چیلنج کے حصے کے طور پر تیار کیے گئے حل کا مقصد جہاں بھی ممکن اور مطلوبہ پبلک ٹرانسپورٹ کے رسمی اور غیر رسمی طریقوں کو مربوط کرنا ہے۔ ایسے حل جو شہریوں کی ضروریات کو پورا کرنے کی صلاحیت کو ظاہر کرتے ہیں — جو مختلف سیاق و سباق کے ساتھ شہروں میں رہ رہے ہیں — کو ملک بھر کے منتخب شہروں میں ٹیسٹ/استعمال کیا جائے گا۔

15 اپریل 2021 کو شروع ہونے والے چیلنج کے اسٹیج 1 کے لیے 130 سے ​​زیادہ شہروں نے سائن اپ کیا۔ 100 شہروں نے تعلیمی اداروں، غیر منافع بخش تنظیموں اور آئی پی ٹی یونینز کے ساتھ ساتھ ٹرانسپورٹ کے شعبے میں کام کرنے والے اہم سرکاری اسٹیک ہولڈرز اور حکومتوں کے ساتھ ایک سبھی کے لیے ٹرانسپورٹ ٹاسک فورس  (ٹی ٹی ایف) تشکیل دیا۔

ان شہروں نے 2 لاکھ سے زیادہ شہریوں، 15,000 بس ڈرائیوروں اور کنڈیکٹرز اور 22,000 غیر رسمی پبلک ٹرانسپورٹ (آٹو وغیرہ) ڈرائیوروں کے ساتھ کامیابی کے ساتھ سروے کیا- یہ ملک میں پبلک ٹرانسپورٹ ڈیٹا کی سب سے بڑی مشق ہے۔ 46 شہر ،  جو چیلنج کے اسٹیج 2 کے لیے کوالیفائی کرتے ہیں ، نے سروے کے نتائج کو 165 سے زیادہ مسائل کی تفصیلات  تیار کرنے کے لیے استعمال کیا، جو اب چیلنج ٹیم کے ذریعے 8 مسائل کی تفصیلات کی حتمی فہرست میں تیار کیا گیا ہے

( ضمیمہ1 میں شہروں کی فہرست( شہروں کی فہرست ) .

شہروں کی طرف سے شناخت کیے گئے مسائل اور مسائل کے حل کو تیار کرنے کے لیے چیلنج کا مرحلہ 2 اسٹارٹ اپس کے لیے کھلا ہے تاکہ دلچسپی رکھنے والے اسٹارٹ اپس اسٹارٹ اپ انڈیا پورٹل پر اپنے آئیڈیا/نظریات کے ساتھ رجسٹر کرسکتے ہیں۔ سبھی کے لئے ٹرانسپورٹ چیلنج کا اہتمام دی انسٹی ٹیوٹ فار ٹرانسپورٹیشن اینڈ ڈیولپمنٹ پالیسی(آئی ٹی ڈی پی) کے ساتھ شریک میزبان اور چیلنج کوآرڈینیٹر کے طور پر، عالمی بینک بحیثیت نالج پارٹنر، اسٹارٹ اپ انڈیا اور انوویشن ایکسچینج بحیثیت ٹیکنالوجی پارٹنر، اور ایسوسی ایشن آف اسٹیٹ روڈ ٹرانسپورٹ انڈرٹیکنگ(اے ایس آر ٹی یو) بطور سٹی انگیجمنٹ پارٹنر کے اشتراک سے منعقد کیا گیا ہے۔

سٹیزن پرسیپشن سروے 2022 (زندگی میں آسانی کے تجزیہ کا حصہ)

وزارت برائے ہاؤسنگ اور شہری امور نے اپریل 2022 میں شہری نتائج کا فریم ورک 2022 شروع کیا جس کا مقصد بڑے شعبوں میں شہروں کے کراس سٹی نتائج پر مبنی شہروں کا شفاف اور جامع جائزہ لینا ہے۔

اس فریم ورک میں زندگی میں آسانی اشاریہ کا تیسرا دور بھی شامل ہے۔ زندگی میں آسانی اشاریہ، ایک 360 ڈگری کے جائزہ کے طور پر، کا مقصد پورے ہندوستان کے شہروں کا معیار زندگی، اقتصادی قابلیت، اور پائیداری کی بنیاد پر جائزہ لینا ہے

زندگی میں آسانی اشاریہ کے حصے کے طور پر، شہری شعور سروے Citizen Perception Survey (جس میں زندگی میں آسانی اشاریہ  کے تحت 30% نمبر ہوتے ہیں) کرایا جا رہا ہے۔ یہ تشخیصی مشق کا ایک بہت اہم جز ہے کیونکہ اس سے شہریوں کے تاثرات کو ان کے شہر کے رہنے کے حوالے سے براہ راست حاصل کرنے میں مدد ملے گی۔ یہ خیالات اس بات پر روشنی ڈالیں گے کہ شہری اپنے شہروں کے مختلف پہلوؤں کے بارے میں کیسا محسوس کرتے ہیں جن میں پبلک ٹرانسپورٹ، تعلیم کی سہولیات، صحت کی دیکھ بھال کی خدمات، پانی کی دستیابی، زندگی گزارنے کی لاگت، روزگار کے مواقع وغیرہ شامل ہیں۔

یہ سروے، جس کا انتظام آن لائن اور آف لائن دونوں طرح سے کیا جا رہا ہے، 9 نومبر 2022 سے شروع ہوا اور 23 تاریخ تک، آمنے سامنے انٹرویوز پر مشتمل آف لائن ورژن آن لائن سروے کے متوازی طور پر چلے گا۔ سٹیزن پرسیپشن سروے سب سے پہلے 2020 میں کیا گیا تھا اور اس کا ہدف 16 لاکھ جوابات تھے جب کہ ہم سروے میں حصہ لینے والے 111 شہروں میں رہنے والے 32 لاکھ سے زیادہ شہریوں سے جواب حاصل کرنے میں کامیاب رہے۔ اس سال یہ سروے 264 شہروں میں کیا جائے گا جس کا مقصد ملک کے طول و عرض میں 21 لاکھ سے زیادہ شہریوں کی رائے حاصل کرنا اور ان کی عکاسی کرنا ہے۔ شرکت کرنے والے 264 شہروں کے شہریوں  سے درخواست کی جاتی ہے کہ وہ درج ذیل لنک پر اپنی رائے جمع ۰کرائیں۔ https://eol2022.org/ ۔

شہر فعال طور پر سٹیزن پرسیپشن سروے کو فروغ دیں گے اور جدید حکمت عملی اپناتے ہوئے زیادہ سے زیادہ شہریوں کو اپنے شہر کے تاثرات شیئر کرنے کے لیے مشغول کریں گے۔ بہترین کارکردگی دکھانے والے شہروں کو 'سٹی انگیجمنٹ ایوارڈ' کے تحت انعام دیا جائے گا۔ نیشنل انسٹی ٹیوٹ آف اربن افیئرز(این آئی یو اے) اپنی ایجنسی کوالٹی کونسل آف انڈیا (کیو سی آئی) کے ساتھ اس پروگرام کی اینکرنگ کر رہا ہے، جو اس مشق کو شروع کرنے میں ایم ایچ یو اے کی مدد کر رہے ہیں۔