কল্চর মন্ত্রালয়
প্রধান মন্ত্রীনা ‘মঙ্গারহ ধাম কী গৌরব গাথা’ থৌরমদা শরুক য়াখ্রে
নীংতম ইহৌগী মীয়াম্না শকখঙবীদ্রবা ত্রাইবেল অথৌবাশিংগী মফমদা ইকায় খুম্নবা উৎখ্রে
“মঙ্গারহ অসি রাজস্থান, মাহারাস্ত্রা, মধ্য প্রদেশ অমসুং গুজরাতকী মীয়ামগী অপুনবা হেরিতেজনি”: পি.এম.
মীয়াম্না নীংথিনা খঙবীদ্রবা ভারতকী অথৌবশিংনা পুৱারীদা মখোয়গী ফংফম থোকপা ইকায় খুম্নবা অমসুং মফম ফংহনগদবনি হায়বসি পি.এম. মোদীগী মঙলান্নি: শ্রী অর্জুন রাম মেঘাৱাল
Posted On:
01 NOV 2022 5:16PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি মীয়ামগী ওইবা থৌরম ‘মানগর ধাম কি গৌরব গাথা’দা শরুক য়াখি অমসুং নিংতম লানদা মশক খঙবিদ্রবা আদিৱাসিগী মশক খঙবীদ্রবা অথৌবশিং অমসুং থৱাই থাখ্রবশিংনা কত্থোকখিবশিং অদুবু ইকাইখুম্নবা উৎখি। মফম অদুদা য়ৌরক্লবা মতুংদা, প্রধান মন্ত্রীনা ধুনি দর্শন পাংথোকখি অমসুং গোৱিন্দ গুরুগি মীতম মমাংদা হৈকৎ-লৈকৎ তমখি।
মিতিন অদুদা ৱা ঙাংলদুনা, প্রধান মন্ত্রীনা হায়খি মদুদি তাপস্যা, কত্থোকপা, থৌনা ফবা অমসুং ঐখোয়গী আদিৱাসি থৌনা ফরবশিংনা কত্থোকখিবশিং অদুগী খুদম অমা ওইরিবা মানগরগী শেলবা মফম অসিদা লৈবা হায়বসি মতম পুম্বদা পুক্নিং থৌগৎনিংঙাই ওই। “মানগর অসি রাজস্থান, মহারাস্ত্র, মধ্য প্রদেশ অমসুং গুজরাতকী মীশিংগী অপুনবা হেরিতেজ লৈ”, হায়না মহাক্না হায়খি। প্রধা মন্ত্রীনা গুরু গোৱিন্দবুসু মহাক্না লৈখিদবগী কুমওন থৌরম অদুনা ওক্তোবরগী ৩০ তাবনা মরম ওইরগা হৈকৎ-লৈকৎ তমখি।
গুজরাতকী মুখ্য মন্ত্রী ওইনা লৈরিঙৈ মতমদা প্রধা মন্ত্রীনা গুজরাতকী শরুক অমা ওইরিবা মানগরগি লমদম অদুদা সেবা তৌরিঙৈ মতম অদু নিংশিংলকখি অমসুং খঙহল্লকখি মদুদি গোৱিন্দ গুরুনা মহাক্কী পুনশিগী অওইবা মতমশিং অদু মফম অসিদা লৈখি, অমসুং মহাক্কী এনর্জী অমসুং ৱাখল-লৌশিংশিং অদু লম অসিগী লৈহাওদা হৌজিক ফাওবা ফাওরি। প্রধান মন্ত্রীনা নিংশিংলকখি মদুদি মমাংদা লৈকং লা ওইরম্বা মফম অসি মহাক্না ৱন মাহোতসবকী প্লেতফোর্মগী খুত্থাংদা মীয়ামদা তকশিনখ্রবা মতুংদা অশং-অমান্না থল্লবা মফম অমা ওন্থোক্লে। প্রধান মন্ত্রীনা আদিৱাসি ফুরুপ্পু মসিগী কেমপেন অসিগীদমক্তা মশাগী ওইজবা থাদোক্তুনা থবক তৌবগীদমক্তা থাগৎপা ফোংদোকখি।
