ভারতকী রাস্ত্রপতি, শ্রীমতি দ্রৌপতি মুর্মু, নবেম্বর ২দগী ৫ ফাওবা নাগালেন্দ, মিজোরম অমসুং সিক্কিমদা চৎকনি।

নবেম্বর ২, ২০২২দা, রাস্ত্রপতিনা কোহিমাদা পাংথোক্কদবা নাগালেন্দ সরকারনা তরাম্না ওকপগী থৌরম শরুক য়াগনি। থৌরম অদুদা মহাক্না রাজ্য অদুগী ইজুকেসন অমসুং ইনফ্রাস্ত্রকচরগা মরী লৈনবা তোঙান-তোঙানবা প্রোজেকশিং শঙ্গাগনি অমসুং উরেপ-উয়ুং তমগনি।

নবেম্বর ৩, ২০২২দা রাস্ত্রপতিনা কোহিমা ৱার সিমিত্রিদা ইকায়খুম্নবা উৎকনি অমসুং কিগৱেমা খুঙ্গংদা চৎতুনা মফমদা মহাক্না ভিলেজ কাউন্সিগী মেম্বরশিং অমসুং এস.ঐচ.জিশিংগী মেম্বরশিংগা ৱারি শানগনি। নুমিৎ অদুদা মহাক্না আইজোলদা মিজোরম য়ুনিভর্সিতিগী ১৭শুবা কনভোকেসন থৌরম শরুক য়াগনি অমসুং রাজ্য অদুগী ইজুকেসনগা মরী লৈনবা তোঙান-তোঙানবা প্রোজেকশিং শঙ্গাগনি। নুমিদাংৱাইরমদা, মিজোরম সরকারনা শীন্দুনা আইজোলগী রাজ ভাবন্দা পাংথোক্কদবা তরাম্না ওকপগী থৌরম শরুক য়াগনি।

নবেম্বর ৪, ২০২২দা রাস্ত্রপতিনা আইজোলদা মিজোরম লেজিসলেতিপ এশেমব্লিগী মেম্বরশিংদা ৱা ঙাংগনি। নুমিৎ অদুদা, মহাকপু ইকায়খুম্নবা উৎপা ওইনা সিক্কিম সরকারনা শীনবা তরাম্না ওকপগী থৌরম অমা শরুক য়াগনি অমসুং কেন্দ্র অমসুং রাজ্য সরকারগী তোঙান-তোঙানবা প্রোজেকশিং শঙ্গাগনি অমসুং উরেপ-উয়ুং তমগনি।

নবেম্বর ৫, ২০২২দা, দিল্লিদা হল্লক্ত্রিঙৈ মমাঙদা, রাস্ত্রপতিনা রভোঙলা, তাথাগাথা সালদা মাইপাক্লবা নুপীশিং অমসুং এস.ঐচ.জিশিংগী মেম্বরশিংগা ৱারি শানগনি।

*****