ইনফোর্মেসন অমসুং ব্রোদকাস্তিং মন্ত্রালয়
ইনফোর্মেসন অমসুং ব্রোদকাস্তিংগী কেন্দ্রগী রাজ্য মন্ত্রী দোক্তর এল. মুরুগন্না আই.এফ.এফ.আই. ৫৩গী শেম শারিবশিং য়েংশিনখ্রে
কুমহৈ অসি মায় পাকহন্নবগীদমক স্তেকহোল্দর খুদিংমক্না পুন্না হোৎনমিন্নবা মথৌ তাই: এম.ও.এস.
Posted On:
07 NOV 2022 5:13PM by PIB Imphal
পনাজী, নবেম্বর ৭, ২০২২
ইনফোর্মেসন অমসুং ব্রোদকাস্তিংগী কেন্দ্রগী রাজ্য মন্ত্রী দোক্তর এল মুরুগন্না ঙসি ৫৩শুবা ইন্তরনেস্নেল ফিল্ম ফেস্তিবেল ওফ ইন্দিয়া (আই.এফ.এফ.আই.)গী শেম শারিবশিং য়েংশিনখ্রে। মন্ত্রীনা তোঙান তোঙানবা থৌরম পাঙথোকফমশিংদা চত্তুনা মখোয়শিংদু হেক য়ারিবমখৈ থুনা শীজিন্নবা য়াবা মওংদা লোইশিন্নবা ৱাফম খঙহনখি। ইনফোর্মেসন অমসুং ব্রোদকাস্তিং মন্ত্রালয়গী সেক্রেতরী, অপুর্ব চন্দ্র, দাইরেক্তর জেনেরেল (ৱেস্তর্ন জোন), ইনফোর্মেসন অমসুং ব্রোদকাস্তিং মন্ত্রালয়, মোনিদীপা মুখর্জী, মেনেজিং দাইরেক্তর, নেস্নেল ফিল্ম দিভেলপমেন্ত কোর্পোরেসন (এন.এফ.দি.সি.) রবিন্দ্ ভাকর, জোইন্ত সেক্রেতরী (ফিল্ম্স) প্রিথুল কুমার, ইনফোর্মেসন অমসুং ব্রোদকাস্তিং মন্ত্রালয়, গোৱা ইন্সপেক্তর জেনেরেল ওফ পুলিস ওমবির সিংহ বিস্নোই, সেক্রেতরী, ইনফোর্মেসন এন্দ পব্লিক রিলেসন্স, গোৱা লৈঙাক, সুভাস চন্দ্র, চীফ একজেক্যুতিব ওফিসর, এন্তরতেনমেন্ত সোসাইতী ওফ গোৱা স্বেতিকা সচন অমদি অতৈ ওফিসিএলশিং মীফম অদুদা শরুক য়াখি।
![](https://static.pib.gov.in/WriteReadData/userfiles/image/WhatsAppImage2022-11-07at5.09.32PMBWIF.jpeg)
কেন্দ্র মন্ত্রী দোক্তর মুরুগন্না আই.এফ.এফ.আই.দা পাঙথোক্কদৌরিবা তোঙান তোঙানবা থৌরমশিংগীদমক শেম শারিবা ফিল্ম বজার অমসুং স্তেত পেভিলিয়ন্নচিংবা মফমশিংসু য়েংশিনখি। মফমশিং অসি শেমগৎপগী তোঙান তোঙানবা তাঙ্কক্তা লৈরিবা মরম্না, মন্ত্রীনা থবকশিং অদু হেক য়ারিবমখৈ থুনা লোইশিন্নবা ৱাফম থমখি। মফমশিং অদুদা চৎলুরবা মতুংদা, মন্ত্রীনা আই.এফ.এফ.আই. ৫৩ পাঙথোকপা অমদি শিন লাংবদা য়াওরিবা তোঙান তোঙানবা লুপশিংগা মীফম অমা পাঙথোকখি। মীফম অদুদা ৱা ঙাঙলদুনা, মহাক্না স্তেকহোল্দর পুম্নমক্কী মফমদা ফেস্তিবেল অসি খ্বাইদগী ফজবা মওংদা পাঙথোক্নবগীদমক হোৎননবা অমদি পুন্না থবক তৌমিন্ননবা ৱাফম থমখি। মহাক্না গোৱাগী নুংঙাইবা অমদি হরাও তয়াম্বগী ইথিল অসিবু শীজিন্নদুনা আই.এফ.এফ.আই. অসিনা অনৌবা থাক অমদা পুখৎনবা ৱাফম থমখি।
![](https://static.pib.gov.in/WriteReadData/userfiles/image/WhatsAppImage2022-11-07at5.09.31PMEAR5.jpeg)
মীফম অদুদা ৱা ঙাঙলদুনা, ইনফোর্মেসন অমসুং ব্রোদকাস্তিং মন্ত্রালয়গী সেক্রেতরী অপুর্ব চন্দ্রনা মীথুংশিং অমদি ফিল্ম পর্সনেলিতীশিং অনিমক আই.এফ.এফ.আই. ৫৩দা নুংঙাইরবা মহাও অমা ফংহন্নবগীদমক অখন্নবা থবক থৌরাং লৌখৎপগী মথৌ তাবা ৱাফম থমখি। মীথুংশিংনা ফিল্ম অসিগী মহাও খ্বাইদগী নুংঙাইবা মওংদা কমদৌনা লৌগদগে হায়বা থৌরং তৌজবা য়ানবগীদমক ৱেবসাইত অমসুং মোবাইল এপ অনিমক অথুবা মতমদা থৌরাং তৌনবা পাউতাক পীখি।
এন.এফ.দি.সি. মেনেজিং দাইরেক্তর রবিন্দ্র ভাকরনা শরুক য়ারিবা ময়ামগী মফমদা আই.এফ.এফ.আই.দা পুথোক্কদৌরিবা তোঙান তোঙানবা অনৌবা মশক মওংশিংগী মরমদা খঙহনখি। ইদিসন অসিদা মমাঙগী ইদিসনশিংদগা য়েংনবদা লৈবাকসিগী অমদি মালেমগী ফিল্ম পর্সনেলিতী মশিং হেন্না য়াম্না তিনগনি হায়না মেনেজিং দাইরেক্তরনা পাউদমখি। থৌরম য়াত্থোকপা অমদি খুজি থৌরাং য়াৎপা মওং চুম্না চৎলি অমদি মচা খায়বা থৌরমগী পরিং মীথুংশিংগী মফমদা অথুবা মতমদা ফংহল্লগনি হায়না মহাক্না পাউদমখি।
![](https://static.pib.gov.in/WriteReadData/userfiles/image/WhatsAppImage2022-11-07at5.09.31PM(1)7QUY.jpeg)
গোৱা ইন্সপেক্তর জেনেরেল ওফ পুলিস, ওমবির সিংহ বিস্নোইনা ফিল্ম পর্সনেলিতী অমসুং মীথুং অনিমক্কী সেফ্তী অমদি সিক্যুরিতীগীদমক শেম শারিবা তোঙান তোঙানবা ঙাকশেলগী থৌরাংশিং য়েংশিনখি। হরাও তয়াম্বা অমদি কুমহৈ হরাও পাঙথোকপগী ফীভম ঙাক্না থমদুনা সেফ্তীকী মথৌ তাবশিংসু চাং চানা থম্বগী তঙায় ফদবশিংসু মহাক্না খঙদোকখি।
*******
(Release ID: 1874311)
Visitor Counter : 135