প্রধান মন্ত্রীনা হায়খি মদুদি চাউখৎ-থৌরাং অসিনা লমদম অসিগী মীশিংগী পুনশিদা ফগৎহল্লকপদা নত্তনা গোৱিন্দ গুরু জীগী পাউতাক, লমজিং-লমতাকশিং অদুবুসু শন্দোরক্লি। “গুরু গোৱিন্দগুম্বা য়াম্না মমিং লৈরবা অফাওবা নিংতম লানমী অসিনা ভারতকী চৎনবী অমসুং ৱাখল্লোনশিং অসিগী মীহুৎ ওইদুনা মশক তাকখি”, প্রধান মন্ত্রীনা মখা তারকখি “গোৱিন্দ গুরুনা মহাক্কী ইমুং-মনুংশিং কাইনখি অদুবু মহাক্কী থমোইদি কৈদৌনুংদা হন্থখিদে, নিংহন্নবা লৈখিদে অমসুং আদিৱাসি পুম্নমকপু মহাক্কী ইমুং-মনুং ওইহনখি।” গোৱিন্দ গুরুনা আদিৱাসি ফুরুপকীদমক্তা ব্রিতিশশিংগী মায়োক্তা খৎনখি, প্রধান মন্ত্রীনা পল্লকখি, মহাক্না মহাক্কী মশাগী ফুরুপশীংগী মায়োক্তসু কেমপেন তৌখি মরমদি মহাক মশামক সোসিয়েল রিফোর্মর, স্পিরিচুৱল লীদর, সন্ত অমসুং লুচিংবা অমনি। মহাক্কী ইন্তেলেকচুৱল অমসুং ফিলোসোফিকেল ওইবা মগুনশিং অদু মহাক্কী মথৌনা অমসুং সোসিয়েল এক্তিবিজমগুম্না মতিক মগুন য়াম্না লৈ হায়না প্রধান মন্ত্রীনা হায়খি।
মানগরদা ১৯১৩গী নোবেম্বর ১৭তা থোকখিবা মীহাৎ অদুবু নিংশিংলদুনা প্রধান মন্ত্রীনা পনখি মদুদি ভারত্তা ব্রিতিশ রুলগী য়াম্না তমথিবা মচৎ অদুগী খুদম অমনি। শ্রী মোদীনা হায়খি, “নাকল অমদনা নিংখা তম্বা তাল্লিবা ইচম-চমজরবা আদিৱাসিশিং অদুগা নাকল অমরোমদনা মানগরগী চিংশিং অদুবু কোইশিল্লিবা ব্রিতিশকী লোইলম শাসনশিং অদুনা নুংথিল পোবোপতা চমজরবা মীশিং, নুপী, অঙাং, অহল-লমন লিশিং অমগা চামঙা হেন্না হাৎখি।” প্রধান মন্ত্রীনা মরক থৎনা হায়রকখি মদুদি লাইবক থিবা থৌদোক্না মরম ওইরগা, নিংতম লানগী অসিগুম্বা য়াম্না মরু ওইবা অমসুং য়াম্না শোক্নিংঙাই ওইরবা থৌদোক অসি পুৱারিদা মাগী শরুক অমা কনবা ঙমদ্রবনি। প্রধান মন্ত্রীনা পনখি, “আজাদি কা অমৃত মাহোতসব অসিদা, ভারতনা অহাংবা অসিবু মেনশিল্লি অমসুং দিকেদ কবাগী মমাংদা ঐখোয়না তৌখিবা অশোইবা অদুবু চুমথোক্লি।”
অপুনবা ৱারোলগীদমক্তা মসিদা ক্লিক তৌবীয়ু
