্যৰ সম্ভাৱনা, তেলপাম সম্প্ৰসাৰণ, জৈৱিক কৃষিৰ প্ৰসাৰ আৰু ষ্টাৰ্টআপ স্থাপনৰ সুযোগ, এফপিঅ’ বিপণন গঠনৰ বাবে বিভিন্ন বিষয়ত আৰু উত্তৰ-পূৰ্বাঞ্চলত ৰপ্তানিৰ সুযোগ সন্দৰ্ভত দীঘলীয়াকৈ আলোচনা কৰা হ’ব।

এই কাৰ্যসূচীত কৃষি আৰু কৃষক কল্যাণ বিভাগৰ অতিৰিক্ত সচিব, কৃষি আয়ুক্ত, উদ্যান শস্য আয়ুক্ত, যুটীয়া সম্পাদক আৰু সংশ্লিষ্ট বিষয়াসকল উপস্থিত থাকিব। উত্তৰ-পূৰ্বাঞ্চলৰ কৃষি আৰু উদ্যান শস্য উন্নয়নৰ সৈতে জড়িত সমস্যাসমূহৰ ওপৰত কৌশল প্ৰস্তুত আৰু সমাধানৰ বাবে অংশীদাৰসকলৰ লগতে উত্তৰ-পূবৰ ৰাজ্যসমূহৰ জ্যেষ্ঠ বিষয়াসকলেও পাৰস্পৰিক মত-বিনিময় কৰিব।

***

SNC/PK/MS/DB