ইকায়খুম্নরবা প্রধান মন্ত্রী শ্রী নরেন্দ্র মোদীনা থৌরম মপু ওইদুনা পাঙথোকখিবা কেবিনেৎ কম্মিতী ওন ইকনমিক এফ্যার্সনা মার্কেতিং সীজন ২০২৩-২৪গী ওইনা খনগৎলবা রবী লৌরোক্কী মহৈ মরোং পুম্নমক্কী মিনিমম সপ্পোর্ত প্রাইস (এম.এস.পি.) হেনগৎপদা অয়াবা পীখ্রে

লৈঙাক্না মার্কেতিং সীজন ২০২৩-২৪গী ওইনা রবি মহৈ মরোংগী এম.এস.পি. হেনগৎলিবা অসি লৌমীশিংদা মখোয়গী পোত্থোক শেন্দোং লৈহন্নবগীদমক্তনি‍। এম.এস.পি. খ্বাইদগী চাউনা হেনগৎলিবসি লেন্তিল (মসুর)দা কুইন্তলদা লুপা ৫০০ অদুগা মথংদা রেপসীদ অমসুং হঙ্গামদা কুইন্তল অমদা লুপা ৪০০নি‍। কুশুমলৈগীদমক্তদি কুইন্তলদা লুপা ২০৯ হেনগৎপদা অয়াবা পীরে‍। গেহু, গ্রাম অমসুং চনানগীদমক্তা মথঙশিৎনা কুইন্তলদা লুপা ১১০ অমসুং ১০০ হেনগৎপদা অয়াবা পীরে‍।

মার্কেতিং সীজন ২০২৩-২৪গী ওইনা রবি মহৈ মরোং পুম্নমক্কী এম.এস.পি.

(কুইন্তলদা লুপা)

*মী নেকপগী খুৎশুমল, শন/মেচিন অৱাইমল, লম ৱাইবগী লৌশাল, মরী, হার, শন্থীনচিংবা মচাকশিং শীজিন্নবদা চঙখিবা শেন্ফম, ঈথৈ লৌখোংগী শেন্ফম, মচাক মথুম অমসুং লৌতাংশঙগী মমল হন্থরকপা, ৱর্কিং কেপিতেলগী শেন্দোয়, পম্প সেৎ চলাইবগী দীজল/মৈগী মমলনচিংবা, অতৈ চাদিং অমসুং ইমুংগী মীওইশিংগী হোত্তোক্লবা খুৎশুমলনচিংবদা চঙখিবা শেনফম পুম্নমক য়াওরগা পাবা শেঞ্জংনি‍।

মার্কেতিং সীজন ২০২৩-২৪গী রবি মহৈ মরোংগী এম.এস.পি. হেনগৎলিবা অসি লৌমীশিংদা শেন্দোং লৈহন্নবগী পান্দমদা ওল-ইন্দিয়া ৱেতেদ এভরেজ কোস্ত ওফ প্রদক্সনগী য়ামদ্রবদা শরুক ১.৫গী চাংদা এম.এস.পি. লেপ্ননবা কেন্দ্র বজেৎ ২০১৮-১৯দা লাউথোকখিবা অদুগী পরিংদনি‍। শেন্দোং খ্বাইদগী য়ামবগী চাং অসি রেপসীদ অমসুং হঙ্গামদা চাদা ১০৪ ওইরে, অদুগা মথঙদনা গেহুগী চাদা ১০০, লেন্তিলগী চাদা ৮৫, গ্রামগী জাদা ৬৬, চনানগী চাদা ৬০, অমদি কুশুমলৈগী চাদা ৫০ ওইরে‍।

ইং ২০১৪-১৫দগী হৌরগা, থাউ থোকপা মরূ অমসুং পল্সেস পুথোকপগী চাং হেনগৎহন্নবগীদমক নৌনা মীৎয়েঙ চঙদুনা লাক্লি‍। থৌরাং অসিনা চাউনা কান্নবা পীরি‍। থাউ থোকপা মরূ পুথোকপগী চাং ২০১৪-১৫দা মিলিয়ন তন ২৭.৫১ ওইরম্বদগী ২০২১-২২দা (৪শুবা এদভান্স এস্তিমেৎ) মিলিয়ন তন ৩৭.৭০দা হেনগৎলক্লে‍। পল্সেস পুথোকপদসু মতৌ অসুম্না হেনগৎলকপগী চাং উরি‍। সীদ মিনিকিৎ প্রোগ্রাম অসি লৌমীশিংগী লৌবুক্তা অনৌবা মরূ ফংহন্নবগী অচৌবা খুৎলায় অমনি, অদুগা মসিনা মরূ শিন্দোকপগী চাং হেনগৎহনবদা মরুওইবা থৌদাং য়ারি‍।

