کامن ویلتھ گیمز 2022 میں چاندی کا تمغہ جیتنے والی بندیارانی دیوی، ہرشدا گروڑ، آکانکشا ویاوہارے اور سومیا دلوی چند ویٹ لفٹرز ہیں جو کھیلو انڈیا ویمنز ویٹ لفٹنگ لیگ نیشنل رینکنگ یوتھ، جونیئر اینڈ سینئر ٹورنامنٹ کے دوسرے مرحلے میں حصہ لیں گی، جو 27 اکتوبر کو غازی آباد، نوئیڈا میں شروع ہونے والا ہے اور 2 نومبر کو اختتام پذیر ہوگا۔ مذکورہ تمام ایتھلیٹس ٹارگیٹ اولمپک پوڈیم اسکیم (ٹاپس) کا حصہ ہیں۔

انڈین ویٹ لفٹنگ فیڈریشن (آئی ڈبلیو ایل ایف) کے زیر انعقاد اور نوجوانوں کے امور اور کھیلوں کی وزارت کے محکمہ کھیل کے تعاون سے منعقد ہونے والی اس لیگ کا انعقاد تین عمر کے گروپوں میں کیا جائے گا: سینئر (15 سال اور اس سے زیادہ)، جونیئر (15-20 سال) اور نوجوان (13-17 سال)۔ کھیلو انڈیا لیگ کے تمام ایڈیشنز کے انعقاد کے لیے حکومت ہند کی طرف سے پیش کردہ اعانت کی کل رقم 1.88 کروڑ روپے ہے، جس میں تمام عمر کے گروپوں میں 10 وزن کے زمروں میں چوٹی کے 8 درجہ بندی والے ویٹ لفٹرز کو 48.3 لاکھ روپے کا مجموعی نقد انعام دینا بھی شامل ہے۔

لیگ کے انعقاد کو بھی مجموعی طور پر 4 سال کے لیے اصولی طور پر منظور کیا گیا ہے۔ آر این ریزورٹ، مودی نگر، غازی آباد میں ہونے والے اس ایونٹ کے دوسرے مرحلے میں کل 450 ویٹ لفٹرز کے مقابلہ میں حصہ لینے کی توقع ہے۔ لیگ کا پہلا مرحلہ اس سال جون میں ہماچل پردیش میں منعقد ہوا تھا ، جہاں دولت مشترکہ کھیل 2022 کی گولڈ میڈلسٹ میرابائی چانو نے 49 کلوگرام زمرے میں سونے کا تمغہ جیتا تھا۔

بندیارانی دیوی اور ہرشدا گروڑ نے بھی لیگ کے پہلے مرحلے میں بالترتیب 55 کلوگرام اور 45 کلوگرام زمرے میں سونے کے تمغے جیتے۔ مقابلہ کرنے والے زیادہ تر ویٹ لفٹرز کا تعلق ایس اے آئی نیشنل سینٹر آف ایکسیلینس پٹیالہ، لکھنؤ اور اورنگ آباد سے ہے۔

کھیلو انڈیا ویمنز لیگ کھیلو انڈیا کے اسپورٹس فار ویمن جزو کی ایک اور کوشش ہے، جو کھیلوں کے مقابلوں کی ایک وسیع صف میں زیادہ سے زیادہ خواتین کی شرکت کو تقویت دینے کے لیے انتہائی ضروری اقدامات کرتی ہے۔ یہ مدد نہ صرف گرانٹ دینے تک محدود ہے بلکہ مناسب تنظیم اور ایونٹس کے انعقاد میں بھی مدد کرتی ہے۔

***

(ش ح – ع ا – ع ر)

U. No. 11830

 

(Release ID: 1870843) Visitor Counter : 96