হৌখিবা ওক্তোবর ৩০, ২০২২দা শন্দোকখিবা প্রধান মন্ত্রী শ্রী নরেন্দ্র মোদীগী ৯৪শুবা ‘মন কি বাত’ ইদিসন্দা তোঙান-তোঙানবা কুহ্মৈ-হরাওশিং অমসুং মশান্নশিং হায়বদি ছট, নেসনেল য়ুনিতি দে, জঞ্জাতিয়া গৌরব দিবস, গুরুপুরব, নবরাত্রি অমসুং নেসনেস গেমসনা মীয়াম অমা ওইনা পুনশিনবা অমসুং ‘এক ভারত শ্রেস্থা ভারত’কী  ৱাখল্লোন চেনহনবদা লৌরিবা মরুওইবা থৌদাংগী মতাংদা পনখি।

প্রধান মন্ত্রীনা হায়খি ‘ছট’ হায়রিবা নুমিৎ খুরুম্বা কুহ্মৈ অসি হৌজিক লৈবাক অসিগী মফম কয়াদা পাংথোক্নরে। ছট কুহ্মৈ অসি ‘এক ভারত, শ্রেস্থ ভারত’কী খুদম অমনি। বিহার অমসুং পুরভাঞ্চলগী মীয়াম্না লৈবা লৈবাক অসিগী মফম অমদা হেক্তা হৌজিক ছট হরাও-তয়াম্না পাংথোক্লে। হৌজিক ছট অসি মহারাস্ত্রাগী তোঙান-তোঙানবা জিলাশিং, দিল্লি, মুম্বাই অমসুং গুজরাতকী মফম কয়াদা পাকচাউনা পাংথোক্লে। মতমগী খোঙলোই মতুংইন্না, ছট পুজাগী মচু অসি গুজরাত শীনবা থুংনা শন্দোকপা হৌরক্লে। হৌজিক ঐখোয়না মপান লৈবাকশিংদগীসু ছট পুজাগী ফজরবা ফোতো কয়া উবা ফংলে। মসিগী ভারতকী ইনাকখুল্লবা চৎনবী, ঐখোয়গী থাজবা অসি মালেমগী মফম খুদিংমক্তা অমুক হেন্না মশক তাকপনি।

নেসনেল য়ুনিতি দেগী মতাংদা প্রধান মন্ত্রীনা হায়খি সরদার পতেলগী মপোক নুমিৎতা লৈবাক অসিগী মফম খুদিংদা রন ফোর য়ুনিতি পাংথোক্লি। মসিগী লমজেল অসিনা লৈবাক অসিগী অপুনবগী শক্তম মপাঙ্গল কনখৎহল্লে অমসুং ঐখোয়গী নহারোলশিংদা ইথিল পীরে।

প্রধান মন্ত্রীনা হায়খি মসিগা চপ মান্নবা ৱাখল্লোন অসি ঐখোয়গী নেসনেল গেমসতশু উবা ফংখি। ‘জুদেগা ইন্দিয়া তু জিতেগা ইন্দিয়া’ হায়রিবা থিম অসিগা লোয়ন্না, অতোপ্পা মাইকৈ অমদা, নেসনেল গেমসনা অপুনবগী অকনবা পাউজেল অমা পীখি, অতোপ্পা অমদা, ভারতকী শান্নবগী কলচর য়োকখৎলি। ভারত্তা পাংথোকখিবা নেসনেল গেমশিংগী মনুংদা হন্দক পাংথোকখিবা অদুনা খ্বাইদগী চাউবনি। গেম অসিদা মশান্না ৩৬ শরুক য়াখিবগী মনুংদা, অনৌবা মশান্না ৭ অমসুং মমাঙঙৈগী মশান্না অনি হায়বদি য়োগাসন অমসুং মাল্লাখাম্ব য়াওখি। নবরাত্রি মনুংদা গুজরাত্তা নেসনেল গেমস পাংথোকখি অমসুং শান্নারোয়শিংনা নুংথিলগী মতমদা গেমস শরুক য়াখি অমসুং নুমিদাংদা মখোয়না গারব অমসুং দান্দিয়া শরুক য়াখি।