থাউ থোকপা মরূ অমসুং পল্সেস পুথোকপগী চাং ২০১৪-১৫দগী হৌরগা মশক থোক্না হেনগৎলক্লে‍। পল্সেসকী পোত্থোক পুথোকপগী চাং হেক্তর অমদা কেজি ৭২৮ (২০১৪-১৫) ওইরম্বদগী হেক্তর অমদা কেজি ৮৯২ (৪শুবা এদভান্স এস্তিমেৎ, ২০২১-২২)দা হেনগৎলে‍। মতৌ অসুম্না থাউ থোকপা মরূ পুথোকপগী চাং হেক্তর অমদা কেজি ১০৭৫ (২০১৪-১৫) ওইরম্বদগী হেক্তর অমদা কেজি ১২৯২ (৪শুবা এদভান্স এস্তিমেৎ, ২০২১-২২)দা হেনগৎলে‍।

লৈঙাক্না থাউ থোকপা মরূ অমসুং পল্সেস পুথোকপগী চাং হেনগৎহনবদা মরুওইবা মীৎয়েঙ থম্লি অমদি আত্মনিরভর ভারতকী পান্দম মপুং ফাহল্লি‍। মসিগীদমক য়াৎলিবা লাল্লোংদি মফম পাকথোক চাউথোকহন্দুনা, হায় য়ীল্দিং ভেরাইতীশিং (ঐচ.ৱাই.ভি.), এম.এস.পি.গী ঙাক্লৌ অমদি পোত্থোক লৌশিনবগী থৌরাংশিংগী মখাদা পোত্থোক হেনগৎহনবনি‍।

লৈঙাক্না লৈবাকসিগী লৌউ-শিংউগী সেক্তরদা তেক্নোলোজী অমসুং ইনোভেসন শীজিন্নদুনা স্মার্ত ফার্মিং মেথদশিং শীজিন্নবসু য়োকখৎলি‍। লৈঙাক্না দিজিতেল এগ্রিকল্চরেল মিসন (দাম) পায়খৎলি, মসিদা ইন্দিয়া দিজিতেল ইকোসিস্তেম ওফ এগ্রিকলচর (আই.দি.ই.এ.), ফার্মর্স দেতাবেজ, য়ুনিফাইদ ফার্মর্স সর্ভিস ইন্তরফেস (য়ু.এফ.এস.আই.), ফন্দিং তু দি স্তেত ওন দি নিউ তেক্নোলোজী (এন.ই.জি.পি.এ.), মহালনোবিস নেস্নেল ক্রোপ ফোরকাস্ত সেন্তর (এম.এন.সি.এফ.সি.) নৌনা শেমদোকপা, লৈহাউ মশা মউ ফনা থম্বা, ফর্তিলিতী অমসুং প্রোফাইল মেপ্পিংনচিংবা য়াওরি‍। এন.ই.জি.পি.এ. প্রোগ্রামগী মখাদা, আর্তিফিসিএল ইন্তলিজেন্স অমসুং মেচিন লর্নীং (এ.আই./এম.এল.), ইন্তরনেৎ ওফ থিংস (আই.ও.তি.), ব্লোক চেন্নচিংবা নৌনা থোরক্লিবা তেক্নোলোজীশিং শীজিন্নদুনা দিজিতেল এগ্রিকলচর প্রোজেক্তশিং পায়খৎনবগীদমক স্তেত লৈঙাকশিংদা শেল থাদরি‍। দ্রোন তেক্নোলোজী শীজিন্নবগী থৌরাংসু পায়খৎলি‍। স্মার্ত ফার্মিং য়োকখৎনবগীদমক, লৈঙাক অসিনা এগ্রিকলচর সেক্তরদা স্তার্তঅপশিং য়োকখৎলি অমদি এগ্রি-ওন্ত্রপ্রিন্যুরশিং মখোঙ শোম্বিরি‍।

***