প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা পর্সনেল লাখ ১০ লৌনবগী দ্রাইব – রোজগার মেলা হৌদোকখ্রে। থৌরম অদুদা নৌনা ইনদেক্ত তৌখিবা এপোইন্তী ৭৫,০০০ হেনবদা এপোইন্তমেন্ত লেত্তরশিং খুৎশিন্নখি।

এপোইন্তীশিংদা ৱা ঙাংবা অসি প্রধান মন্ত্রীনা য়াইফ মঙ্গোল পীদুনা অমসুং ধন্তেরসকী য়াইফ-পাউজেল পীদুনা হৌখি। মহাক্না হায়, “ঙসি অসি হৌখিবা চহি ৮দা লৈবাক অসিদা চত্থরক্লিবা থবক পীবগী অমসুং মশানা মশাবু থবক পীজবগী কেম্পেনশিং অসিদা রোজগার মেলাগী মওংদা অনৌবা লিঙ্ক অমা শমজিল্লিবা নুমিৎ অমা ওইররে”। প্রধান মন্ত্রীনা হায়খি মদুদি কেন্দ্র সরকার অসিনা নীংতম্বা ফংখিবগী চহি ৭৫ অসি নীংশিংদুনা প্রোগ্রাম অমগী মখাদা নহারোল ৭৫,০০০দা এপোইন্তমেন্ত লেত্তরশিং খুৎশিন্নরি। রোজগার মেলাগী ৱাখল্লোন অসিগী মতাংদা শন্দোক্না তাক্লদুনা মহাক্না হায়, “ঐখোয়না অমুক্তংদা এপোইন্তমেন্ত লেত্তরশিং খুৎশিন্নবগী চৎনবী অমা হৌদোক্তুনা বিভাগশিংদা অকক্নবা মতমগী মনুংদা প্রোজেক্তশিং লোইশিনবগী অপুনবা তেম্পরমেন্ত অমা শেমগৎনবা ৱারেপ লৌখি”। তুংদা লাক্কদবা মতমশিংদসু কেন্দিদেৎশিংনা মতম মতমগী ওইনা সরকারদগী মখোয়গী এপোইন্তমেন্ত লেত্তরশিং ফংগনি। মহাক্না হায়, “এন.দি.এ.না লৈঙাকপা অমসুং বি.জে.পি.না লৈঙাকপা রাজ্যশিং লোয়ননা য়ুনিয়ন তেরিতোরীশিংদা অসিগা মান্নবা মেলাশিং পাঙথোক্কনি খঙবদা নুংঙাইবা পোকই”।

দিল্লীগী আই.এস.তি.এম.দা পাঙথোকখিবা রোজগার মেলাদা মহাক্কী তরাম্না ওকপগী ৱারোল পীবদা দি.ও.পি.তি.গী কেন্দ্র মন্ত্রী, দা. জিতেন্দ্র সিংহনা মহাক্কী বিভাগনা সরকারগী থবক লাখ ১০গী পান্দম অদু থুংহন্নবা এপোইন্তমেন্ত লেত্তরশিংগী মথংগী ইনস্তোলমেন্তগা লোয়ননা থা খরা অসিদ মীয়াম মাংদা লাক্লগনি হায়না প্রধান মন্ত্রীদা ৱাশকখি। মহাক্না হায়খি, প্রধান মন্ত্রীগী য়াথংগী মতুং ইন্না, মন্ত্রালয় অমসুং বিভাগ পুম্নমক্না সেঙ্কসন তৌখিবা পোস্তশিংদা লৈরিবা অহাংবা ফমশিং অদুবু মেনশিন্নবগী মাইকৈদা মিসন মোদতা থবক তৌরি।

দা. জিতেন্দ্র সিংহগা লোয়ননা এম.ই.এস., এক্সতর্নেল এফিয়র্স অমসুং এম.ও.এস. কলচর শ্রীমতি মীনাক্ষি লেখি অমসুং দিল্লী বি.জে.পি. চীফ শ্রী অদেশ গুপ্তানা দিল্লীগী আই.এস.তি.এম.দা পাঙথোকখিবা রোজগার মেলাদা নৌনা ইনদক্ত তৌখিবা এপোইন্তীশিংদা ৱা ঙাংখি।