প্রধান মন্ত্রীনা হায়খি অহমেদবাত্তা নেসনেল গেমস মনুংদা কলা, শান্নবা অমসুং কলচর অমতা ওইনা পুনখি। শান্নরোয়শিংনা সোসিএল মেদিয়াদা গুজরাতকী মথেলশিং অমসুং নবরাত্রিগী ফোতো কয়া থাগৎখি। অসিগুম্বা গেমসশিং অসিগী খুৎথাংদা, কনাগুম্বা অমনা ভারতকী মখল কয়াগী কলচরশিং খঙবা ঙমগনি। মখোয়না ‘এক ভারত, শ্রেস্থা ভারত’কী ৱাখল্লোন মপাঙ্গল কনখৎহল্লে।

প্রধান মন্ত্রীনা হায়খি নবেম্বর ১৫দা ঐখোয়গী লৈবাক অসিনা জনজাতিয়া গৌরব দিবস পাংথোক্কনি। ভগবান বিরসা মুন্দাগী মপোক নুমিৎতা হৌখিবা চহিদগী লৈবাক অসিদা ত্রাইবেলগী হেরিতেচকী থৌরম পাংথোকপা হৌখ্রে। মহাক্কী তেল্লবা পুন্সিদা ভগবান বিরসা মুন্দানা বৃতিস লৈঙাক্কী ময়োক্তা মীওই মিল্লিয়ন কয়া অমতা পুনশিল্লমখি। ভারতকী নিংতম্বা অমসুং ত্রাইবেলগী কলচর ঙাক্নবা মহাক্না মহাক্কী পুন্সি কৎথোকখি। ঐখোয়না ধরতি অবা বিরসা মুন্দাদগী তমগদবা য়াম্না লৈরি। ঐখোয়না ত্রাইবেলগী কলচর কাউথোক্লোইদবনি, ঐখোয়না মসিদগী লাপ্না লৈরোইদবনি হায়না মহাক্না মতম পুম্নমক্তা তকশিনখি। ঙসি ফাওবা ঐখোয়না, লৈবাক অসিগী ত্রাইবেলগী খুন্নাইশিংদগী মহৌশা অমসুং অকোয়বগী ফিবমগী মতাংদা কয়া অমা তম্লি। মমাঙ অসিদা ভগবান বিরসা মুন্দাগী মপোক নুমিৎ থৌরমদা মহাক্না রাঞ্চিদা ভগবান বিরসা মুন্দা মিউজম শঙ্গাখি।

প্রধান মন্ত্রীনা মখা তানা হায়খি নবেম্বর ৮ অসি গুরুপুরবনি। গুরু নানকজিগী প্রকাস পর্ব আসি ঐখোয়গী থাজবদা য়াম্না মরুওই, ঐখোয়না মসিগী কয়া অমা তম্লি। মহাক্কী পুন্সি চুপ্পা, গুরু নানক দেব জিনা মীওই খুন্নাইগীদমক মঙাল শন্দোকখি। হৌখিবা চহি খর অসিদা মীয়ামদা গুরুগী মঙাল শন্দোক্নবা লৈবাক অসিনা থবক কয়া পাংথোকখ্রে। ঐখোয়না লৈবাক অসিদা অমসুং মপান লৈবাকশিংদা গুরু নানক দেব জিগী ৫৫০সুবা প্রকাস পর্ব পাংথোকখ্রে। ঐখোয়গী গুরুশিংগী পাউতাকশিংদগী ঐখোয়না লেপ্তনা তমগদবনি অমসুং মখোয়দা চঙজগদবনি। ঙসি অসি কার্তিক পুর্নিমানি। ঙসিগী নুমিৎ অসিদা ঐখোয়না লাইরুমফমশিংদা ঈরুজৈ, লাইগী থৌরম পাংথোকই অমসুং কৎথোকই। হায়রিবা কুহ্মৈশিং অসি লাকপদা প্রধান মন্ত্রীনা মীপুম খুদিংমক তরাম্না ওকখি।

মন কি বাতকী তোঙান-তোঙানবা ইদিসনশিংদা প্রধান মন্ত্রীনা এক ভারত শ্রেস্থা ভারতনা অচৌবা মফম অমা কন্দুনা থমখি।

*****

(Release ID: 1872834)