গুজরাতকী মুখ্য মন্ত্রী, শ্রী ভুপেন্দ্র ভাই পতেল, রাজস্থানগী মুখ্য মন্ত্রী, শ্রী অশোক গেহলোত, মধ্য প্রদেশকী মুখ্য মন্ত্রী, শ্রী শিবরাজ সিংহ চাউহান, মধ্য প্রদেশকী রাজ্যপাল, শ্রী মঙ্গুভাই পতেল, কলচরগী কেন্দ্রগী রাজ্য মন্ত্রী, শ্রী অর্জুন মেঘাৱালসু ঙসিগী থৌরমসিদা শরুক য়াখি।
শ্রী অর্জুন মেঘাৱালনা থৌরম অসিদা মীয়াম্বু তরাম্না ওকপগী ৱারোলদা কত্থোকপগী লমদমসিদা প্রধান মন্ত্রী, শ্রী নরেন্দ্র মোদীনা লেংবীরকপসি পুৱারী ওইবা মিৎকুপ্নি হায়খি। মহাক্না মখা তাখি, “নীংতম্বগী অমৃত মতমগী মনুংসিদা পি.এম. মোদীনা কলচর মন্ত্রালয়গী মফমদা মীয়াম্না নীংথিনা খঙবীদ্রবা ভারতকী অথৌবশিংবু নীংশিংদুনা ইকায় খুম্নবগী মরু ওইবা থৌদাং অমা খুৎশিন্নবীরে অমসুং নীংতম্বগী অমৃত মহোৎসবকীদমক্তা ঐহাকসু আইকোনিক ওইরবা মফমসিদা ওগস্ত ১৩দা লাকচখি অমসুং মীয়াম্না লমদমসিদা পি.এম. লাকহন্নীংবগী অপাম্বা ফোংদোকখি। ঙসিদি, মখোয়গী অপাম্বা ফংলে”। মীয়াম্না নীংথিনা খঙবীদ্রবা ভারতকী অথৌবশিংনা পুৱারীদা মখোয়গী ফংফম থোকপা ইকায় খুম্নবা অমসুং মফম ফংহনগদবনি হায়বসি পি.এম. মোদীগী মঙলান্নি হায়না মহাক্না ফোংদোকখি।
মধ্য প্রদেশকী মুখ্য মন্ত্রী, শ্রী শিবরাজ সিংহ চাউহান্না ঙসিগী থৌরমসিদা হায়খিবদা, নীংতম লান্মী লিশিং কয়ানা মশাগী পুন্সি কত্থোক্লবা মতুংদা ঐখোয়না নীংতম্বা ফংবনি অমসুং ভারত অমদি মঙ্গারহগী লমসিবু মখোয়গী ঈনা শেংদোকপীখি হায়খি। মশাগী পুন্সিদি কত্থোকখিবা অদুবু মীয়াম্না খঙবীদবা অদুগুম্বা শকখবীদ্রবা অথৌবা কয়াসু লৈরি, অমসুং ভারত শিনবা থুংবদা নবেম্বর ১৫দা জনজাতিয় গৌরব দিবস পাংথোক্নবা থবক পায়খৎখিবা অসিসু ঐখোয়গী পি.এম. মোদীনা হায়না মহাক্না মখা তাখি।
গুজরাতকী মুখ্য মন্ত্রীনা ঙসি তিনখিবা মীয়ামদা ৱা ঙাঙবদা অমৃত কাল মতমসিদা ঐখোয়না লেপখিবা ৱারেপ কয়াগী মনুংদা ঐখোয়গী পুৱারীগীদমক্তা চাউথোকচবা হায়বসিসু অমনি অমসুং ঐখোয়গী নীংতম লান্মীশিংগী থবকশিংগীদমক্তা ঐখোয়না চাউথোকচফম থোকই হায়খি। মহাক্না মখা তাখি, “ঐখোয়গী নীংতম্বগীদমক্তা লান্থেংনখিবা ত্রাইবেল নীংতম লান্মীশিংগী মফমদা ঐহাক্না ঙসি ইকায় খুম্নবা উৎচরি”।
