নেসনেল মিন্স কম মেরিত স্কোলারশিপ স্কিম(এন এম এম এস)কী এপ্লিকেসনশিং(অনৌবা/রিনিউএল) পীশিনবগী অরোইবা মতম নবেম্বর ১৫, ২০২২নি । নেসনেল মিন্স কম মেরিত স্কোলারশিপ স্কিমগী স্কোলারশিপশিং অসি ক্লাস ৮দা লাইরিক তম্বা তোক্তনবা অমসুং মখোয় মখা তানা সেকেন্দরি থাক ফাওবা লাইরিক তম্নবা লাইরিক ফবা শেন-থুমগী ফিবম ফত্তবা কাংলুপশিংগী মহৈরোয়শিংদা পীবনি। চহি খুদিংগী ক্লাস ৯গী খনগৎলবা মহৈরোয়শিংদা ফ্রেস স্কোলারশিপ লাখ ১ পীরি অমসুং রাজ্য সরকার, সরকারগী এদেদ অমসুং লোকেল বোদিশিংগী স্কুলশিংদা তম্বা ক্লাস ১০ অমসুং ক্লাস ১২গী মহৈরোয়শিংদা মখা তানা স্কোলারশিপশিং পীরি। স্কোলারশিপকী শেনফম অসি চহি অমদা লুপা ১২০০০নি।

নেসনেল মিন্স কম মেরিত স্কোলারশিপ স্কিম(এন এম এম এস) অসি মহৈরোয়শিংদা স্কোলারশিপ পীনবা স্কিমশিংগী প্লেতফোর্ম নেসনেল স্কোলারশিপ পোর্তেল(এন এস পি)দা থাগৎলে। নেসনেল মিন্স কম মেরিত স্কোলারশিপ স্কিম(এন এম এম এস)গী স্কোলারশিপশিং অসি দি.বি.তিগী মওংদা পব্লিক ফাইনান্সিএল মেনেজমেন্ত সিস্তেম(পি এফ এম এস)কী খুৎথাংদা ইলেকত্রোনিক ওইনা মহৈরোয়শিংগী বেঙ্ক একাউন্তশিংদা হকথেংন্না হাপচিল্লে। মসি কেন্দ্রনা চাদা ১০০ পুথোকপা স্কিম অমনি।

চহি অমদা লুপা ৩,৫০,০০০ দগী হেন্দবা শেন্থোক লৈবা মমা-মপাশিংগী মচাশিংনা স্কোলারশিপ অসি লৌবা য়াগনি। স্কোলারশিপ অসি ফংনবা চাংয়েংদা শরুক য়ানবগীদমক মহৈরোয়শিংনা ক্লাস ৮কী পরিখাদা য়ামদ্রবদা চাদা ৫৫দগী তাদনা ফংগদবনি অমসুং মসি এস.সি/এস.তি মহৈরোয়শিংগী ওইনা চাদা ৫ কোমথোক্লি।

স্কিম অসি থাক অনিগী ভেরিফিকেসন লৈরি। অহানবা থাক্তা ইন্সতিতুৎ নোদেল ওফিসার(আই এন ও) লেবেল অমসুং অনিশুবা থাক্না দিস্ত্রিক নোদেল ওফিসার(দি এন ও)লেবেলনি। আই.এন.ও লেবেলগী ভেরিফিকেসনগী অরোইবা মতম নবেম্বর ৩০, ২০২২নি অমসুং দি.এন.ও লেবেলগী ভেরিফিকেসনগী অরোইবা মতমনা দিশেম্বর ১৫, ২০২২নি।

*****