آیوش کی وزارت کے ہندوستانی دواؤں اورہومیوپیتھی کے فارما کوپویا کمیشن  نےڈبلو ایچ او جنوبی مشرقی ایشا خطے کے اشتراک سے  جنوب مشرقی ایشیاخطے میں روایتی / ہربل مصنوعات کی کوالٹی لیباریٹری کی صلاحیت کو بڑھانےکےلئےاہم قدم اٹھایا ہے ۔ آیوش کی وزارت میں خصوصی سکریٹری جناب پرمود کمار پاٹھک کی طرف سے ایک تین روزہ تربیتی پروگرام کا افتتاح کیا گیا۔ یہ افتتاح  ڈبلیو ایچ او جنوب مشرقی ایشائی خطے کے دفتر کے روایتی  میڈیسن کے علاقائی مشیر ڈاکٹر کم سنگ چھول ، سی سی آئی ایم  اورایچ کے ڈائریکٹر ڈاکٹر رمن موہن سنگھ اور دیگر شخصیتوں کی موجودگی میں کیا گیا ۔ اس طرح کی تربیت ملک میں پہلی بار دی جارہی ہے ۔

اس تربیتی پروگرام میں بھوٹان، انڈونیشیا، ہندوستان، سری لنکا، تھائی لینڈ، نیپال، مالدیپ ، بنگلہ دیش، تیمور لیسٹے کے 23 نمائندےشرکت کررہے  ہیں۔ اس تربیت کا مقصدلیباریٹری پر مبنی تکنیک اور طریقہ کار کے لئے ہنرمندی فراہم کرنےکےلئےتربیت  دیناہے تاکہ روایتی ہربل مصنوعات کی کوالٹی کو برقراررکھا جاسکے ۔

 

 

اس موقع پر اظہار خیال کرتے ہوئے آیوش کی وزارت میں خصوصی سکریٹری جناب پرمود کمار پاٹھک نے کہا کہ  ترقی پذیر ملکوں کے لئے تحقیق اورانفارمیشن نظام کے سینٹر کی اطلاع کے مطابق  اس صنعت کے 2022 میں 23.3 ارب امریکی ڈالر تک پہنچنے کا اندازہ ہے۔ مارکیٹ میں اضافہ کے ساتھ ہربل مٹیریل کی کوالٹی کے امور بھی  ملاوٹ کی وجہ سے کافی تشویش کا باعث بنےہوئے ہیں ۔ لیب پر مبنی کوالٹی کنٹرول میں یکسانیت مختلف فزیکل، کمیکل ا ورجغرافیکل پہلوؤں میں تبدیلی کے سبب  اب تک ہربل کی کوالٹی میں تبدیلی کا اندازہ لگایا جاسکے گا ۔

ڈبلو ا یچ او ساؤتھ ایسٹ ایشیا علاقائی دفتر  میں روایتی میڈیسن کے  علاقائی مشیر ڈاکٹر کم سنگ چھول نے بتایاکہ ڈبلیو ایچ او ۔ ایس ای اے آر او نے  نے علاقائی ورکشاپ اور دیگر ملکوں کےلئے تربیت  کا کامیاب اہتمام کیا ہے ۔ان علاقائی ورکشاپ کے دوران ممبرممالک کی طرف سے پیش کی گئی ایک اہم شفارس یہ تھی کی انضباطی صلاحیت کو یقینی بنایا جائے، ا سی لئے آیوش کی وزارت کے پی سی آئی ایم اورایچ کے اشتراک سے اس پہلے تربیتی پروگرام کااہتمام کررہے ہیں ۔

کوالٹی کنٹرول کے اقدامات میں خام ہربل مٹیریل اچھے طور طریقوں کے لئے معیارات شامل ہیں، جن میں زراعت ، کاشتکاری، ذخیرہ کاری، کلکشن، مینوفیکچرنگ ، لیباریٹری اورکلینکل وغیرہ شامل ہیں ۔مینوفیکچرنگ، درآمد برآمد اورمارکیٹنگ کے لئے خصوصی اوریکساں لائسنسنگ اسکیمیں نافذ کی جانی چاہئیں جو صلاحیت اور تحفظ کو یقینی بنانےکےلئےاہم ہیں ۔

بڑھتی ہوئی مارکیٹ ، ہربل دواؤں  مناسب کوالٹی، صلاحیت اور اثر پذیری کو برقررار ررکھنےکےلئے چیلنج پیش کررہی ہے۔ اسے روایتی۔ ہربل مصنوعات کی کوالٹی کنٹرول کے لئے لیباریٹری کی صلاحیت کے نیٹ ورک کے ذریعہ مضبوط کرنے کی ضرورت ہے۔ یہ منفردپروگرام روایتی / ہربل مصنوعات کی کوالٹی کنٹرول کے لئے  میکرواسکوپی، فارماکوگنوسی، فائٹو کیمسٹری، مائیکروبایولوجی اور دیگر ٹکنالوجیاں، اعلی کارکردگی والی تھن لیئر کروما ٹوگرافی اور گیس کروماکوگرافی وغیرہ جیسی لیباریٹری کے طریقہ کار سے متعلق تربیت فراہم کرےگا ۔

 

 

**********

 

 

ش ح ۔ح ا۔ف ر

U.No:12107

(Release ID: 1872911) Visitor Counter : 71