ہندوستانی فوج نے اپنے ’ گو-گرین انیشی ایٹو ‘ یعنی ’سبز پہل کے ساتھ جاؤ‘ کے ذریعے دہلی چھاؤنی میں مختلف مقامات پر الیکٹرک گاڑیوں (ای وی) کے لیے 16 چارجنگ اسٹیشن قائم کرنے کے لیے، ہندوستان کی سب سے بڑی مربوط یوٹیلیٹی، ٹاٹا پاور کے ساتھ تعاون کیا ہے۔ چارجنگ اسٹیشنوں کا افتتاح آج لیفٹیننٹ جنرل دھیرج سیٹھ، جی او سی دہلی ایریا، نے فوجی حکام اور ٹاٹا پاور اور ٹاٹا موٹرز کے سینئر ایگزیکٹوز کی موجودگی میں کیا۔

دہلی چھاؤنی میں تمام 16 چارجنگ اسٹیشن سیٹ اپ دہلی چھاؤنی میں ذاتی اور سرکاری ای وی کے لیے استعمال کیے جا سکتے ہیں۔ ہندوستانی فوج چارجرز کو توانائی بخشنے کے لیے اپ اسٹریم پاور انفراسٹرکچر کا بندوبست کرنے کے ساتھ ساتھ ای وی چارجنگ اسٹیشن قائم کرنے کے لیے مناسب سہولیات فراہم کر رہی ہے۔

ٹورس اسٹیشن کینٹین میں پہلے ای وی چارجنگ اسٹیشن کا افتتاح کرتے ہوئے، لیفٹیننٹ جنرل دھیرج سیٹھ، جی او سی دہلی ایریا نے کہا، "یہ ہندوستانی فوج اور ٹاٹا پاور کا حکومت ہند کے نیشنل الیکٹرک موبلٹی مشن پلان( این ای ایم ایم پی) کے نفاذ کی طرف ایک منفرد ابتدائی قدم ہے اور ہندوستانی فوج کی ' گو گرین' پہل۔

جناب ویریندر گوئل، سربراہ بزنس ڈیولپمنٹ، ٹاٹا پاور نے کہا کہ "یہ ہندوستان کی دو قابل ذکر وراثتی تنظیموں کے درمیان ایک طرح کا تعاون ہے، جن میں سے ایک علاقائی سلامتی کی ضمانت دیتا ہے اور دوسرا صاف ستھرے اور سبز توانائی کی مصنوعات اور حل فراہم کرکے ملک کی توانائی کی حفاظت کو بڑھا رہا ہے۔ ہمیں دہلی چھاؤنی کے اندر ای وی صارفین کے لیے آسان تیز تر چارجنگ اسٹیشن قائم کرنے کے لیے ہندوستانی فوج کے ساتھ کام کرنے پر خوشی ہے۔ حکومت ہند کے نیشنل الیکٹرک موبلٹی مشن پلان کے مطابق ای وی چارجنگ انفراسٹرکچر تیار کرنا ہے۔

ٹاٹا پاورز،  صارفین کی حوصلہ افزائی کے لئے موبائل چارجز نے تمام پلیٹ فارمز پردستیاب اپنی  چارج موبائل ایپ کے ذریعے چارجنگ اسٹیشنوں تک رسائی کو آسان اور صارف دوست بنا دیا ہے۔ اس میں متعدد خصوصیات ہیں جو ای وی صارفین کو بغیر کسی رکاوٹ کے ای وی چارجنگ کا تجربہ فراہم کرتی ہیں بشمول ای پیمنٹ، قریب ترین ای وی چارجنگ اسٹیشن کا مقام وغیرہ۔

ہندوستانی فوج اور ٹاٹا پاور کے درمیان اس تعاون کا آغاز پائیدار نقل و حرکت کی طرف ملک کی مہم کو مزید تقویت دے گا۔

*************

ش ح۔   ش ت۔ج

Uno-12143

(Release ID: 1873203) Visitor Counter : 180