অরুনাচল প্রদেশ রাজ্যগী ইতানাগরগী হোল্লোঙ্গোইগী অনৌবা গ্রীনফিল্দ এয়রপোর্তপু “দোনয়ি পোলো এয়রপোর্ত, ইতানাগর” হায়না মমিং ওনবদা কেন্দ্রগী কেবিনেতনা অয়াবা পীখ্রে।

হোল্লোঙ্গি গ্রীনফিল্দ এয়রপোর্ত শাবগী ‘ইন-প্রিন্সিপল’গী অয়াবসি ভারত সরকারনা জনুৱারী ২০১৯দা পীখিবনি। প্রোজেক্ত অসিমক এয়রপোর্ত ওথোরিতী ওফ ইন্দিয়া (এ.এ.আই.)না কেন্দ্র অমসুং অরুনাচল প্রদেশ সরকারগী মতেংগা লোয়ননা লুপা করোর ৬৪৬ চঙনা পায়খৎপনি।

অরুনাচল প্রদেশ সরকারনা রাজ্যসিগী চৎনবী অমসুং ইনাক খুল্লবা হেরিতেজ মশক তাক্নবগীদমক্তা মীয়াম্না নুমিত (দোনয়ি) অমসুং থা (পোলো) নিংবগী মতৌ তাক্তুনা এয়রপোর্ত অসিবু ‘দোনয়ি পোলো এয়রপোর্ত, ইতানাগর’ হায়না মিং ওনবগী ৱারেপ লৌখিবনি।

অরুনাচল প্রদেশতা হৌজিক এয়রপোর্ত অনি, মিং ওইনা পল্লবদা, তেজু অমসুং পসিঘাত এয়রপোর্ত মথৌ পাংথোক্লি। ভারতকী অৱাং নোংপোকপু লৈবাক্কী গ্রোথ ইঞ্জিন ওইনা চাউখৎহনবগী প্রধান মন্ত্রীগী মঙলানগী মখাদা দোনয়ি এয়রপোর্তনা অরুনাচল প্রদেশকী মথৌ পাংথোকপা অহুমশুবা এয়রপোর্ত ওইগনি অমসুং অৱাং নোংপোক্কী অপুনবা এয়রপোর্ত মশিংবু ১৬ ওইহনগনি। লমদমসিদা ইং ২০১৪ ফাওবদা শুপ্নগী এয়রপোর্ত ৯খক লৈরম্বনি। এয়রক্রাফ মুবমেন্তনা ইং ২০১৪দা চহি অমগী চয়োলদা ৮৫২ ওইরম্বদগী ইং ২০২২দা ১৮১৭ ওইদুনা ১১৩%গী চাংদা হেনগৎলে।

ইতানাগরগী হোল্লোঙ্গিদা লৈরিবা গ্রীনফিল্দ এয়রপোর্ত অসি অরুনাচল প্রদেশকী মীয়াম্না মতম শিংবদগী পামদুনা লাকপনি অমসুং ইকায় খুম্ননীংঙাই ওইরবা প্রধান মন্ত্রীগী লুচিং মখাদা মঙলান অসি মঙফাওনখিবনি।

***

(Release ID: 1873243) Visitor Counter : 97