مرکزی بورڈ برائے براہ راست ٹیکس (سی بی ڈی ٹی) نے 2 اکتوبر 2022 سے 31 اکتوبر 2022 تک سوچھتا مہم اور زیر التواء معاملات کو نمٹانے کے لیے خصوصی مہم2.0(ایس سی پی ڈی ایم) میں فعال طور پر حصہ لے رہا ہے۔ مہم کے دوران،  پرانے ریکارڈوں کو ختم کرنے ، پرانے ریکارڈز، اسکریپ اور فضلہ مواد کو ٹھکانے لگانے پر خصوصی توجہ مرکوز کی گئی ،تاکہ  غیر استعمال شدہ دفتری جگہوں کو  دوبارہ  استعمال کیا جائے اور  کام کی جگہوں کی وسیع صفائی جائے ۔

گواہاٹی میں انکم ٹیکس آفس نے پرانے ریکارڈ کو ختم کرکے اور اسکریپ کو ٹھکانے لگا کر دفتر کی 8,000 مربع فٹ جگہ دوبارہ حاصل کی ہے، جسے ایک کثیر مقصدی ہال میں تبدیل کردیا گیا ہے۔ اسی طرح لکھنؤ کے دفتر میں 3000 مربع فٹ جگہ دوبارہ حاصل کی گئی ہے۔ دیگر فیلڈ دفاتر نے بھی اسی طرح کے اقدامات کر کے اپنے علاقوں میں کافی دفتری جگہ حاصل کی ہے۔ کام کے ماحول کو بہتر بنانے کے لیے اس طرح کے دوبارہ حاصل کردہ دفتری جگہوں کی خوبصورتی کے لیے بھی خصوصی کوششیں کی گئی ہیں۔ مزید برآں، دہلی، ممبئی، شمال مشرقی خطہ  اور پونے کے علاقوں میں مختلف دفتری عمارتوں میں بالکونیوں، ٹریس اور چھتوں کو سبز جگہوں میں تبدیل کر دیا گیا ہے۔ دوسرے علاقوں کو بھی اس کی پیروی کرنے کی ترغیب دی جارہی ہے۔

 

خصوصی مہم 2.0 کی روح کے ساتھ ہم آہنگی  کے ساتھ ، سی بی ڈی ٹی نے مختلف پلیٹ فارمز کے ذریعے عوامی شکایات کے ازالے کے لیے کئی اختراعی اقدامات کا استعمال کرتے ہوئے شہریوں پر مبنی نقطہ نظر کو اپنایا ہے۔ اس تناظر میں، ملک بھر میں متعدد مقامات پر 430 آیکر سیوا کیندر(اے ایس کے مراکز) کو فعال کیا گیا ہے۔ یہ اے ایس کے سینٹرز ٹیکس دہندگان کے لیے رابطے کا واحد پوائنٹ ہیں جیسے کہ پی اے این انکوائری،26اے ایس دیکھنا، سرکلر/پریس ریلیز ڈاؤن لوڈ کرنا، دائرہ اختیار سے متعلق سوالات، رقم کی واپسی کی حیثیت وغیرہ۔ اس طرح کی درخواستوں کے ساتھ ساتھ ٹیکس دہندگان کی دیگر شکایات ، درخواست/شکایت کا سراغ لگانے کے لیے، منفرد شناخت کنندہ کے ذریعے، ان مراکز پر رجسٹرڈ اور تسلیم کیے جاتے ہیں۔

ڈی اے آر پی جی کے سکریٹری جناب وی سری نواس نے 14 اکتوبر 2022 کو گواہاٹی میں انکم ٹیکس آفس کا دورہ کیا اور خصوصی مہم 2.0 کی پیشرفت کا جائزہ لیا۔ انہوں نے گواہاٹی میں محکمہ انکم ٹیکس کے اے ایس کے مرکز کا بھی معائنہ کیا، جہاں انہیں وہاں کے اے ایس کے سینٹر کے ساتھ ساتھ ملک بھر میں اے ایس کے مراکز کے ذریعے ٹیکس دہندگان کو پیش کی جانے والی خدمات کے بارے میں بتایا گیا۔

ٹیکس دہندگان کی خدمات کی اہمیت کو تسلیم کرتے ہوئے، سی بی ڈی ٹی میں ممبر (ٹیکس ادا کرنے والی خدمات) کا ایک عہدہ تشکیل دیا گیا ۔ مزید یہ کہ ٹیکس دہندگان کی خدمات کی آسانی سے فراہمی کو یقینی بنانے اور ٹیکس دہندگان کی شکایات سے نمٹنے کے لیے ایک ڈائریکٹوریٹ آف ٹیکس پیئر سروسز قائم کیا گیا ہے۔ محکمہ انکم ٹیکس نے ٹیکس دہندگان کے انکم ٹیکس سے متعلق سوالات اور مسائل میں مدد کے لیے ایک ٹول فری ہیلپ لائن نمبر قائم کیا ہے۔

ٹیکس دہندگان کی مصروفیت کے ایک حصے کے طور پر اور ٹیکس دہندگان کی شکایات کو دور کرنے میں مدد کے لیے، انکم ٹیکس ڈپارٹمنٹ کا ٹویٹر ہینڈل بھی وسیع پیمانے پر استعمال کیا جاتا ہے تاکہ ٹیکس دہندگان کے سوالات/شکایات کا فوری جواب دیا جا سکے۔ محکمہ انکم ٹیکس کی جانب سے اپنے ٹویٹر ہینڈل کے ذریعے فراہم کردہ خدمات کو بہت سے ٹیکس دہندگان نے ، خاص طور پر ریٹرن/آڈٹ رپورٹس داخل کرنے کی آخری تاریخ کے دوران سراہا ہے ۔

۰۰۰۰۰۰۰۰۰۰۰۰۰۰۰۰

ش ح۔ اک ۔ را

U. No. 11693

(ریلیز آئی ڈی: 1869869) وزیٹر کاؤنٹر : 116