রাজস্থানগী মুখ্য মন্ত্রী, শ্রী অশোক গেহলোতনা মঙ্গারহ লমদমসিগী মশাগী পুৱারী লৈজৈ হায়না ফোংদোকখি। ইং ১৯১৩গী নবেম্বর ১৭তা, গোবিন্দ গুরুগী লুচিং মখাদা, ত্রাইবেলশিংনা নীংতম্বগীদমক্তা লান শোক্নখি অমসুং ব্রিতিশনা ত্রাইবেল ১৫০০ হেনববু নোংমৈনা কাপ্তুনা হাৎখি। মঙ্গারহগী লমদমদা পাংথোকখিবা কত্থোকপগী থৌদোক অসি হৌজিক্তি সনাগী ময়েক্না ইদুনা পুৱারীদা হক্তুনা লৈরবনি।
রুরেল দিভেলপমেন্তকী কেন্দ্রগী রাজ্য মন্ত্রী, শ্রী ফগগান সিংহ কুলাস্তে, এম.পি. অমসুং এম.এল.এ. কয়াসু ঙসিগী থৌরমসিদা শরুক য়াখি।
বেকগ্রাউন্দ
আজাদি কা অমৃত মাহোতসবকী শরুক অমা ওইনা, সরকার অসিনা নিংতম লানগী মশক খঙবীদ্রবা আদিৱাসিগী অথৌবশিং অদুগী নিংশিং থৌরম পাংথোক্নবা খোংথাং কবা অমা হৌদোকখি। মসিদা কুনাই অসিদা আদিৱাসি মীশিংনা লৌখিয়া থৌদাংশিং অদুবু মশক কঙবীনবা অমসুং নিংতম লানদা মখোয়না কত্থোকখিবশিং অদুগী মতাংদা মিয়ামদা কঙহনবা হেনগৎ্ন্নবগীদমক্তা নোবেম্বর ১৫বু (আদিৱাসি নিংতম লানমী বির্সা মুন্দাগী মপোক নুমিৎ) ‘জনজাতিয়া গৌরৱ দিৱস’ ওইনা লাওথোকপা, লৈবাক শিনবা থুংনা ত্রাইবল ম্যুজিয়মশিং থম্বা অসিনচিংবশিং অসি য়াওরি। মসিগী মাইকৈদা খোংথাং অতোপ্পা খোংথাং অমা ওইনা, প্রধান মন্ত্রীনা নিংতম লানগী মশক খঙবীদ্রবা আদিৱাসিগী অথৌবশিং অমসুং থৱাই থাখিবশিং অদুবু ইকাইখুম্নবা উৎনবা, রাজস্থানগী বনস্বারাগী মানগর চিংদা মীয়ামগী ওইবা থৌরম- ‘মানগর ধাম কি গৌরব গাথা’দা শরুক য়াখি। থৌরম অদুদা, প্রধান মন্ত্রীনা ভিল নিংতম লানমী শ্রি গোৱিন্দ গুরুবু ইকাইখুম্নবা উৎখি অমসুং লমদম অদুগী ভিল আদিৱাসিশিং অমসুং অতোপ্পা আদিৱাসি মীশিংগী মীতিন অমদসু ৱা ঙাংখি।
মানগর চিং অসি ভিল ফুরুপ অমসুং রাজস্থান, গুজরাত অমসুং মধ্য প্রদেশকী অতোপ্পা আদিৱাসিশিংগীদমক্তা য়াম্না মরু ওই। নিংতম লানগী মতমদা, ভিলশিং অমসুং অতোপ্পা আদিৱাসিশিংগা ব্রিতিশকা মতম শাংনা লান্থেংনবা মতমদা, শ্রী গোৱিন্দ গুরুগী লুচিং মখাদা ১৯১৩গী নোবেম্বর ১৭তা মানগর চিংদা ভিল লাখ ১.৫ হেনবনা মফম অদুদা পুনখি ব্রিতিশরশিং য়াম্না তোইনা অসিগুম্বা মীতিনশিং অসিদা নোংমৈ কাপশিনখি, মসিনা মরম ওইরগা মানগরগী মিহাৎ অদু থোকহনখি, মসিদা চাউরাক্না আদিৱাসি ১৫০০ মুক্না থৱাই থাখি।
******
(Release ID: 1872863)
Visitor Counter : 92