صدرجمہوریہ ہند محترمہ دروپدی مرمو 2 سے 5 نومبر 2022تک ناگالینڈ، میزورم اور سکم کا دورہ کریں گی۔

2 نومبر 2022 کو صدرجمہوریہ ایک شہری استقبالیہ  میں شرکت کریں گی جس کی میزبانی کوہیما میں ناگالینڈ کی حکومت کی طرف سے ان کے اعزاز میں کی جائے گی ۔ اس موقع پر محترمہ مرمو  ریاست میں تعلیم اور بنیادی ڈھانچے سےمتعلق مختلف پروجیکٹوں کا افتتاح اور سنگ بنیاد رکھیں گی ۔

3 نومبر 2022 کو صدرجمہوریہ کوہیما ، جنگی یادگارپر احتراما خراج عقیدت پیش کریں گی اور کگویما گاؤں بھی جائیں گی جہاں وہ گاؤں کونسل کے ا رکان اورایس ایچ جیز کے ارکان کے ساتھ گفتگو کریں گی۔ اسی روز وہ آئیزول میں میزورم یونیورسٹی کے تقسیم اسناد کی 17ویں تقریب میں شرکت کریں گی اورمیزورم کی ریاست میں تعلیم سے متعلق مختلف پروجیکٹوں کا افتتاح کریں گی ۔ شام میں محترمہ مرمو ایک شہری استقبالیہ میں شرکت کریں گی جس کی میزبانی میزورم کی حکومت کی طرف سے آئیزول کے راج بھون میں ان کے اعزاز میں کی جائے گی ۔

4 نومبر کو 2022 کو صدرجمہوریہ آئیزول میں میزورم قانون ساز  اسمبلی کے ارکان سے خطاب کریں گی اوراسی روز وہ سکم کی حکو مت کی طرف سے دیئے جانے والے شہری استقبالیہ میں شرکت کریں گی جو ان کے ا عزاز میں دی جائے گی ۔ وہ مرکز اور ریاستی سرکاروں کے مختلف پروجیکٹوں کا افتتاح  اور سنگ بنیاد رکھیں گی۔

5 نومبر 2022 کو صدرجمہوریہ  دہلی لوٹنے سے پہلے ریوونگلا میں تاتھاگاتھا تسال میں ایس ایچ جی کے ارکان اور  کامیابی حاصل کرنے والی خواتین کے ساتھ بات چیت کریں گی ۔

**********

ش ح ۔ح ا۔ف ر

U.No:12106