ریلوے   کے تحفظ سے متعلق دستہ (آر پی ایف) کو  ریلوے املاک کی حفاظت کی ذمہ داری سونپی گئی ہے اور اسے یقینی بنانے کے لئے کئی اقدامات کئے جارہے ہیں۔ ریلوے املاک کی چوری کے  معاملے آر پی ایف کے ذریعےآر پی (یو پی) ایکٹ کی دفعات کے تحت درج کئے جاتے ہیں اور پوچھ تاچھ کی جاتی ہےْ؛ اس کے بعد چوری کی گئی ریلوے کی املاک کا پتہ لگانا، اس کی بازیافت کرنا اور مجرموں کی گرفتاری کی جاتی ہے/ مقدمہ چلایا جاتا ہےْ۔   آر پی ایف نے ریلوے ایکٹ 1989 کے تحت  مقدمہ چلانے کی کارروائی بھی شروع کی ہے۔ جانچ  اور تحقیقات کے دوران ، گرفتاری سے بچنے والے مجرموں/ ملزموں کے خلاف ذیلی عدالتوں  سے گرفتاری کے وارنٹ جاری کئے جاتے ہیں اور انھیں عدالت کے سامنے پیش کیا جاتا ہے۔ وارنٹ کی تعمیل یا نامزد ملزم  کی گرفتاری میں تاخیر  سے ، معاملوں  کا نمٹارہ کرنے میں  تاخیر ہوتی ہے، جس سے عدالتوں اور  قانون  نافذ کرانے والی ایجنسیوں پر اضافی بوجھ پڑتا ہے اور انصاف کے تئیں  انتظامیہ پر  نامناسب اثر پڑتا ہے۔ وارنٹ کی جلد تعمیل کو یقینی بنانے اور مفرور/ مجرمان کو  عدالتوں کے سامنے پیش کرنے کے لئے،  بھارتی ریلوے میں وارنٹ کی تعمیل پر توجہ مرکوز کرتے ہوئے ،   ملک بھر میں  یکم اکتوبر2022 سے 31 اکتوبر 2022 تک ایک ماہ طویل مہم چلائی گئی۔

مہم کے دوران 289 معاملوں میں ملوث 319 مجرموں کو، جو قانونی کارروائی سے بچ رہے تھے، گرفتار کیا گیا اور متعلقہ عدالتوں کے سامنے پیش کیا گیا۔ ان میں 52 مجرم ایسے بھی تھے، جو پچھلے 10 سے 15 برسوں سے فرار تھے۔

آر پی ایف کی علاقائی انتظامیہ، مستقبل میں بھی  اسی   جذبےکے ساتھ  وارنٹ کی  تعمیل کے عمل کو جاری رکھے گی۔

*****

ش ح۔ ن ر 

U NO: 12238