యువజన వ్యవహారాలు మరియు క్రీడల శాఖ మరియు దాని అనుబంధ సంస్థలు నెహ్రూ యువ కేంద్ర సంఘటన్ (ఎన్‌వైకెఎస్‌) మరియు నేషనల్ సర్వీస్ స్కీమ్ (ఎన్‌ఎస్‌ఎస్‌)లు సర్దార్ వల్లభాయ్ పటేల్ జయంతి సందర్భంగా ఆజాదీ కా అమృత్ మహోత్సవ్ సంవత్సరంలో ఐక్యతా రన్స్‌ను దేశంలోని అన్ని జిల్లాల్లో నిర్వహించాయి. కేంద్ర యువజన వ్యవహారాలు & క్రీడల మంత్రి శ్రీ అనురాగ్ ఠాకూర్ పంజాబ్‌లోని మొహాలీ నుండి రన్ ఫర్ యూనిటీని జెండా ఊపి ప్రారంభించారు. దేశవ్యాప్తంగా యువజన వ్యవహారాల శాఖ,ఎన్‌వైకెఎస్,ఎన్‌ఎస్‌ఎస్‌ మరియు ఇతరులు 55.32 లక్షల మంది యువత భాగస్వామ్యంతో 95,02,109 కి.మీ.ల దూరాన్ని కవర్ చేయడం ద్వారా యూనిటీ కోసం 90,122 పరుగులు నిర్వహించారు.

జాతీయ ఐక్యత సారాంశం గురించి పౌరులలో అవగాహన కల్పించడం మరియు భిన్నత్వం మధ్య సౌభ్రాతృత్వం, ఐక్యత యొక్క స్ఫూర్తిని పెంపొందించడం దీని లక్ష్యం. అలాగే పౌరులలో సందేశాన్ని ప్రచారం చేయడం మరియు రన్నింగ్ వంటి సాధారణ శారీరక శ్రమల ద్వారా ఆరోగ్యంగా మరియు ఫిట్‌గా ఉండాలనే తత్వాన్ని ప్రచారం చేయడం కూడా దీని ఉద్దేశం.

ఎన్‌వైకెఎస్‌ 62,418 కార్యకలాపాలను నిర్వహించింది. వీటిలో 60,014 పరుగులు, 442 బైక్ ర్యాలీలు మరియు 1962 సైకిల్ ర్యాలీలు ఉన్నాయి. ఇందులో పాల్గొన్నవారు మొత్తం 94,74,685 కిలోమీటర్ల దూరం ప్రయాణించారు. 61,796 గ్రామాల పరిధిలోని 5333 బ్లాకుల్లో కార్యకలాపాలు జరిగాయి. ఈవెంట్‌లలో 18,34,217 మంది (12,12,088 మంది పురుషులు మరియు 6,22,129 మంది మహిళలు) పాల్గొన్నారు. అదేవిధంగా ఎన్‌ఎస్‌ఎస్‌ ద్వారా 28,307 సంస్థలను కవర్ చేస్తూ 27,704 పరుగులు నిర్వహించబడ్డాయి. ఇందులో 36,98,424 మంది (20,21,16 పురుషులు + 16,76,508 మంది మహిళలు) పాల్గొన్నారు.

ప్రతి సంవత్సరం అక్టోబరు 31న సర్దార్ వల్లభ్ భాయ్ పటేల్ జయంతి సందర్భంగా దేశానికి ఆయన చేసిన సేవలను స్మరించుకుంటూ జాతీయ ఐక్యతా దినోత్సవాన్ని జరుపుకుంటున్నాం. స్వతంత్ర భారతదేశ ఏకీకరణలో కీలక పాత్ర పోషించిన ఆ మహానీయునికి ఈ ఆచారం సముచితమైన నివాళి. ఐక్యత సారాంశం మరియు స్ఫూర్తిని  ప్రజల్లో ముఖ్యంగా యువతలో  వ్యాప్తి చేయాలి. తద్వారా రాబోయే తరాలు జాతీయ ఐక్యత యొక్క అనుభూతిని మరియు ప్రాముఖ్యతను పొందడమే కాకుండా స్వాతంత్ర్య సమరయోధులు మరియు దేశ సమగ్రతను నిలబెట్టడానికి అత్యున్నత త్యాగాలు చేసిన నాయకుల గురించి కూడా తెలుసుకుంటారు.

