প্রধান মন্ত্রী, শ্রী নরেন্দ্র মোদীনা লুচিংবা কেবিনেতনা ভারত অমসুং দেনমার্ক্না ৱাতর রিসোর্স দিভেলপমেন্ত অমসুং মেনেজমেন্তকী লমদা তেংবাংননবা খুৎয়েক পীনখিবা মেমোরেন্দম ওফ অদর্স্তেন্দিং (এম.ও.য়ু.)গী অয়াবা পীখ্রে।

এম.ও.য়ু. অসিদা মনুং চল্লিবা তেংবাংনবগী হীরমশিং মখাদা পীরি:

• ইনফোর্মেসনশিং দিজিতাইজ তৌবা অমসুং ফংবদা লায়হনবা;
• ইন্তিগ্রেতেদ অমসুং স্মার্ত ওইবা মওংদা ৱাতর রিসোর্স দিভেলপমেন্ত অমসুং মেনেজমেন্ত তৌবা;
• একুইফর মেপ্পিং, গ্রাউন্দৱাতর মোদেল্লিং, মোনিতরিং অমসুং রিচার্জ তৌবা;
• নন-রেভেন্যু ৱাতর অমসুং ইনর্জী কঞ্জম্পসন হন্থহনবা য়াওনা য়ুম্থোং খুদিংগী থাক্তা নীংথিনা অমসুং তুং কোইনা ৱাতর সপ্লাই তৌবা;
• হিংবা য়াবগী মতৌ, রেজিলিএন্স অমসুং শেন্মিৎলোন চাউখৎপা হেনগৎহন্নবগীদমক্তা তুরেল অমসুং ৱাতর বোদী রিজুভিনেত তৌবা;
• ৱাতর মোনিতরিং অমসুং মেনেজমেন্ত তৌবা;
• স্লজ মেনেজমেন্ত পাক শন্না পাংথোকপা অমসুং ৱাতর সপ্লাই অমদি সেনিতেসনগী লমদা রিনুএবল ইনর্জী শিজিন্নবগী চাং য়াম্না হেন্না ৱাংহনবা য়াওনা ৱাস্তৱাতর রিয়ুজ/রিসাইক্লিং তৌনবগীদমক্তা সর্ক্যুলর ইকোনোমী লৈহনবা অমসুং সিৱেজ/ ৱেস্তৱাতর ত্রিতমেন্ত তৌবা;
• মহৌশাদা য়ুম্ফম ওইবা ৱারোইশিন পুথোকপা য়াওনা ক্লাইমেত চেঞ্জ মিতিগেসন অমসুং এদাপ্তেসন তৌবা;
• অর্বান ফ্লদ মেনেজমেন্ত তৌবা য়াওনা তুরেলদা মরু ওইবা য়ুম্ফম পীরগা অর্বান প্লান্নিং তৌবা;
• পেরি-অর্বান অমসুং রুরেল মফমশিংগী মহৌশাদা য়ুম্ফম ওইদুনা লিক্বিদ ৱেস্ত এবেতমেন্ত তৌবগী থবকশিং।

এম.ও.য়ু. অসিনা তেংবাংনবগী মনুং চনবা হীরমশিংদা ওফিসিএল, একাদমিক্স, ৱাতর সেক্তর অমসুং ইন্দস্ত্রীশিংনা হকথেংননা তেংবাংনদুনা ৱাতর রিসোর্স দিভেলপমেন্ত অমসুং মেনেজমেন্ত; রুরেল ৱাতর সপ্লাই; অমসুং সিৱেজ/ৱেস্তৱাতর ত্রিতমেন্ত তৌবগী লমদা তেংবাংনবগী থৌওং য়াম্না হেনগৎহনগনি।

বেকগ্রাউন্দ:

কিংদম ওফ দেনমার্ক্কী প্রধান মন্ত্রী, শ্রী মেত্ত ফ্রেদেরিক্সন অমসুং ভারতকী প্রধান মন্ত্রী, শ্রী নরেন্দ্র মোদীনা ভারত অমসুং দেনমার্ক্কী ভর্চুএল সম্মিত অমা সেপ্তেম্বর ২৮, ২০২০দা পুন্না লুচিংমিন্নদুনা ফমখি অমসুং লৈবাক অনিগী মরক্তা লৈগদবা গ্রীন স্ত্রেতজিক পার্ত্নরশিপ শেম্বগী মতাংদা অপুনবা ৱারোল অমা থোকখি। অপুনবা ৱারোল অসিদা ইনভাইরনমেন্ত/ৱাতর অমসুং সর্ক্যুলর ইকোনোমী অমদি স্মার্ত সিতীশিং য়াওনা সস্তেনেবল অর্বান দিভেলপমেন্তকী লমদা তেংবাংনবগী ৱাফম য়াওরি।

মীফম অসিগী মখা তারকপা ওইনা, দেনমার্ক্কী প্রধান মন্ত্রী, শ্রী মেত্ত ফ্রেদেরিক্সন্না মহাক্কী ভারত খোঙচত মনুং চন্না ওক্তোবর ৯, ২০২১দা অপুনবা ৱারোল অসিগী মখা তাবা ওইনা মখাগী ৱারোলশিং লাউথোকখি:

• সেন্তর ওফ এক্সেলেন্স ফোর স্মার্ত ৱাতর রিসোর্স মেনেজমেন্ত (সি.ও.ই.এস.দবল্যু.এ.আর.এম.) লিংখৎপা
• পঞ্জিগী স্মার্ত সিতী লেবকী মখা পোন্না ভরানসীদা লেব ফোর ক্লিন রিভর্স লিংখৎপা

ভারতকী প্রধান মন্ত্রী, শ্রী নরেন্দ্র মোদীনা মহাক্কী দেন্মার্ক খোঙচত মনুংদা ভারত সরকারগী জল শক্তি মন্ত্রালয় অমসুং দেন্মার্ক সরকারগী ইনভাইরনমেন্ত মন্ত্রালয়গী মরক্তা মে ৩, ২০২২দা লেত্তর ওফ ইন্তেন্ত অমগী খুৎয়েক পীনখি। নাকল অনিসিনা অনৌবা খোঙথাং অনি - সেন্তর ওফ এক্সেলেন্স ফোর স্মার্ত ৱাতর রিসোর্স মেনেজমেন্ত অমসুং ভরানসীদা লেব ফোর ক্লিন রিভর্স লিংখৎপগী থৌওং মনুং চনগদবা এম.ও.য়ু. অমগী মখাদা চঙবগী অপাম্বগা লোয়ননা লেত্তর ওফ ইন্তেন্ত অসিগী খুৎয়েক পীনখিবনি। তেংবাংনবগী ৱাহৌদোক থম্লিবা অসিগী মপুং ওইবা পান্দমদি হোলিস্তিক অমসুং সস্তেনেবল ওইবা থৌওংগী খুত্থাংদা হৌজিক অমসুং তুংগী মতমগী তঙাই ফদবশিং থেংনবা ঙম্নবগীদমক্তা তেক্ত কায়দবা অমসুং অশেংবা ঈশিং ফংহন্নবা হোৎনবনি।

জল শক্তি মন্ত্রীনা মহাক্কী দেন্মার্ক খোঙচৎ মনুংদা লেত্তর ওফ ইন্তেন্ত অসিগী মখা তাবা ওইনা, ভারত সরকারগী দি.ও.দবল্যু.আর., আর.দি. অমসুং জি.আর. অমদি দেন্মার্ক সরকারগী ইনভাইরনমেন্ত মন্ত্রালয়গী মরক্তা ১২/৯/২০২২দা এম.ও.য়ু. অমগী খুৎয়েক পীনখি।

***********