দা. জিতেন্দ্র সিংহনা হায়খি, হৌবদগী হৌনা প্রধান মন্ত্রী মোদীনা নহারোলগা মরী লৈনবা সমস্যাশিং অমসুং হীরমশিংদা খ্বাইদগী মরু ওইবা মীৎয়েং চংদুনা লাকখি। মহাক্না হায়, প্রধান মন্ত্রীনা অনৌবা লমশিং পুথোক্নবা অমসুং হিংনবগী খুদোংচাবশিং লৈহন্নবা, নহারোলশিংদা সরকারগী থবকশিং পীনবা অমসুং ইনকম লৈহন্নবগীদমক হোৎনদুনা লাকখি।

দা. জিতেন্দ্র সিংহনা প্রধান মন্ত্রী মোদীনা ২০১৫দা নীংতম নুমিৎকী ৱারোল পীবদা “স্তার্তঅপ ইন্দিয়া স্তেন্দঅপ ইন্দিয়া”গী ৱাফম থমখিবা অদু অথুবদা লৈবাক শিনবা থুংবগী ইহৌ অমা ওন্থোকখিবা অদু নীংশিংখি। মসিগী ফক ওইনা ঙসি ২০১৪দা ভারত্তা লৈরম্বা স্তার্তঅপশিংগী মশিং ৩০০দগী ৪০০ ফাওবা অদুদগী ঙসি ৭৫,০০০ হেন্না য়ৌবা ঙমহনখি অমসুং ভারতনা মালেমগী স্তার্তঅপ ইকোসিস্তেমদা অহুমশুবা মফমদা লৈখি হায়না মহাক্না মখা তাখি।

দা. জিতেন্দ্র সিংহনা দিফেন্স, রেলৱেজ, হোম, ফাইনান্স, কম্ম্যুনিকেসন্স, লেবর, মাইন্স, ইনফোর্মেসন এন্দ ব্রোদকাস্তিং, ৱাতর রিসোর্সেস, দিপার্তমেন্ত ওফ স্পেস অমসুং বেঙ্কশিংগী মন্ত্রালয়শিংদগী মঙোন্দা শীন্নরকখিবা অনৌবা এপোইন্তী ৫৩২গী মনুংদা ৪০দা এপোইন্তমেন্ত লেত্তরশিং খুৎশিন্নখি। লেমহৌরিবা লেত্তরশিং অদু মরী লৈনবা বিভাগশিংনা ঙসি য়েন্থোকচখি। মন্ত্রীনা হায়খি ঙসি প্রধান মন্ত্রীনা পীখিবা সরকারগী পোস্তশিং অদুদা গ্রেদ-এ, গ্রেদ–বি. (গাজেত্তেদ), গ্রেদ–বি. (নন গেজেত্তেদ) অমসুং গ্রেদ–সি. য়াওখি।

দা. জিতেন্দ্র সিংহনা হায়খি থা খরগী মমাংদা প্রধান মন্ত্রী মোদীনা জাতিদা মহাক্না নহারোলগীদমক সরকারগী থবক লাখ ১০ অথুবদা পীগনি হায়না ৱাশকখি। অমুক হন্না প্রধান মন্ত্রীনা মহাক্না ফোঙদোকখিবা অদু থবক ওইনা পাঙথোকই হায়বগী খুদম পীখ্রে অমসুং মহাক্না পুম্নমক ‘মমকিন” ওইথোকপা ঙমহল্লি হায়না মহাক্না ফোঙদোকখি।

দা. জিতেন্দ্র সিংহনা হায়খি ঙসি খুৎশিন্নখিবা এপোইন্তমেন্ত লেত্তর ৭৫,০০০ অসুনা সরকারগী মন্ত্রালয় অমসুং বিভাগ পুম্নমক অয়াম্বনা কোনশিনখি অমসুং মখোয়গী বেনিফিসরীশিংনা লৈবাক অসিগী রাজ্যশিং অমসুং য়ুনিয়ন তেরিতোরীশিংদা শিনবা থুংনা লৈরি। মহাক্না সরকারদা চংলক্লিবা নহা ওইরিবা অনৌবা রিক্রুইৎশিং অসিনা ২০৪৭তা ভারতনা চহি চামা শুবগী মঙলানশিং অসি মঙফাওনবা ঙম্নবা মথংগী চহি ২৪ অসিদা লৈবাক শেমগৎপগী থৌওংদা শরুক তম্নবগী খুদোংচাবা ফংলগনি।

<><><><><>