రన్ ఫర్ యూనిటీ పట్ల ప్రజల్లో అవగాహన కల్పించడానికి మరియు గరిష్ట భాగస్వామ్యాన్ని కల్పించడానికి  వారం రోజుల జాతీయ ఐక్యత పరుగులు 25 అక్టోబర్ 2022 నుండి ప్రారంభమయ్యాయి. ఇది ఇంటెన్సివ్ ప్రచారం మరియు ఫోకస్డ్ విధానం ద్వారా 31 అక్టోబర్ 2022న ముగిసింది.

తగినంత మరియు విస్తృతమైన ప్రచారం సృష్టించడం ద్వారా ఐక్యత రన్స్‌లో భారీ భాగస్వామ్యం నమోదయింది. ఇది నిజమైన ప్రజా ఉద్యమంగా మార్చడానికి గరిష్ట సంఖ్యలో ప్రజలు సమీకరించబడ్డారు. సర్దార్ పటేల్ జీవితంపై డిజిటల్ ఎగ్జిబిషన్ చూసేందుకు సాంస్కృతిక మంత్రిత్వ శాఖ వెబ్‌సైట్‌ను కూడా సందర్శించారు. కార్యక్రమంలో భాగంగా ఉపన్యాసాలు, సెమినార్లు, దేశభక్తి గీతాల ప్రదర్శనలు వంటి ఇతర కార్యక్రమాలు నిర్వహించారు. జాతీయ ఐక్యత మరియు ప్రజలకు ఆరోగ్యకరమైన మరియు అనుకూలమైన జీవితంపై అవగాహన పెంపొందించే నినాదం ఆరోగ్యకరమైన, బాధ్యతాయుతమైన పౌరులను తయారు చేయడానికి ఖచ్చితంగా మరియు పరీక్షించబడిన విధానం.

సమాజంలోని అన్ని వర్గాల పౌరుల స్వచ్ఛంద భాగస్వామ్యంతో మన దేశ ఐక్యత, సమగ్రత మరియు భద్రతకు అసలైన మరియు సవాళ్లను తట్టుకోవడానికి మన దేశం యొక్క స్వాభావిక బలం మరియు స్థితిస్థాపకతను తిరిగి ధృవీకరించడానికి ఈ సందర్భ అవకాశం కల్పించింది.

ప్రింట్, ఎలక్ట్రానిక్, మాస్ మరియు సోషల్ మీడియా ద్వారా విస్తృత ప్రచారం చేయడం ద్వారా ఐక్యత రన్‌ పట్ల ప్రజల్లో అవగాహన పెరిగింది. ప్రోగ్రామ్ ఔట్రీచ్‌ని మెరుగుపరచడానికి ప్రీ మరియు పోస్ట్ రన్ ప్రెస్ రిలీజ్‌లు కూడా జారీ చేయబడ్డాయి. #ఆజాదీకాఅమృత్‌మహోత్సవ్ #రన్‌ఫర్‌యూనిటీ వంటి ప్రచార హ్యాష్‌ట్యాగ్‌ని సోషల్ మీడియా ప్లాట్‌ఫారమ్‌లలో అవసరమైన బజ్ సృష్టించడానికి జిల్లా ఎన్‌వైకెలు మరియు ఎన్‌ఎస్‌ఎస్‌ యూనిట్లు ఉపయోగించాయి. ఎన్‌వైకెఎస్‌ మరియు ఎన్‌ఎస్‌ఎస్‌ యువజన కార్యకర్తలు మరియు యూత్ క్లబ్‌ల సభ్యులు కీలక పాత్ర పోషించారు.గ్రామ స్థాయి ఐక్యతారన్స్‌కు కళాశాలలు మరియు పాఠశాలల్లో కేంద్ర బిందువులుగా మారారు. కమ్యూనిటీని ముఖ్యంగా యువ తరాలను సమీకరించాలనే ఉద్దేశ్యంతో ఈ యూత్ వాలంటీర్లు ఈ-పోస్టర్‌లను రూపొందించడం ద్వారా ఈవెంట్‌ను ప్రచారం చేశారు. ప్రముఖుల వీడియో సందేశాలను సేకరించి సోషల్ మీడియా ప్లాట్‌ఫామ్‌లలో పంచుకున్నారు.

ఈ ఐక్యతా రన్స్‌ కార్యక్రమాల్లో కేంద్ర/రాష్ట్ర మంత్రులు, ఎంపీ/ఎమ్మెల్యేలు, డిఎం/డిసి, జిల్లా పంచాయతీ ప్రముఖులు, సామాజిక కార్యకర్తలు, మీడియా ప్రముఖులు, క్రీడాకారులు కూడా భాగస్వాములయ్యారు.


 

*******